വിഷ്ണുപുരം പുരസ്‌കാരം

തമിഴ് സാഹിത്യ സംഭാവനകൾക്ക് നൽകുന്ന പുരസ്‌കാരമാണ് വിഷ്ണുപുരം പുരസ്‌കാരം. തമിഴ് എഴുത്തുകാരനായ ബി. ജയമോഹൻ എഴുതിയ വിഷ്ണുപുരം എന്ന നോവലിന്റെ വായനക്കാരുടെ കൂട്ടായ്മയായ വിഷ്ണുപുരം സാഹിത്യ മണ്ഡലമാണ് ഈ പുരസ്‌കാരം രൂപവത്കരിച്ചത്.

സാഹിത്യ സംഭാവനകൾ ഏറെയുണ്ടായിട്ടും സാമൂഹ്യ - രാഷ്ട്രീയ സ്വാധീനമില്ലാത്ത കാരണം കൊണ്ടു മാത്രം അംഗീകരിക്കപ്പെടാതെ പോകുന്ന മുതിർന്ന എഴുത്തുകാരെ ആദരിക്കാനായിട്ടാണ് ഈ പുരസ്‌കാരം 2010-ൽ തുടങ്ങിയത്. ^[1] 50,000 രൂപ ക്യാഷ് അവാർഡും, പ്രശസ്തിപത്രവും നൽകുന്നതോടൊപ്പം പുരസ്‌കാര ജേതാവിന്റെ ഏതെങ്കിലും ഒരു കൃതിയും അതേ വേദിയിൽ വച്ചു തന്നെ പ്രസിദ്ധീകരിക്കുന്നതും ഈ പുരസ്‌കാരത്തിന്റെ ഒരു സവിശേഷതയാണ്.