ലാൻഡ് റവന്യൂ വകുപ്പ്
ഉപകരണങ്ങൾ
സാർവത്രികം
അച്ചടിയ്ക്കുക/കയറ്റുമതി ചെയ്യുക
ലാൻഡ് റവന്യൂ വകുപ്പ് Revenue Department | |
വകുപ്പ് അവലോകനം | |
---|---|
ആസ്ഥാനം | തിരുവനന്തപുരം |
ഉത്തരവാദപ്പെട്ട മന്ത്രി | കെ. രാജൻ, റവന്യൂ മന്ത്രി |
മേധാവി/തലവൻമാർ | ശ്രീമതി ടിങ്കു ബിസ്വാൾ ഐ.എ.എസ്, പ്രിൻസിപ്പൽ സെക്രട്ടറി ഡോ.എ.കൗശിഗൻ ഐ.എ.എസ്, ലാൻഡ് റവന്യൂ കമ്മീഷണർ |
കീഴ് ഏജൻസികൾ | ലാൻഡ് റവന്യൂ കമ്മീഷണറേറ്റ് സർവേ ആൻഡ് ലാൻഡ് റെക്കോർഡ്സ് ഡയറക്ടറേറ്റ് |
വെബ്സൈറ്റ് | |
http://www.clr.kerala.gov.in/ |
സംസ്ഥാന സർക്കാരിലെ പ്രധാന വകുപ്പുകളിലൊന്നാണ് ലാൻഡ് റവന്യൂ വകുപ്പ്. ഇപ്പോൾ ശ്രീ കെ. രാജൻ ആണ് വകുപ്പ് മന്ത്രി . ട്രഷറി, രജിസ്ട്രേഷൻ, സിവിൽ സപ്ലൈസ് തുടങ്ങിയ മിക്ക വകുപ്പുകളും റവന്യൂ വകുപ്പ് വിഭജിച്ച് രൂപം കൊണ്ടിട്ടുള്ളതാണ്.
14 ജില്ല, 21 റവന്യൂ ഡിവിഷൻ, 63 താലൂക്ക് , 1577 വില്ലേജ് എന്നിങ്ങനെയാണ് സംസ്ഥാനത്ത് റവന്യൂ വകുപ്പിന്റെ ഘടന. ഭൂമി സംബന്ധമായ കാര്യങ്ങളാണ് ഈ വകുപ്പ് പ്രധാനമായി കൈകാര്യം ചെയ്യുന്നതെങ്കിലും സംസ്ഥാന ഭരണ തലത്തിൽ സർവ്വ തല സ്പർശിയായ ചുമതലകളാണ് ഈ വകുപ്പിനുള്ളത്. മുൻപ് റവന്യൂ , ട്രഷറി, ,സിവിൽ സപ്ലൈസ്, ഫിനാൻസ് എന്നീ വകുപ്പുകളുടെ തലപ്പത്ത് പൊതുവായി റവന്യൂ ബോർഡ് ഉണ്ടായിരുന്നു. പിന്നീട് അത് നിർത്തലാക്കി അതത് വകുപ്പുകൾക്ക് കമ്മീഷണറേറ്റ് രൂപീകരിക്കുകയും ചെയ്തു.
സെക്രട്ടേറിയറ്റ് തലത്തിൽ വകുപ്പിൻ്റെ മേധാവി പ്രിൻസിപ്പൽ സെക്രട്ടറിയും (റവന്യൂ) അദ്ദേഹത്തിന് കീഴിൽ അനുബന്ധ വകുപ്പ് (ഫീൽഡ്) തലത്തിൽ വകുപ്പ് മേധാവിമാരും നേതൃത്വം നൽകുന്നു. റവന്യൂ വകുപ്പിൻ്റെ പ്രധാന ഫീൽഡ് വകുപ്പുകൾ ആണ് ലാൻഡ് റവന്യൂ കമ്മീഷണറേറ്റും സർവേ ലാൻഡ് റെകോഡ്സ് ഡയറക്ടറേറ്റും. ലാൻഡ് റവന്യൂ കമമീഷണർ, സർവേ ഡയറക്ടർ തുടങ്ങിയവർ ആണ് ഇതിന് നേതൃത്വം നൽകുന്നത്.
റവന്യൂ വകുപ്പ് മന്ത്രിയാണ് വകുപ്പിൻ്റെ തലവൻ. ഭരണത്തിൽ സഹായിക്കുന്നതിനായി പ്രിൻസിപ്പൽ സെക്രട്ടറി (റവന്യൂ) യുടെ നേതത്വത്തിൽ ഉള്ള ഉദ്യോഗസ്ഥവൃന്ദവും ഉണ്ട്.
റവന്യൂ വകുപ്പിൻ്റെ ആസ്ഥാന കാര്യാലയം തിരുവനന്തപുരത്താണ് സ്ഥിതി ചെയ്യുന്നത്. ലാൻഡ് റവന്യൂ കമ്മീഷണർ ആണ് വകുപ്പ് മേധാവി.
14 ജില്ലകൾ ആണ് കേരളത്തിൽ ഉള്ളത്. ജില്ലാ ആസ്ഥാന കാര്യാലയം കലക്ട്രേറ്റ് എന്ന് അറിയപ്പെടുന്നു. ജില്ലാ കളക്ടർ ആണ് ഇതിന് നേതൃത്വം നൽകുന്നത്. ജില്ലയുടെ റവന്യൂ ഭരണം, പൊതു ഭരണം എന്നിവയുടെ ചുമതല കലക്ടർക്ക് ആണ്. ജില്ലയുടെ മജിസ്ട്രേറ്റ് (എക്സിക്യൂട്ടിവ്) കൂടിയാണ് കലക്ടർ. ജില്ലാ കളക്ടറെ സഹായിക്കാൻ അഡീഷണൽ ജില്ലാ മജിസ്ട്രേറ്റ്, ഡെപ്യൂട്ടി കളക്ടർമാർ തുടങ്ങിയവരും ഉണ്ട്.
സംസ്ഥാനത്ത് 27 റവന്യൂ ഡിവിഷനുകൾ ആണുള്ളത്. റവന്യൂ ഡിവിഷണൽ ഓഫീസുകൾക്ക് നേതൃതം നൽകുന്നത് റവന്യൂ ഡിവിഷണൽ ഓഫീസർമാർ (ആർഡിഒ) ആണ്. ഐഎഎസ് കേഡറിൽ നിന്നുളള ഉദ്യോഗസ്ഥർ ചുമതല വഹിക്കുമ്പോൾ പൊതുവെ സബ് കലക്ടർ എന്ന് അറിയപ്പെടുന്നു. സംസ്ഥാന സർവീസ് ഉദ്യോഗസ്ഥർ പൊതുവേ ആർഡിഒ എന്ന പേരിലാണ് അറിയപ്പെടുന്നത്. റവന്യൂ ഡിവിഷൻ്റെ അധികാര പരിധിയിൽ ഒന്നിൽ കൂടുതൽ താലൂക്കുകൾ ഉണ്ടായിരിക്കും. ആർഡിഒ അതാത് റവന്യൂ ഡിവിഷൻ്റെ സബ് ഡിവിഷണൽ മജിസ്ട്രേറ്റ് കൂടിയാണ്. എക്സിക്യൂട്ടീവ് മജിസ്റ്റീരിയൽ അധികാരം കൂടി അവർ വഹിക്കുന്നുണ്ട്. കൂടാതെ മെയിന്റനൻസ് ട്രിബ്യൂണൽ കൂടിയാണ് ഈ കാര്യാലയം.
താലൂക്ക് ഓഫീസുകൾക്ക് നേതൃതം നൽകുന്നത് തഹസിൽദാർ ആണ്. അനേകം റവന്യൂ വില്ലേജുകൾ ഇതിൻ്റെ അധികാര പരിധിയിൽ വരുന്നു. താലുക്കിൻ്റെ എക്സിക്യൂട്ടിവ് മജിസ്ട്രേറ്റ് കൂടിയാണ് തഹസിൽദാർ. തഹസിൽ എന്ന വാക്കിൻ്റെ അർത്ഥം താലൂക്ക് എന്നും ദാർ എന്നതിൻ്റെ അർത്ഥം അധികാരി എന്നുമാണ്, താലൂക്കിൻ്റെ അധികാരി എന്നാണ് ഇതിൻ്റെ അർത്ഥം. ഒട്ടനേകം വില്ലേജുകൾ ചേർന്നത് ആണ് ഒരു താലൂക്ക്.
റവന്യൂ വകുപ്പിൻ്റെ പ്രാഥമിക വിഭാഗം അല്ലെങ്കിൽ താഴെ തട്ടിലുള്ള കാര്യാലയം ആണ് വില്ലേജ് ഓഫീസുകൾ. വില്ലേജ് ഓഫീസർമാർ ആണ് ഇതിന് നേതൃത്വം നൽകുന്നത്. കുറെ ദേശങ്ങൾ ചേർന്നത് ആണ് ഒരു റവന്യൂ വില്ലേജ്. ഒട്ടനേകം ദേശങ്ങൾ വില്ലേജിൻ്റെ അധികാര പരിധിയിൽ ഉൾപ്പെടുന്നു.