ശന്തനഗൗഡർ മോഹൻ മല്ലികാർജുൻ ഗൗഡ

1958-ൽ കർണാടകയിലെ ഹാവേരി ജില്ലയിൽ ശന്തനഗൗഡരുടെ മകനായി ജനിച്ചു. 1980-ൽ നിയമബിരുദം നേടി. 2003ൽ കർണാടക ഹൈക്കോടതിയിൽ അഡിഷണൽ ജഡ്‌ജിയായി. 2004-ൽ സ്ഥിരം ജഡ്‌ജിയായി. 2016 സെപ്റ്റംബർ 22 ന് കേരള ഹൈക്കോടതി ചീഫ് ജസ്‌റ്റിസായി സത്യപ്രതിജ്ഞ ചെയ്തു.^[1] 2017 ഫെബ്രുവരി 17-ന് സുപ്രീം കോടതി ജഡ്ജിയായി സത്യപ്രതിജ്ഞ ചെയ്ത അദ്ദേഹം, പദവിയിൽ തുടരവേ 2021 ഏപ്രിൽ 25-ന് പുലർച്ചെ മൂന്നുമണിയോടെ ഗുരുഗ്രാമിലെ മേദാന്ത ആശുപത്രിയിൽ വച്ച് അന്തരിച്ചു. 63 വയസ്സായിരുന്നു അദ്ദേഹത്തിന്.