ലീറ്റ്

ലീറ്റ് (അല്ലെങ്കിൽ "1337") എന്നത് ഇൻറർനെറ്റിൽ ഇംഗ്ലീഷിന് സമാന്തരമായ ഒരു അക്ഷരമാല ആണ്^[1] . ഇതിൽ ലത്തീൻ അക്ഷരങ്ങൾക്ക് പകരമായി ആസ്കി (ASCII) അക്ഷരങ്ങളുടെ കൂട്ടങ്ങളാണ് ഉപയോഗിക്കുന്നത്. ഉദാഹരണത്തിന്, ലീറ്റ് (leet) എന്ന ഇംഗ്ലീഷ് വാക്ക് ലീറ്റിൽ 1337 എന്നും l33t എന്നും എഴുതാം.

ലീറ്റ് എന്ന പദം 'elite' എന്ന ഇംഗ്ലീഷ് പദത്തിൽനിന്ന് രൂപംകൊണ്ടതാണ്. ലീറ്റ് അക്ഷരമാല ചിഹ്നങ്ങൾ ഉപയോഗിച്ചുള്ള എഴുത്തിൻറെ ഒരു രൂപമാണ്‌. വ്യത്യസ്ത ഓൺലൈൻ സമൂഹങ്ങളിൽ ഈ രീതി പുറത്തുള്ളവരിൽ നിന്ന് അർഥം മറച്ചുവെച്ച് സംസാരിക്കാനായി ഉപയോഗിക്കപ്പെടുന്നു. ഓൺലൈൻ ഗെയിമിംഗിലും, കമ്പ്യൂട്ടർ ഹാക്കിംഗിലും ലീറ്റ് വ്യാപകമായി ഉയോഗിക്കുന്നുണ്ട്.