വൈരോചന ബുദ്ധൻ

അവതമ്സക സൂത്രം, ധര്മകായ തുടങ്ങിയ ഗ്രന്ഥങ്ങളിൽ പരമാർശിക്കപ്പെട്ടിട്ടുള്ളതും, ചരിത്രപരമായ ഗൗതമ ബുദ്ധന്റെ ഒരു സ്വർഗ്ഗീയ ബുദ്ധ പരിവേഷവുമാണ് വൈരൊചന ബുദ്ധൻ (അല്ലെങ്കിൽ മഹാവൈരൊചന, സംസ്കൃതം: वैरोचन) ^{[1] [2] [3]} . കിഴക്കൻ ഏഷ്യൻ ബുദ്ധമതത്തിൽ ( ചൈനീസ്, കൊറിയൻ, ജാപ്പനീസ് ബുദ്ധമതം ) വൈറോചനനെ ശൂന്യത എന്ന ബുദ്ധമത സങ്കൽപ്പത്തിന്റെ ആൾരൂപമായി കാണുന്നു. മഹായാന, വജ്രായന ബുദ്ധമതശാഖകളിലെ അഞ്ച് തഥഗതങ്ങൾ എന്ന ആശയ സങ്കല്പത്തിന്റെ കേന്ദ്രം വൈരൊചന ബുദ്ധനാണ്. അതിൽ വൈരോചനനെ അനാദിയായ ബുദ്ധനായി കണക്കാക്കുന്നു .