സായിദ് ബിൻ സുൽത്താൻ അൽ നഹ്യാൻ

സായ്ദ് ഷേഖ് സുൽതാൻ ബിൻ ഖലീഫ അൽ നഹ്യാന്റെ നാലുമക്കളിൽ ഇളയവനായിരുന്നു.^[8][9] സുൽത്താൻ 1922 മുതൽ അദ്ദേഹത്തിന്റെ മരണം വരെ അബുദാബിയുടെ ഭരണാധികാരിയായിരുന്നു. സായ്ദിന്റെ മൂത്ത സഹോദരൻ ഷേഖ്ബത് ബിൻ സുൽത്താൻ അൽ നാഹ്യാൻ അല്പ കാലം അമ്മാവനായ സഖ്ർ ബിൻ സായ്ദ് അൽ നാഹ്യാന്റെ ഭരണത്തിനു ശേഷം അബുദാബിയുടെ ഭരണം ഏറ്റെടുത്തു. അദ്ദേഹത്തിന്റെ അമ്മ ഷെയിഖ സലാമ ബിൻത് ബുത്തി ആയിരുന്നു.^[10][11] അവർ മക്കൾ തമ്മിൽ കലാപത്തിലേർപ്പെടുന്നതിൽ നിന്ന് ചെറുപ്പത്തിലേ വിലക്കിയിരുന്നു.^[12] സായ്ദിനെ തന്റെ മുത്തച്ഛനായ ഷേയ്ഖ് സായ്ദിന്റെ പേരാണ് ലഭിച്ചത് (സായ്ദ് ദ ഗ്രേറ്റ്). അദ്ദേഹം 1855 മുതൽ 1909 വരെ അബുദാബിയുടെ ഭരണാധികാരിയായിരുന്നു. ^[13] സായ്ദ് ജനിച്ച സമയത്ത് അബുദാബി അറേബ്യൻ തീരത്തെ 7 എമിരേറ്റുകളിൽ ഒന്നും മാത്രമായിരുന്നു. ^[14] ചെറുപ്പത്തിൽ പരുന്ത് പറത്തുന്നതിൽ അദ്ദേഹം താല്പര്യം കാണിച്ചിരുന്നു.^[15] ഇത് അറബികളുടെ ഒരു മുഖ്യ വിനോദമാണ്.

അബുദാബിയിലെ കസ്ർ അൽ-ഹോസനിലാണ് സായ്ദ് ജനിച്ചത് എന്നു പൊതുവെ കരുതപ്പെടുന്നു എങ്കിലും അൽഎയിനിൽ ആയിരുന്നു ജനനം എന്ന് ചില രേഖകളിൽ കാണുന്നുണ്ട്.^[16][17] പ്രത്യേകിച്ചും അൽ എയ്ൻ മരുപ്പച്ചക്കരികിലുള്ള സുൽത്താൻ ബിൻ സായ്ദ് കോട്ടയിലായിരുന്നു അത് എന്നു കാണുന്നു. ^[18] 1927 -ൽ പിതാവിന്റെ മരണ ശേഷമെങ്കിലും അബുദാബിയിലേക്ക് മാറിയിരിക്കാം എന്നും കരുതുന്നു. ^[19] അൽ എയ്നിൽ ജീവിച്ച കാലത്ത് ആധുനിക വിദ്യാഭ്യാസം ഒന്നും സയ്ദിനു ലഭിച്ചില്ല. കാരണം അത്തരം വിദ്യാലയങ്ങൾ അവിടങ്ങളിൽ ഇല്ലായിരുന്നു എന്നതാണ്. പ്രാഥമിക വിദ്യാഭ്യാസം ഇസ്ലാമിക പഠനങ്ങളിൽ ഒതുങ്ങി. അവിടെ അദ്ദേഹം ബെഡൂയിൻ ഗോത്രവർഗ്ഗക്കാരുമായി ചേർന്ന് ജീവിച്ചു. അവരുടെ ആൾക്കാരുമായും അവരുടെ പാരമ്പര്യ വിദ്യകളിലും അതി കഠിനമായ ചൂടുമായി പൊരുത്തപ്പെട്ട് ജീവിക്കുന്നതിലും അദ്ദേഹം പ്രവീണ്യനായി.^[20]

ഈ പ്രദേശത്ത് ദീർഘകാലം ജീവിച്ച ബ്രിട്ടീഷ് രാഷ്ട്രീയ പ്രതിനിധി കേണൽ ഹ്യൂപോസ്റ്റിന്റെ വാക്കുകളെ കുറിച്ച് ക്ലോഡ് മോറിസ് തന്റെ പുസ്തകത്തിൽ (ദി ഡെസേർട്ട് ഫാൽക്കൺ) പറയുന്നു:

സായ്ദ് അബുദാബിയുടേ കിഴക്കൻ മേഖലയുടെ ഗവർണറായിട്ടാണ് ആദ്യമയി രാഷ്ട്രീയത്തിൽ പ്രവേശിക്കുന്നത്. 1946 ൽ ആയിരുന്നു അത്. ^[13] അൽ എയ്ൻ എന്ന പ്രവിശ്യയിലെ മുവാജി കോട്ടയായിരുന്നു തലസ്ഥാനം. ആ കാലത്ത് അത് വളരെ ദാരിദ്ര്യം പിടിച്ച ഒരു സ്ഥലമായിരുന്നു. ഇടക്കിടെ അസുഖങ്ങൾ പൊട്ടിപ്പുറപ്പെടുമായിരുന്നു. ട്രൂഷ്യൽ കോസ്റ്റ് ആ സ്ഥലത്ത് പെട്രോളിയം ഖനനം ആരംഭിച്ചപ്പോൾ സായദ് അവരെ സഹായിച്ചു.^[21] തന്റെ ഭരണകാലത്ത്, അയൽപക്കങ്ങളുമായുള്ള ബന്ധം മെച്ചപ്പെടുത്താനും തന്റെ പൌരന്മാർക്കിടയിൽ തന്റെ സ്ഥാനം ശക്തിപ്പെടുത്താനും അദ്ദേഹത്തിന് കഴിഞ്ഞു, തന്റെ ഭരണം ഹ്രസ്വകാലമായിരുന്നെങ്കിലും. മുത്തുക്കച്ചവടവും മീൻപിടുത്തവും ഈ പ്രദേശത്തെ ഏക വരുമാനമാർഗമായിരുന്ന ഒരു കാലത്ത് പൗരന്മാരെ സ്വീകരിക്കുകയും അവരുടെ ആശങ്കകൾ കേൾക്കുകയും അവരുടെ കഷ്ടപ്പാടുകൾ പങ്കുവെക്കുകയും ചെയ്തിരുന്ന പിതാവിന്റെ കൗൺസിലിൽ അദ്ദേഹം സ്ഥിരമായി പങ്കെടുക്കുന്നയാളായിരുന്നു.

1953- ൽ സായിദ് ലോകമെമ്പാടുമുള്ള ഒരു യാത്ര ആരംഭിച്ചു, അതിൽ തന്റെ രാഷ്ട്രീയ അനുഭവം രൂപപ്പെടുത്തിയെടുത്തു. ഭരണത്തിന്റെയും ജീവിതത്തിന്റെയും മറ്റ് അനുഭവങ്ങളെക്കുറിച്ച് അതിലൂടെ മനസ്സിലാക്കുകയും ചെയ്തു. ബ്രിട്ടനും തുടർന്ന് അമേരിക്ക , സ്വിറ്റ്സർലൻഡ് , ലെബനൻ , ഇറാഖ് , ഈജിപ്ത് , സിറിയ, ഇന്ത്യ എന്നിവിടങ്ങളും സന്ദർശിച്ചു, പാക്കിസ്ഥാനും ഫ്രാൻസും ഉൾപ്പെട്ടു, ഈ അനുഭവം എമിറേറ്റ്‌സിലെ ജീവിതം വികസിപ്പിക്കേണ്ടതിന്റെ ആവശ്യകതയെക്കുറിച്ചുള്ള അദ്ദേഹത്തിന്റെ ബോധ്യം വർദ്ധിപ്പിച്ചു ,പുരോഗമനം എത്രയും വേഗം മുന്നോട്ട് കൊണ്ടുപോകുവാനും ആ രാജ്യങ്ങൾക്കൊപ്പമെത്താനും അദ്ദേഹം പരിശ്രമിച്ചു.

1952 ഇൽ സൗദുകളുടെ നേതൃത്വത്തിൽ ഒരു സൈന്യം ടുർക്കീ ബിൻ അബ്ദുള്ള അൽ ഓടൈഷന്ന്റ്റെ കീഴിൽ ഈ സ്ഥലവും ഹമാസ എന്ന ബുറൈമി മരുപ്പച്ച കേന്ദ്രീകരിച്ച്‌ നീക്കം നടത്തി നോക്കി. സയദ്ദ് ഇതിനു തന്ത്രപ്രധാനമായ പ്രത്രിരോധം തീർത്തു, അരാമ്കോയുടെ കോഴയായ 30 മില്ല്യൺ പൌണ്ട് അദ്ദേഹം നിരാകരിക്കുകയും അദ്ദേഹവും സഹോദരനായ ഹസ്സയും ബുറൈമി ട്രിബൂണൽ ജനീവയിൽ വച്ച് 1955 ൽ നടത്തുകയും തെളിവുകൾ സമർപ്പിക്കുകയും ചെയ്തു. ഈ ട്രിബ്യയൂണൽ സാഉദികളുടെ കോഴപ്പണ ആരോപണം ഉന്നയിച്ച് പിരിച്ചു വിടുന്ന ഘട്ടത്തിൽ ബ്രിട്ടിഷുകാർ ബുറൈമി പിടിച്ചെടുക്കാൻ ആരംഭിച്ചു. ഇതിനു നാട്ടുകാരുടെ പിന്തുണ ഉണ്ടായിരുന്നു. ഒമാൻ ട്രൂഷ്യൽ ലെവീസ്സ് എന്നായിരുന്നു ഇതിനെ പറഞ്ഞിരുന്നത്. എന്നാൽ പിന്നീട് സ്ഥിരമായ ഒരു വളർച്ച ഉണ്ടാകുകയും സായ്ദ് ഈ സ്ഥാത്തെ ഫലാജ് സമ്പ്രദായം പരിഷ്കരിക്കാൻ ശ്രമിക്കുകയും ചെയ്തു. വെള്ളം കൊണ്ടുവരുവാനുള്ള കനാലുകളുടെ ഒരു ശൃംഘല അദ്ദേഹം ഒരുക്കി. ബുറൈമിയെ പച്ചപിടിപ്പിക്കാൻ അദ്ദേഃഹം ശ്രമിക്കുകയും അതിൽ വിജയിക്കുകയും ചെയ്തു.^{[21][പേജ് ആവശ്യമുണ്ട്][22]}

1958 ൽ എണ്ണ നിക്ഷേപം കണ്ടെത്തുകയും 1962 ൽ അത് കയറ്റുമതി ചെയ്യാനും ആരംഭിച്ചതോടെ നാഹ്യാൻ കുടുംബത്തിൽ ചില അസ്വാരസ്യങ്ങൾ ഉടലെടുത്തു. ^[23] അന്ന് ഭരണം കയ്യാളിയിരുന്ന ഷേഖ്ഭത് എണ്ണയിൽ നിന്ന് ലഭിച്ച വരുമാനം എമിറേറ്റിന്റെ ആധുനിക വത്കരണത്തിനു ചിലവാക്കാൻ വിമുഖത കാണിച്ചതായിരുന്നു കാരണം. ഇത് കുടുംബത്തിൽ അദ്ദേഹത്തിനെതിരെ മുറുമുറുപ്പ് ഉണ്ടാക്കാൻ കാരണമാക്കി. തുടർന്ന് നാഹ്യാൻ കുടുംബാംഗങ്ങൾ ഒറ്റക്കെട്ടായി^[24] അദ്ദേഹത്തിനെതിരെ തിരിയുകയും ബ്രിട്ടീഷുകാരുടെ സഹായത്തോടെ രക്തരഹിതമായ അട്ടിമറിയിലൂടെ സായ്ദിനെ ഭരണാധികാരിയാക്കാൻ ശ്രമിക്കുകയും ചെയ്തു^[25] സായ്ദിനെ ചുമതല ഏല്പിച്ച വിവരം അന്നത്തെ ബ്രിട്ടിഷ് റസിഡന്റ് ആയിരുന്ന ഗ്ലെൻ ബാൽഫോ-പോൾ ഷേഖ്ഭത്തിനെ നാഹ്യാൻ കുടുംബത്തിന്റെ ഓസ്യത്ത് അറിയിക്കുകയും അദ്ദേഹം പ്രഖ്യാപനം അംഗീകരിക്കുകയും ചെയ്തു. ഷേഖ്ഭത്ത് ട്രൂഷ്യൽ ഒമാൻ സ്കൗട്ടുകളുടെ അകമ്പടിയോടെ ബഹ്‌റൈൻ ലക്ഷ്യമാക്കി പാലായനം ചെയ്തു എന്നു രേഖകൾ ഉണ്ട്. ^[22][26] അദ്ദേഹം ഇറാനിലെ ഖോറാംഷഹറിൽ ശിഷ്ടകാലം ജീവിക്കുകയും അവസനം ബുറൈമിയിലേക്ക് വരികയും ചെയ്തു.^[24]1960 കളിൽ സായ്ദ്, ജാപ്പനീസ് വാസ്തുവിദ്യാ വിദഗ്ദനായ കാട്സുഹികോ ടാകഹാഷിയെ നഗര വികസനത്തിന്റെ ചുമതല ഏൽപ്പിച്ചു.^[27] ഒട്ടകത്തിലേറിയ സായ്ദ് മരുഭൂമിയിൽ വരച്ചു കാട്ടിയ അടയാളങ്ങൾക്ക് അനുസരിച്ച് അദ്ദേഹം നഗരം വിഭാവനം ചെയ്തു. ^[28] ഇന്ന് അബുദാബിയിൽ കാണുന്ന പല പ്രമുഖ കെട്ടിടങ്ങളും രൂപ കല്പന ചെയ്തത് ടാകാഹാഷിയാണ്. പാതകൾ വീതികൂട്ടാനും, കോർണീഷുകൾ പണിയാനും നഗരം പച്ചയിൽ പൊതിയാനും അദ്ദേഹം മുൻകൈ എടുത്തു പ്രവർത്തിച്ചു. ^[29] ടകാഹാഷിക്കു ശേഷം ഈജിപ്ഷ്യൻ വാസ്തുശില്പി ആയ അബ്ദുൾ റഹ്മാൻ മഖ്ലൂഫ് ആണ് നഗരം വികസന ചുമതലയേറ്റത്. ^[30]

1968 ജനുവരി 8 നും 11 നുമിടക്ക് യു.കെയുടെ വിദേശകാര്യ കാര്യനിർവാഹകൻ ഗോരോണ്വി റോബർട്സ് അന്നത്തെ സന്ധിയിലായായിരുന്ന എമറാത്തുകളെ ( ട്രൂഷ്യൽ സ്റ്റേറ്റ്സ്) സന്ദർശിക്കുകയും സ്റ്റേറ്റുകളുടെ ഭരണാധികാരികളെ അതുവരെ ബ്രിട്ടനുമായുണ്ടായിരുന്ന എല്ലാ ബന്ധങ്ങളും സന്ധികളും റദ്ദുചെയ്യുമെന്ന് അറിയിക്കുകയും ബ്രിട്ടൻ ആ പ്രദേശങ്ങളിൽ നിന്ന് പിൻവാങ്ങാൻ ഉദ്ദേശിക്കുന്നു എന്ന വിവരം പുറത്തുവിടുകയും ചെയ്തു.^[31] ദുബൈക്കും അബുദാബിക്കും ഇടയിലുള്ള ഉയർന്ന മരുപ്രദേശത്തു വച്ച് 1968 ഫെബ്രുവരിയിൽ നടന്ന ഈ പ്രാഥമിക കൂടിക്കാഴ്ചയിൽ എല്ലാ ഭരണാധികാരികളും പരിഭ്രാന്തരായി എങ്കിലും അത് ഒരു പുതിയ തുടക്കത്തിനു വഴിയൊരുക്കമായിരുന്നു. ഷേയ്ഖുമാരായ സായ്ദും ദുബയ് ഭരണാധികാരി റാഷിദും പുതിയ ഒരു രാജ്യം രൂപം കൊള്ളുന്നതിനായി ശ്രമിക്കാനായി തീരുമാനിക്കുകയും പരസ്പരം കൈകൊടുക്കുകയും ചെയ്തു. തുടർന്ന് മറ്റു എമറാത്തുകളിലെ ഭരണാധികാരികളുമായി സംസാരിക്കുകയും അറേബ്യൻ അക്യ നാടുകൾ എന്ന ആശയം അവതരിപ്പിക്കുകയും ചെയ്തു.^[32] ദുബായ്, അബുദാബി, ഷാർജ, റാസ്‌ അൽ ഖൈമ, ഫുജൈറ, ഉമ്മ് അൽ കുവൈൻ എന്നിങ്ങനെ ഏഴ് എമിറേറ്റുകൾ കൂടാതെ ഖത്തർ, ബഹ്‌റൈൻ എന്നിവ ഉൾപ്പെടുന്ന ഒമ്പത് രാഷ്ട്ര ഫെഡറേഷന്റെ പ്രസിഡന്റായി അദ്ദേഹം തിരഞ്ഞെടുക്കപ്പെട്ടു, അവസാനത്തെ രണ്ടെണ്ണം പിൻവലിച്ചതോടെ, 1969 ഡിസംബർ 2- ന് യുണൈറ്റഡ് അറബ് എമിറേറ്റ്‌സിന്റെ സ്ഥാപനം പ്രഖ്യാപിക്കപ്പെട്ടു

1971-ൽ നിരവധി പ്രതിബന്ധങ്ങളിലൂടെ കടന്നു പോയെങ്കിലും മറ്റു 6 സ്റ്റേറ്റുകളുടെ ഭരണാധികാരികളുമായി ഒത്തുതീർപ്പിലെത്തുകയും അറേബ്യൻ ഐക്യനാടുകൾ രൂപം കൊള്ളുകയും ചെയ്തു. ഷേഖ് സായ്ദ് അതിന്റെ ആദ്യ പ്രസിഡന്റ് ആയി തിരഞ്ഞെടുക്കപ്പെട്ടു. 1976, 1981, 1986, 1991 എന്നിങ്ങനെ പിന്നീടുള്ള വർഷങ്ങളിലും അദ്ദേഹത്തെ തന്നെ പ്രസിഡന്റ് ആയി തിരഞ്ഞെടുത്തു. ^[33] 1971 ഫെബ്രുവരി 10 നും 1972 AD നും ആറ് എമിറേറ്റുകൾ റാസൽ ഖൈമയിൽ ചേർന്നു, കോറം പൂർത്തിയാക്കാനും രാജ്യമെമ്പാടും സന്തോഷം പകരാനും തീരുമാനമായി . അദ്ദേഹം ഫെഡറേഷന്റെ പ്രസിഡന്റായും സായുധ സേനയുടെ കമാൻഡർ-ഇൻ-ചീഫുമായും തിരഞ്ഞെടുക്കപ്പെട്ടു. സായുധ സേനയെ കെട്ടിപ്പടുക്കുന്നതിലും പ്രവർത്തിച്ചു.

1974 ൽ സായ്ദ് അക്കാലത്ത് സൗദി അറേബ്യയുമായി നില നിന്നിരുന്ന അതിർത്തി തർക്കം ട്രീറ്റി ഓഫ് ജെദ്ദ എന്നറിയപ്പെടുന്ന സന്ധി സംഭാഷണത്തിലൂടെ പ്രശനം അവസാനിപ്പിച്ചു. സൗദിക്ക് ഷയ്ബാ എന്ന സ്ഥലത്ത് നിന്ന് ലഭിച്ചിരുന്ന എണ്ണയുടെ വരുമാനം ലഭിക്കുകയും പേർഷ്യൻ ഗൾഫ് സമുദ്രത്തിലേക്കു പ്രവേശനം കിട്ടുകയും ചെയ്തു. പകരം അറേബ്യൻ ഐക്യനാടുകളെ അവർ അംഗീകരിക്കുകയുണ്ടായി. ^[34]

വിദ്യാഭ്യാസം, ആരോഗ്യ പരിപാലനം, പൊതു പാർപ്പിട മേഖലകളുടെ വികസനവും നവീകരണവും, നഗരങ്ങളുടെ പൊതുവികസനവും ഉൾപ്പെടെ വിപുലമായ പരിഷ്കാരങ്ങൾ കൈവരിക്കാൻ ഷെയ്ഖ് സായിദിന് കഴിഞ്ഞു.  അബുദാബിയും ഖത്തറും തമ്മിലുള്ള ശത്രുതയുടെ നീണ്ട യുഗം ശൈഖ് സായിദ് അവസാനിപ്പിച്ചു. തപാൽ സ്റ്റാമ്പുകൾ പുറപ്പെടുവിക്കുന്നതിനുള്ള ഒരു ഉത്തരവ് പുറപ്പെടുവിക്കുക എന്നതായിരുന്നു അദ്ദേഹത്തിന്റെ ആദ്യ തീരുമാനങ്ങളിലൊന്ന്. ഭരണസംവിധാനവും സർക്കാർ വകുപ്പുകളും ഉൾപ്പെടെയുള്ള സംസ്ഥാന സ്ഥാപനങ്ങളുടെ നിർമ്മാണവും ഷെയ്ഖ് സായിദ് ഏറ്റെടുത്തു, അതിൽ അദ്ദേഹം ഭരണകുടുംബത്തിൽ നിന്നും കുടുംബത്തിന് പുറത്തുള്ളവരിൽ നിന്നുമുള്ള ഘടകങ്ങളെ ആശ്രയിച്ചു. ഇത് ആയിരക്കണക്കിന് വിദ്യാർത്ഥികൾക്ക് വിദ്യാഭ്യാസ അവസരങ്ങൾ നൽകുകയും വിദേശത്തെ മികച്ച സർവകലാശാലകളിൽ ചേരാൻ അവരെ പ്രാപ്തരാക്കുകയും ചെയ്തു.

1976 അബുദാബി ഇന്വെസ്റ്റ്മെന്റ് അതോറിറ്റി രൂപീകരിച്ച സായ്ദ്, അതിനെ വളർത്തി വലുതാക്കാൻ ശ്രമങ്ങൾ നടത്തി. 2020 ഓടെ അത് ലോകത്തിലെ ഏറ്റവും വലിയ പരമാധികാരമുള്ള ഇന്വെസ്റ്റ്മെന്റ് നിധിയായി മാറി. ^[35] ഏതാണ്ട് ഒരു ട്രില്ല്യൺ യുഎസ് ഡോളർ മൂല്യമുള്ള സ്വത്തുകൾ ഇതിനു കീഴിൽ ഉണ്ട് എന്ന് കണക്കാക്കപ്പെടുന്നു. ^[36]

ഷേഖ് സായ്ദ് അറേബ്യൻ ഐക്യനാടുകളുടെ രൂപീകരണത്തിനു പിന്നിൽ പ്രവർത്തിച്ച പ്രധാന ചാലക ശക്തിയായിരുന്നു. അദ്ദേഹം 7 എമറേറ്റുകൾ മാത്രമല്ല, അങ്ങ് ഇറാൻ വരെ പേർഷ്യൻ ഗൾഫ് തീരത്തുള്ള മിക്ക പ്രദേശങ്ങളേയും ഇതിൽ കൂട്ടിച്ചേർക്കാനുള്ള ശ്രമങ്ങൾ നടത്തുകയുണ്ടായി. 1971ൽ ഷാർജയുടെ കൈവശമുണ്ടായിരുന്ന ചില ദ്വീപുകൾ ഇറാൻ കയ്യടക്കിയതുമായി ബന്ധപ്പെട്ട് ടെഹ്രാനിൽ വച്ച് അദ്ദേഹം സംഭാഷണങ്ങളിൽ ഏർപ്പെട്ടു. ഇന്നും ഈ ദ്വീപുകൾ ഇറാന്റെ കൈവശം തന്നെയാണെന്നാണ് വയ്പ്.

1964 ൽ നടന്ന ഉമ്മ് അൽ സമൂൽ തർക്കത്തിലുണ്ടായ അദ്ദേഹത്തിന്റെ അഭിപ്രായം അയല്പക്ക രാജ്യങ്ങളോടുള്ള അദ്ദേഹത്തിന്റെ സമീപനം തുറന്നു കാട്ടുന്നു. അവിടെ വച്ച് അദ്ദേഹം തന്റെ സഹോദരനായ ഷേഖ്ബത്ത് അവരുടെ പിതാവിന്റെ കല്പനയായ ന്യൂട്രൽ സോൺ എന്ന ആശയം പിന്തുടർന്നിരുന്നുവെങ്കിൽ എന്ന പ്രത്യാശ പ്രകടിപ്പിച്ചു. " ഒരു വിലയും ഇല്ലാത്ത അല്പം വെള്ളത്തിന്റേയും മരുഭൂമിയിടേയും പേരിൽ തലപുണ്ണാക്കുന്നത് വെറും മണ്ടത്തരമാണ്. ഇനി അവിടെ എങ്ങാനും ഇനി വല്ല എണ്ണ നിക്ഷേപവും ഉണ്ടെന്നും കരുതിയാൽ തന്നെ അബുദാബിയിൽ അതിലേറെ ഉണ്ട്. ഞങ്ങൾക്ക് സഹോദര സംസ്ഥാനങ്ങളെ സഹായിക്കാനും മടിയില്ല" എന്ന് അദ്ദേഹം പറഞ്ഞതായി പലരും അവകാശപ്പെടുന്നു. ^[37]

അബുദാബി-ദുബൈ യൂണിയൻ ഉണ്ടാക്കിയ സമയത്ത് നടന്ന കൂടിയാലോചനകളിൽ (ഇതിനു ശേഷമാണ് മറ്റു എമിറേറ്റുകൾ ഐക്യ നാടുകളിൽ ചേർന്നത്) സായ്ദ് ദുബായുമായ സമീപനത്തിൽ വലിയ ദാനശീലനായിരുന്നു എന്ന് ദുബൈ ഭരണാധികാരിയായ റാഷിദിന്റെ എന്വോയ് ആയൊരുന്ന കെമാൽ ഹംസ അഭിപ്രായപ്പെട്ടു. സായ്ദ് തന്റെ ചർച്ചകളിൽ വളരെ അധികം കരീം (ദാന ധർമ്മിഷ്ടൻ) ആയിരുന്നും എന്നും ഷേഖ് റാഷിദിന്റെ ആവശ്യങ്ങളും അവകാശവാദങ്ങളും എല്ലാം അംഗീകരിക്കാൻ തയ്യാറായിരുന്നും എന്നും അദ്ദേഹം കൂട്ടിച്ചേർക്കുന്നു. കടലിൽ നിന്ന് ലഭിച്ച എണ്ണ നിക്ഷേപം റാഷിദിനും കൈമാറാൻ അദ്ദേഹം മടിച്ചില്ല. ഇത് അന്ന് ദശലക്ഷം ദിർഹം വിലപിടിപ്പുള്ളതായിരുന്നു അന്ന്. സ്വന്തം കുടുംബത്തിൽ നിന്ന് ഇതിനെതിരെ വിമർശനങ്ങൾ അദ്ദേഹത്തിനു നേരിടേണ്ടി വന്നിട്ടുണ്ട്. അബുദാബിയെ അന്യവൽകരിക്കുന്നു എന്നും സ്വന്തം പ്രവിശ്യകൾ നഷ്ടമാക്കുന്നു എന്നുമുള്ള സംസാരങ്ങൾക്ക് ഇത് വഴിവെച്ചു എങ്കിലും അബുദാബിയുടെ ഭാവി ഭദ്രമായിരുന്നു. ഈ ആരോപണങ്ങൾ ഒന്നും ഷേഖ് സായ്ദിനു ഭാവിയെക്കുറിച്ചുണ്ടായിരുന്ന സങ്കല്പങ്ങളെ അട്ടിമറിക്കാൻ തക്കതായ ഒന്നും തന്നെ ഈ ന്യായങ്ങൾക്കായില്ല. അദ്ദേഹം നടത്തിയ ത്യാഗമനോഭാവത്തിനു ആക്കം കൂട്ടുകയല്ലാതെ തിരിച്ചടി ഉണ്ടായില്ല. ഇത്തരം മഹത്തായ ത്യാഗ മനോഭാവം ചരിത്രത്തിൽ തന്നെ കുറവാണെന്നു ചരിത്രകാരന്മാർ കരുതുന്നു. അദ്ദേഹത്തിന്റെ പ്രശസ്തി ഇതോടെ കൂടുകയല്ലാതെ സല്പേരിനു കളങ്കം ഒന്നും ഉണ്ടായില്ല. ^[37]

പൊതുവെ വിശാലമനസ്കനായ ഭരണാധിപതിയായാണ് അദ്ദേഹത്തെ കണക്കാക്കപ്പെടൂന്നത്. അദ്ദേഹം സ്വകാര്യ മാധ്യമങ്ങൾ സ്വാതന്ത്ര്യം നൽകിയിരുന്നു.എന്നിരുന്നാലും ഷേഖ് സായ്ദിനെയും കുടുംബത്തെ പറ്റിയും ഉള്ള വാർത്തകൾക്ക് സെൻസർഷിപ്പ് ഏർപ്പെടുത്തണം എന്നദ്ദേഹം കല്പന ഇറക്കിയിരുന്നു ആരാധനാ സ്വാതന്ത്ര്യം പ്രവാസികൾക്കും ഒരു പരിധി വരെ നൽകാൻ അദ്ദേഹം തയ്യാറായി. എന്നാൽ ഇത് മറ്റു ഭരണാധികാരികളുടെ കണ്ണിൽ കരടായിരുന്നു. സായ്ദിനെ ഒരു മുസ്ലീം നേതാവായി കാണാനായൊരുന്നു അവർക്കു താല്പര്യം. ^[38]

അറബ് രാജ്യങ്ങളിലെ സംഭവങ്ങളിൽ ഇടപെടുന്നതിലും അഭിപ്രായം പറയുന്നതിലും സായ്ദ് മടികാണിച്ചിരുന്നില്ല. ഇറാഖി അധിനിവേശം കൊണ്ട് വീർപ്പ് മുട്ടിയിരുന്ന കുവൈറ്റിനെതിനെ സഹായിക്കാൻ ഇറാഖിനെതിരെ യുണൈറ്റഡ് നേഷൻസ് ഏർപ്പെടുത്തിയ സാമ്പത്തിക വിലക്ക് പിൻവലിക്കാൻ അദ്ദേഹം മുന്നിട്ടിറങ്ങി. കുവൈറ്റിന്റെ എതിർപ്പും അസഹിഷ്ണുതയും അദ്ദേഹം വക വച്ചില്ല.^[39]

ഭരണം കയ്യാളിയിരുന്ന കാലത്ത് ലോകത്തിലെ ഏറ്റവും വലിയ ധനികരിൽ ഒരാളായിരുന്നു സായ്ദ്. ഫോർബ്സ് മാസിക അദ്ദേഹത്തിന്റെ സ്വത്ത് 20 ബില്ല്യൺ അമേരിക്കൻ ഡോളർ വിലമതിക്കുമെന്ന് തിട്ടപ്പെടുത്തുകയുണ്ടായി. ^[40]ഈ സ്വത്തിന്റെ പ്രധാന കാരണം അബുദാബിയിലെ എണ്ണ നിക്ഷേപത്തിന്റെ വരുമാനമായിരുന്നു. ഇത് ലോകത്തിലെ പത്താമത്തെ വലിയ നിക്ഷേപമാണ്. 1988 അദ്ദേഹം ഇംഗ്ലണ്ടിലെ ടിന്റെഹഴ്സ്റ്റ് പാർക്ക് ( സണ്ണിൽഗില്ല്, ബെർക്‌ഷെയർ) തന്റെ വേനൽ കാല വസതിയാക്കി മാറ്റി. ഇതിനായി 5 മില്ല്യൺ പൗണ്ട് അദ്ദേഹം ചിലവഴിച്ചു.^{[41][42][43][44]}

ബ്രിട്ടീഷുകാർ പേർഷ്യൻ തീരത്തു നിന്ന് പിൻ വാങ്ങിയ 1971 അദ്ദേഹം അറബ് രാഷ്ട്രങ്ങളുടെ വികസനത്തിനായുള്ള കരുതൽ ധനം രൂപം കൊടുക്കുന്നതിന്റെ ആവശ്യകത മുൻകൂട്ടി കണ്ടു. അബുദാബിയുടെ എണ്ണ വരുമാനത്തിന്റെ ഒരു നല്ല ശതമാനം ഒരു ദശാബ്ദക്കാലം ഏഷ്യയുലേയും ആഫ്രിക്കയിലേയും ഉള്ള ഇസ്ലാമിക് രാജ്യങ്ങളിലേക്ക് തിരിച്ചു വിടാൻ അദ്ദേഹം തയ്യാറായി.^[37]

രാജ്യത്തിൽ ഉണ്ടായ എണ്ണനിക്ഷേപത്തിൽ നിന്ന് ലഭിച്ച വരുമാനം ഉപയോഗിച്ച് സായ്ദ് ആശുപത്രികളും, വിദ്യാലയങ്ങളും സർവ്വകലാശാലകളും പടുത്തുയർത്തി ഇവിടങ്ങളിൽ എല്ലാം സ്വരാജ്യക്കാർക്ക് സൗജന്യ പ്രവേശനം നൽകി. അറബ് രാജ്യങ്ങൾക്ക് അദ്ദേഹം ദശലക്ഷക്കണക്കിനു വരുന്ന സംഭാവനകൾ നൽകി. മരു രാജ്യങ്ങൾക്കും അദ്ദേഹം കയ്യയച്ചു സഹായം നൽകി. ^[37]

ന്യൂയോർക്ക് ടൈംസിനും നൽകിയ അഭിമുഖത്തിൽ എന്തുകൊണ്ട് തിരഞ്ഞെടുക്കപ്പെട്ട നിയമ നിർമ്മാണ സഭ അറേബ്യൻ ഐക്യനാടുകളിൽ ഇല്ല എന്ന ചോദ്യം ചോദിച്ചപ്പോൾ അദ്ദേഹം ഇങ്ങനെ ഉത്തരം നൽകി

Why should we abandon a system that satisfies our people in order to introduce a system that seems to engender dissent and confrontation? Our system of government is based upon our religion and that is what our people want. Should they seek alternatives, we are ready to listen to them. We have always said that our people should voice their demands openly. We are all in the same boat, and they are both the captain and the crew. Our doors are open for any opinion to be expressed, and this well known by all our citizens. It is our deep conviction that Allah has created people free, and has prescribed that each individual must enjoy freedom of choice. No one should act as if they own others. Those in the position of leadership should deal with their subjects with compassion and understanding, because this is the duty enjoined upon them by Allah, who enjoins upon us to treat all living creatures with dignity. How can there be anything less for mankind, created as Allah's successors on earth? Our system of government does not derive its authority from man, but is enshrined in our religion and is based on Allah's Book, the Quran. What need have we of what others have conjured up? Its teachings are eternal and complete, while the systems conjured up by man are transitory and incomplete.^[45]

സർക്കാർ വക സ്വത്തുക്കൾ സ്വദേശികൾക്ക് സൗജന്യമായി നൽകുകയുണ്ടായി. ഇത് മൂലം ചില ദരിദ്ര കുടൂംബങ്ങൾ രക്ഷപ്പെട്ടു എങ്കിലും പല ധനികരായ കുടുംബക്കാർക്ക് ആവശ്യത്തിലധികം ഭൂസ്വത്ത് വന്നു ചേർന്നു. വാസ്ത എന്നു പറയുന്ന ഭരണവർഗ്ഗവുമായി ഉണ്ടായിരുന്ന സ്വാധീനം നിമിത്തമായിരുന്നു അത്. അദ്ദേഹത്തിന്റെ മജ്ലിസ് ( ഇരുന്ന് ചർച്ച ചെയ്യുന്ന സ്ഥലം) എല്ലാവർക്കും കേറിച്ചെല്ലാവുന്ന ഒരിടമായിരുന്നു എന്നു പറയപ്പെടുന്നു. ഇസ്ലാമികമല്ലാത്ത അമ്പലങ്ങളും പള്ളികളും പണിയാൻ അദ്ദേഹം അനുമതി നൽകി. സ്ത്രീ സ്വാതന്ത്ര്യത്തിനു ഒരു പരിധിവരെ അദ്ദേഹം സമ്മതം നൽകുകയും സ്ത്രീകൾക്ക് വിദ്യാഭ്യാസത്തിനും തുല്യാവകാശം ലഭിക്കുന്നതിനും തനത് സംസ്കാരത്തിനു കീഴിൽ അവയെ വർത്തിക്കാനും അദ്ദേഹം പരിശ്രമം നടത്തി. ഇതര ജി.സി.സി. രാഷ്ട്രത്തലവന്മാരുമായി തുലനം ചെയ്യുമ്പോൾ സായ്ദിന്റെ സമീപനം ഉദാരമമനസകമായിരുന്നു എന്നു കാണാൻ സാധിക്കും.

സായ്ദ് ദാർ അൽ മാൽ അൽ ഇസ്ലാമി ട്രസ്റ്റിന്റെ ശിലാസ്ഥാപകരിൽ ഒരാളായൊരുന്നു. ഇത് സൗദി രാജകുടുംബത്തിലെ മൊഹമ്മദ് ബിൻ ഫൈസൽ അൽ സൗദ് 1981 ൽ ആണ് ആശയവതരിച്ചത്. ഫൈസൽ രാജാവിന്റെ മകനായിരുന്നു അദ്ദേഹം. ^[46] 1982- ഉണ്ടായ മഹാ വെള്ളപ്പൊക്കത്തിൽ യെമനിലെ മാാ രിബ് പ്രവിശ്യ തകർന്നടിഞ്ഞപ്പോൾ അവിടെ ഒരു അണക്കെട്ട് നിർമ്മിക്കാൻ സായ്ദ് കയ്യയച്ച് സഹായം ചെയ്തു. 1984 ൽ ആയിരുന്നു അത്.^[47][48] പരമ്പാരാഗതമായി പ്രാധാന്യമർഹിച്ചിരുന്ന പല സ്ഥലങ്ങളും പുനർ നിർമ്മാണം നടത്തി പഴയ പടിയാക്കാനും രാജ്യത്തിന്റെ സാമ്പത്തിക നിലവാരം ഉയർത്താനും ഇത് ഇടയാക്കി. മാറിബ് എന്ന പ്രവിശ്യയിൽ നിന്നാണ് സായ്ദിന്റെ പൂർവ്വികർ വന്നത് എന്നു കരുതപ്പെടുന്നു. ^[49]

പരുന്ത്പറത്തൽ, വേട്ടയാടൽ, ഷൂട്ടിംഗ്, ഒട്ടകഓട്ടം, കുതിരസവാരി എന്നിവയായിരുന്നു പ്രധാന വിനോദങ്ങൾ

സായ്ദ് സെന്റർ എന്ന സ്ഥാപനത്തിന്റെ നിർമ്മാണത്തിനുശേഷം ഹാർവാർഡ് ഡിവിനിറ്റി സ്കൂളുമായി സ്വരച്ചേർച്ച ഉണ്ടാകാതെ വന്നപ്പോൾ സായ്ദ് ഹാർവാർഡിനു നൽകിയ 2.5 ദശലക്ഷം പൌണ്ട് സംഭാവന അവർ തിരിച്ചു നൽകി. കളങ്കിതമയ പണം എന്നാണ് അതിനെ അവർ വിശേഷിപ്പിച്ചത്. മുൻ അമേർക്കൻ പ്രസിഡന്റായിരുന്ന ജിമ്മി കാർട്ടർ സെന്റർ സൽകിയ ഇന്റർനാഷണൽ പുരസ്കാരം 2001 ൽ സ്വീകരിച്ചു. ഈ പുരക്സാരത്തിനു 500,000 ഡോളർ പാരിതോഷികവുമുണ്ടായിരുന്നു. ഈ പുരസ്കാരം സ്വീകരിച്ച വേളയിൽ കാർട്ടർ പുരസ്കാരത്തിനു പ്രത്യേക മാറ്റുണ്ട് എന്നും അതിനു കാരണം അത് തന്റെ പഴയ സുഹൃത്തിൽ നിന്നാണ് പുരസ്കാരം എന്നതു കൊണ്ടാണ് എന്നും നിരീക്ഷിച്ചു. ^[50] ഇത് മറ്റൊരു വിവാദത്തിനും വഴി വച്ചു.

ഇതേ പോലെ തന്നെ മറ്റൊരു വിവാദം 2008 ൽ^[51] ലണ്ടൻ സ്കൂൾ ഓഫ് എക്കണോമിക്സിനും സായ്ദ് സെന്റർ സംഭാവന നൽകിയ വേളയിൽ ഉടലെടുത്തു. പുതിയ ലെക്ചർ ഹാൾ അക്കാഡമിക് ഹാളിനോട് ചേർന്ന് പണിയാനായിരുന്നു സംഭാവന നൽകിയത്. ആ കാമ്പസിലെ രണ്ടാമത്തെ വലിയ ലെക്ചർ ഹാൾ ആയി അത് .

ഹാർവാർഡിന്റെ ദ്വയാർത്ഥപ്രയോഗവും, കാർട്ടർ വിവാദവും മറ്റു പ്രതികൂല അഭിപ്രായ സമന്വയങ്ങളും 2003 ഈ സെന്റർ നിർത്തിവെക്കാൻ സായ്ദിനെ പ്രേരിപ്പിച്ചു. സെന്റർ അതിന്റെ പരിധിക്ക് പുറത്ത് തികച്ചും വിഭിന്നമായ സംസ്കാര സമ്പ്രദായങ്ങളുമായി അനൈക്യം ഉടലെടുക്കാൻ കാരണമായി എന്നും അതിന്റെ സഹനത എന്ന ഉദ്ദേശ്യത്തെ പിറകോട്ടടിച്ചു എന്നും അദ്ദേഹം അഭിപ്രായപ്പെട്ടൂ. ^[52]

ജ്ഞാനം, മിതത്വം, സന്തുലിതാവസ്ഥ, സത്യത്തിനും നീതിക്കും വേണ്ടി വാദിക്കുകയും, സമാധാനത്തിൽ അധിഷ്ഠിതമായ എല്ലാ പ്രശ്നങ്ങളെയും അഭിമുഖീകരിക്കുന്നതിൽ സംഭാഷണത്തിന്റെയും ധാരണയുടെയും ഭാഷയ്ക്ക് മുൻഗണന നൽകുകയും ചെയ്യുന്ന ഒരു വിശിഷ്ട വിദേശനയത്തിന്റെ അടിത്തറ, സമാധാനം എന്ന അദ്ദേഹത്തിന്റെ വിശ്വാസത്തിൽ നിന്ന് ഉടലെടുത്തു. എല്ലാ മനുഷ്യരാശിയുടെയും അടിയന്തിര ആവശ്യമാണ് ഇത് എന്ന് അദ്ദേഹം അവകാശപ്പെട്ടു. ^{[53] [54]}

സൗദി അറേബ്യയുമായി ചില അതിർത്തി തർക്കങ്ങൾ ഉണ്ടായിരുന്നു, ഷെയ്ഖ് സായിദും ഫൈസൽ ബിൻ അബ്ദുൽ അസീസ് രാജാവും തമ്മിലുള്ള നേരിട്ടുള്ള സമ്പർക്കത്തിലൂടെയല്ലാതെ അവ പരിഹരിക്കപ്പെട്ടില്ല. ഇരുപക്ഷവും 1974-ൽ ഒരു ഉടമ്പടിയിൽ ഒപ്പുവച്ചു.^[55]

ഷെയ്ഖ് സായിദിന് അമേരിക്കയുമായി നല്ല വിദേശബന്ധം ഉണ്ടായിരുന്നു, അതിന്റെ അന്താരാഷ്ട്ര നിലപാടിന്റെ അടിസ്ഥാനത്തിൽ, അദ്ദേഹത്തിന്റെ ആദ്യ തത്വങ്ങൾക്കും സ്ഥിരാങ്കങ്ങൾക്കും വിരുദ്ധമല്ലാത്ത വിധത്തിൽ (1991 ഡിസംബർ പതിനേഴാം തീയതിയിൽ യുണൈറ്റഡ് അറബ് എമിറേറ്റ്സ് എതിർത്ത് വോട്ട് ചെയ്ത രാജ്യങ്ങളിലൊന്നാണ്.) 1997- ൽ ദോഹയിൽ നടന്ന മിഡിൽ ഈസ്റ്റിന്റെയും വടക്കേ ആഫ്രിക്കയുടെയും വികസനത്തിനായുള്ള സാമ്പത്തിക സമ്മേളനത്തിൽ പങ്കെടുക്കാൻ യുഎഇ വിസമ്മതിച്ചതിനാൽ, സയണിസം വംശീയതയുടെ ഒരു രൂപമാണെന്ന് പ്രസ്താവിക്കുന്ന ഐക്യരാഷ്ട്രസഭയുടെ പ്രമേയം നമ്പർ 2279 റദ്ദാക്കപ്പെട്ടു. ഈ കോൺഫറൻസിൽ പങ്കെടുക്കാൻ പ്രേരിപ്പിക്കുന്ന അമേരിക്കൻ സമ്മർദ്ദം ഉണ്ടായിരുന്നിട്ടും, ഫലസ്തീൻ അവകാശങ്ങൾ, സ്വയം പ്രതിരോധത്തിനുള്ള അവകാശം എന്നിവയോടുള്ള വ്യക്തവും വ്യക്തവുമായ നിലപാടിനും അതിന്റെ തുടർച്ചയായ ആഹ്വാനത്തിനും പുറമെസമാധാന ചർച്ചകളിൽ സത്യസന്ധനായ ഒരു മധ്യസ്ഥന്റെ പങ്ക് അമേരിക്ക വഹിക്കാനും , ഫലസ്തീനികൾക്കെതിരായ സയണിസ്റ്റ് സമ്പ്രദായവുമായി ബന്ധപ്പെട്ട് അന്താരാഷ്ട്ര ഭീകരതയ്‌ക്കെതിരായ പോരാട്ടത്തിൽ ഇരട്ടത്താപ്പ് ഉപയോഗിക്കാതിരിക്കാനും , അദ്ദേഹത്തിന്റെ ദിശാസൂചനകളുമായി പൂർണ്ണമായും പൊരുത്തപ്പെടുന്ന നിലപാടുകളാണ് സായ്ദ് പുലർത്തിയത് ^[56]

ഷെയ്ഖ് സായിദും ഷെയ്ഖ് ജാബർ അൽ അഹമ്മദ് അൽ സബാഹും അറബ് ഗൾഫ് രാജ്യങ്ങൾക്കായുള്ള സഹകരണ കൗൺസിൽ സ്ഥാപിക്കുക എന്ന ആശയത്തോടെ ആരംഭിച്ച ഒരു ഏകീകൃത സമീപനം ഉണ്ടാക്ക. 1981 മെയ് 25 ന് യുണൈറ്റഡ് അറബ് എമിറേറ്റിലെ അബുദാബിയിൽ ശിലാസ്ഥാപനം നടത്തപ്പെട്ടു. . ഗൾഫിലെ അറബ് രാജ്യങ്ങൾക്കായുള്ള സഹകരണ കൗൺസിലിന്റെ സുപ്രീം കൗൺസിലിന്റെ ആദ്യ പ്രസിഡന്റായും കൗൺസിലിന്റെ ചാർട്ടറിൽ ഒപ്പുവച്ച ആദ്യത്തെ രാഷ്ട്രത്തലവനായും ആയി സായിദിനെ ഏകകണ്ഠമായി തിരഞ്ഞെടുത്തു.

ഒക്ടോബർ യുദ്ധത്തിൽ ഷെയ്ഖ് സായിദ് ഈജിപ്തിന് പിന്തുണ നൽകി , ഈജിപ്ഷ്യൻ ആംഡ് ഫോഴ്‌സ് ഓപ്പറേഷൻസ് അതോറിറ്റിയുടെ മുൻ മേധാവി മേജർ ജനറൽ അബ്ദുൽ മൊനീം സയീദ് സ്ഥിരീകരിച്ച പ്രകാരം, 1967 ജൂണിലെ തിരിച്ചടിക്ക് ശേഷം ഷെയ്ഖ് സായിദ് ഈജിപ്തിന് സാമ്പത്തിക പിന്തുണ നൽകി. ഇത്ആറ് ദിവസത്തെ യുദ്ധം എന്ന് വിളിക്കപ്പെട്ടു, ഈ സമയത്ത് ഇസ്രായേൽ നിരവധി രാജ്യങ്ങൾക്കെതിരെ ആക്രമണം നടത്തി.അറബ് രാജ്യങ്ങൾ ( ഈജിപ്ത് , സിറിയ , ജോർദാൻ ) സിനായ് , ഗാസ മുനമ്പ് , വെസ്റ്റ് ബാങ്ക്, ഗോലാൻ കുന്നുകൾ എന്നിവ ഈജിപ്ഷ്യൻ ശ്രമങ്ങൾ വരെ കൈവശപ്പെടുത്തി. സൈന്യത്തെ പുനർനിർമ്മിക്കാൻ പുനരാരംഭിക്കുകയും അതിന്റെ പേപ്പറുകൾ വീണ്ടും ക്രമീകരിക്കുകയും ചെയ്തു.

ഫൈസൽ ബിൻ അബ്ദുൽ അസീസ് രാജാവും ഷെയ്ഖ് സായിദും അമേരിക്കൻ എയർ ബ്രിഡ്ജിൽ നിന്ന് " ഇസ്രായേലിലേയ്‌ക്ക് " ആയുധങ്ങളുടെ പ്രവാഹത്തിന് മുന്നിൽ എണ്ണവരുമാനത്തെ ആദ്യമായി ആയുധമാക്കി , യുദ്ധത്തിന്റെ ഗതി മാറ്റാനുള്ള ശ്രമത്തിൽ, അറബ് എണ്ണ മന്ത്രിമാരുടെ സമ്മേളനത്തിലേക്ക് ഷെയ്ഖ് സായിദ് യു.എ.ഇയിലെ പെട്രോളിയം മന്ത്രിയെ യുദ്ധത്തിൽ എണ്ണയുടെ ഉപയോഗം ചർച്ച ചെയ്യാൻ അയച്ചതിനാൽ, അറബികൾക്ക് അനുകൂലമായ അന്താരാഷ്ട്ര നിലപാടിനെ ഇത് ബാധിച്ചു . ഓരോ മാസവും ഉൽപ്പാദനം 5% കുറയ്ക്കാൻ അറബ് മന്ത്രിമാർ തീരുമാനമെടുത്തപ്പോൾ, ഷെയ്ഖ് സായിദ് പറഞ്ഞു

അതിനാൽ, ഇസ്രായേലിനെ പിന്തുണയ്ക്കുന്ന രാജ്യങ്ങളിൽ നിന്നുള്ള എണ്ണയുടെ അന്തിമ വിച്ഛേദം ഉടൻ തന്റെ പേരിൽ മന്ത്രിതല യോഗത്തിൽ പ്രഖ്യാപിക്കാൻ പെട്രോളിയം മന്ത്രിയോട് അദ്ദേഹം ഉത്തരവിട്ടു, പരിപൂണ്ണ യുദ്ധമായി കണക്കാക്കിയ ഈ യുദ്ധത്തെ സംബന്ധിച്ച അന്താരാഷ്ട്ര തീരുമാനങ്ങളിൽ അദ്ദേഹം സമ്മർദ്ദം ചെലുത്തി . വിമോചനത്തെക്കുറിച്ചുള്ള, ഷെയ്ഖ് സായിദിന്റെ ദർശനം അറബ് രാജ്യങ്ങളിൽ സ്വാധിനമുണ്ടാക്കി, വിജയവും അറബ് ഭൂപ്രദേശങ്ങളുടെ വിമോചനവും പ്രതീക്ഷിച്ചിരുന്നപ്പോൾ, അറബ് ഭരണാധികാരികളിൽ യുദ്ധം പരിഹരിക്കാൻ ത്യാഗത്തിന് ഇറങ്ങിയവരുണ്ടെന്ന് അറബികൾക്ക് ഉറപ്പുനൽകാൻ അദ്ദേഹം മുന്നിട്ടിറങ്ങി. അറബ് രാഷ്ട്രത്തെ പിന്തുണയ്ക്കാനുള്ള താൽപ്പര്യം നിലനിർത്താനായിരുന്നു ഇത്.

ഈ സമയത്ത് ഒരു വിദേശ പത്രപ്രവർത്തകൻ ഷെയ്ഖ് സായിദിനോട് ചോദിച്ചു, “നിങ്ങളുടെ സിംഹാസനത്തിനായുള്ള നിലനില്പിൽ വലിയ ശക്തികളെ നിങ്ങൾ ഭയപ്പെടുന്നില്ലേ?” അദ്ദേഹം പറഞ്ഞു.

.

ഇസ്രായേലിനെതിരായ നിർഭാഗ്യകരമായ യുദ്ധത്തിൽ ഈജിപ്തിനൊപ്പം നിൽക്കേണ്ടതിന്റെ ആവശ്യകതയെ പിന്തുണച്ച ആദ്യത്തെ അറബ് നേതാക്കളിൽ ഒരാളാണ് ഷെയ്ഖ് സായിദ്, “യുദ്ധം മുഴുവൻ അറബ് അസ്തിത്വത്തിന്റെയും വരാനിരിക്കുന്ന നിരവധി തലമുറകളുടെയും യുദ്ധമാണ്, അത് നമുക്ക് അഭിമാനവും അന്തസ്സും അവകാശമാക്കണം " എന്ന് അദ്ദേഹം അഭിപ്രായപ്പെട്ടൂ.

കെയ്‌റോ യൂണിവേഴ്‌സിറ്റിയിലെ ഇക്കണോമിക്‌സ് ആൻഡ് പൊളിറ്റിക്കൽ സയൻസ് ഫാക്കൽറ്റി ഓഫ് ഇന്റർനാഷണൽ റിലേഷൻസ് പ്രൊഫസർ ഡോ. മുഹമ്മദ് ഹുസൈൻ, അറബ്-ഇസ്രായേൽ സംഘർഷത്തിന്റെ മുന്നണികളെ സേവിക്കുന്നതിൽ യു.എ.ഇ.യുടെ ഭൗതിക കഴിവുകൾ സ്ഥാപിക്കുന്നതിനു പുറമേ , സായിദ് ഈജിപ്തിന് ധാരാളം മൊബൈൽ സർജിക്കൽ ഓപ്പറേറ്റിംഗ് റൂമുകൾ നൽകി, അവയിൽ നിന്ന് യൂറോപ്പിലുടനീളം വാഗ്ദാനം ചെയ്യുന്നതെല്ലാം വാങ്ങാൻ അദ്ദേഹം ഉത്തരവിട്ടു . അവർക്ക് മെഡിക്കൽ സാമഗ്രികളും നിരവധി ആംബുലൻസുകളും സപ്ലൈകളും അടിയന്തിരമായി അയയ്ക്കുക, യുദ്ധം ആരംഭിച്ചതോടെ എല്ലാം ഒന്നിനും കൊള്ളില്ല എന്ന് അഭിപ്രായപ്പെടുകയും ചെയ്തു

സെന്റർ ഫോർ പൊളിറ്റിക്കൽ ആൻഡ് സ്ട്രാറ്റജിക് സ്റ്റഡീസ് മേധാവി മേജർ ജനറൽ അലാ ബാസിദ്, 1973ലെ യുദ്ധത്തെ അന്താരാഷ്ട്ര തലത്തിൽ പിന്തുണയ്ക്കുന്നതിലും അതിനുള്ള പിന്തുണ സമാഹരിക്കുന്നതിലും യു എ ഇ വഹിച്ച പങ്ക് ലണ്ടനിൽ ഷെയ്ഖ് സായിദ് നടത്തിയ സമ്മേളനത്തിലൂടെ അവലോകനം ചെയ്തു . അധിനിവേശം നിരസിച്ച ലോകജനത, ഈജിപ്തിനെ പിന്തുണയ്ക്കുന്നതിന് അനുകൂലമായി ഒരു മാസത്തെ ശമ്പളം മുഴുവൻ സംഭാവന ചെയ്യാൻ യു.എ.ഇ. അതിന്റെ ജീവനക്കാരുടെമേൽ തീരുമാനമെടുപ്പിച്ചത് ഒരു അടിച്ചേൽപ്പിക്കപ്പെട്ട സമ്പ്രദായമാണെന്ന് പ്രസ്ഥാവിക്കുന്നു.^[57]

ഇറാനുമായുള്ള യുദ്ധം തുടരാൻ ഇറാഖിന് വേണ്ടി ഇറാൻ കൈവശപ്പെടുത്തിയ മൂന്ന് എമിറാത്തി ദ്വീപുകളുടെ പ്രശ്നം പരിഗണിക്കാൻ ഷെയ്ഖ് സായിദ് വിസമ്മതിച്ചു . ഇറാഖ്-ഇറാൻ യുദ്ധം തടയാൻ ലക്ഷ്യമിട്ടുള്ള ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ പദ്ധതിയിലൂടെ യുണൈറ്റഡ് അറബ് എമിറേറ്റ്സിന് ഒരു നിലപാട് ഉണ്ടായിരുന്നു. ഇറാനും ഇറാഖിനും ഇടയിൽ പോരാടുന്നതിന് നിഷ്പക്ഷ നിലപാടുള്ള മൂന്ന് പ്രസിഡന്റുമാരെ അമ്മാനിലെ അടുത്ത ഉച്ചകോടിയിലേക്ക് നിയോഗിക്കുന്ന അറബ് നേതാക്കളിൽ ഇത് സംഗ്രഹിച്ചിരിക്കുന്നു, ഈ പ്രതിനിധി സംഘം രണ്ട് പാർട്ടികളുടെയും അവകാശങ്ങൾ ഉറപ്പുനൽകുന്നുവെന്നും അവർ പ്രതിനിധീകരിക്കുന്നില്ലെന്നും ഇറാന് ഉറപ്പുനൽകി, പക്ഷേ എല്ലാ അറബ് നേതാക്കളും, മധ്യസ്ഥത സ്വീകരിച്ചാൽ, സൈന്യം പിൻവാങ്ങും, വെടിവയ്പ്പ് നിർത്തും,എന്നും അദ്ദേഹം പ്രതികരിച്ചു. ആരെങ്കിലും തന്റെ അയൽക്കാരന്റെ അവകാശം തെളിയിക്കുന്നെങ്കിൽ, അറബ് നേതാക്കൾ അവനായിരിക്കും ഗ്യാരണ്ടർമാരും എന്നും അദ്ദേഹം അഭിപ്രായപ്പെട്ടു.. ജിസിസി രാജ്യങ്ങൾ ഇറാഖിനുള്ള പിന്തുണ എന്ന് വിളിക്കുന്നത് അവസാനിപ്പിക്കണമെന്ന വ്യവസ്ഥയിലാണ് ഇറാന്റെ അനുമതി ലഭിച്ചത്. ^[58]

ഇറാഖി അധിനിവേശത്തെത്തുടർന്ന് നിരവധി കുവൈറ്റികൾ തങ്ങളുടെ രാജ്യം വിട്ടുപോയി, എമിറാത്തി ജനത അവരെ സ്വാഗതം ചെയ്തു. ചികിത്സാ ചെലവുകൾ നൽകുന്നതിൽ നിന്ന് അവരെ ഒഴിവാക്കുന്നതിനൊപ്പം അവർക്ക് വീടും സാമ്പത്തിക സഹായവും നൽകാനും ഷെയ്ഖ് സായിദ് ഉത്തരവിട്ടു. യുദ്ധകാലത്ത് 66,000 കുവൈറ്റികൾ എമിറേറ്റ്സിൽ അഭയം തേടിയതായി കരുതുന്നു.

ഫലസ്തീനിലെ അധിനിവേശ അറബ് ഭൂമി മോചിപ്പിക്കുന്നതിനായി 1973 ലെ യുദ്ധത്തിൽ ഷെയ്ഖ് സായിദ് ഈജിപ്തിനെയും സിറിയയെയും പിന്തുണച്ചു. 1980 ഒക്ടോബറിൽ , വിവിധ വിഭാഗങ്ങൾക്കിടയിൽ നടക്കുന്ന ആഭ്യന്തരയുദ്ധത്തിൽ നിന്ന് ലെബനനെ രക്ഷിക്കാനായി ഷെയ്ഖ് സായിദ് ഒരു അറബ് ഉച്ചകോടിക്ക് ആഹ്വാനം ചെയ്തു . 1991-ൽ കുവൈറ്റ് ഭരണകൂടത്തിന്റെ ഇറാഖി അധിനിവേശ സമയത്ത്, അനുരഞ്ജനത്തിന് ആഹ്വാനം ചെയ്ത ആദ്യത്തെ അറബ് നേതാക്കളിൽ ഒരാളാണ് ഷെയ്ഖ് സായിദ്, കൂടാതെ കുവൈറ്റ് കുടുംബങ്ങളെ തന്റെ രാജ്യത്തേക്ക് സ്വാഗതം ചെയ്യുകയും ചെയ്തു, സമാധാന പരിപാലനത്തിലുള്ള അദ്ദേഹത്തിന്റെ താൽപ്പര്യം യു.എ.ഇ.യിലും പ്രകടമായിരുന്നു. ഐക്യരാഷ്ട്രസഭയുടെ നേതൃത്വത്തിൽ സോമാലിയയിൽ നടന്ന "പ്രതീക്ഷയുടെ പുനഃസ്ഥാപന" പ്രവർത്തനത്തിൽ പങ്കാളിത്തം നടത്തി. 1994-ൽ യെമനിൽ ആഭ്യന്തരയുദ്ധം നടന്നപ്പോൾ അന്താരാഷ്‌ട്ര തലത്തിൽ, 1998-ൽ നാറ്റോയുടെ നേതൃത്വത്തിൽ കൊസോവോയിൽ സമാധാന പരിപാലന ദൗത്യത്തിൽ യു.എ.ഇ പങ്കെടുത്തു.

ദരിദ്രരായ ഗ്രൂപ്പുകളുടെ പ്രയോജനത്തിനായി മൊറോക്കൻ പ്രദേശങ്ങളിൽ നിരവധി ചാരിറ്റി, വികസന പദ്ധതികൾ വികസിപ്പിക്കുന്നതിലും അദ്ദേഹത്തിന് ഒരു പ്രധാന പങ്കുണ്ട്. 1986- ൽ യെമനിലെ പഴയ മാരിബ് അണക്കെട്ട് പുനർനിർമിക്കുന്നതിനുള്ള പദ്ധതിയിലും അദ്ദേഹം സംഭാവന നൽകി, കൂടാതെ വയലുകളിലേക്ക് വെള്ളം വിതരണം ചെയ്യുന്നതിനായി ഒരു അധിക ചാനൽ ശൃംഖലയ്ക്ക് ധനസഹായം നൽകി.

1960-കളിൽ, യുണൈറ്റഡ് അറബ് എമിറേറ്റ്‌സ് ഫെഡറേഷൻ ഫോർ അനിമൽ റൈറ്റ്‌സിന് ആതിഥേയത്വം വഹിച്ചു, തുടർന്ന് 1976-ൽ യു.എ.ഇ ആദ്യമായി പരുന്തുകളെ വേട്ടയാടുന്നതിനും സൂക്ഷിക്കുന്നതിനുമുള്ള അന്താരാഷ്ട്ര സമ്മേളനം നടത്തുകയും സ്‌ഫോടകവസ്തുക്കൾ ഉപയോഗിച്ച് വേട്ടയാടുന്നത് നിരോധിക്കുന്ന നിയമം പുറപ്പെടുവിക്കുന്നതിന് കാരണമാകുകയും ചെയ്തു 1983 ആയപ്പോഴേക്കും യു.എ.ഇ.യിൽ തോക്ക് ഉപയോഗിച്ച് വേട്ടയാടുന്നതിന് നിരോധനം ഏർപ്പെടുത്തിയിരുന്നു. ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ നിർദേശപ്രകാരം, അറുപതുകളുടെ തുടക്കത്തിൽ കാട്ടിൽ അവശേഷിച്ച നിരവധി മൃഗങ്ങളെ കൊണ്ടുവന്നതിന് ശേഷം, അറബ് ഓറിക്‌സിനെ അടിമത്തത്തിൽ വളർത്തുന്നതിൽ യുഎഇ ശ്രദ്ധേയമായ വിജയം കൈവരിച്ചു . വംശനാശത്തിന്റെ വക്കിലെത്തിയ ശേഷം ഇത്തരത്തിലുള്ള ജീവികളുടെ ഭാവി ഇപ്പോൾ ഉറപ്പാണ്. മൂവായിരത്തിലധികം അറേബ്യൻ ഓറിക്‌സ് (ഓറിക്‌സ്) വസിക്കുന്നത് യുഎഇയിലാണ്.  രാജ്യത്തുടനീളം 140 ദശലക്ഷത്തിലധികം മരങ്ങൾ നട്ടുപിടിപ്പിക്കാനും അദ്ദേഹം ഉത്തരവിട്ടു.

ഷെയ്ഖ് സായിദിന് നബാത്തി കവിത, ജനപ്രിയ സാഹിത്യം, ബദൂയിൻ കവിതകൾ എന്നിവയിൽ പ്രത്യേക താൽപ്പര്യമുണ്ടായിരുന്നു. കൂടാതെ അദ്ദേഹം അഭിമാനം , ജ്ഞാനം, സ്പിന്നിംഗ് , എല്ലാത്തരം ആധികാരിക അറബി സാഹിത്യത്തിലും കവിതകൾ രചിച്ചു. ^[59]

അബുദാബി മീഡിയ കമ്പനിയുടെ പങ്കാളിത്തത്തോടെയും സഹകരണത്തോടെയും യുഎഇയിലെ സാംസ്‌കാരിക, പൈതൃക ഉത്സവങ്ങളുടെയും പരിപാടികളുടെയും മാനേജ്‌മെന്റ് കമ്മിറ്റി അറബിയിലും ഫ്രഞ്ചിലും ഷെയ്ഖ് സായിദിന്റെ വാക്യങ്ങളും കവിതകളും പ്രതിഫലിപ്പിക്കുന്ന പുസ്തകം പുറത്തിറക്കി . "സായിദ്, സമാധാനത്തിന്റെയും മാനവികതയുടെയും കവി" എന്ന മുദ്രാവാക്യത്തിന് കീഴിൽ യുനെസ്‌കോയിൽ എമിറാത്തി-ഫ്രഞ്ച് ഫോറത്തിന്റെ പ്രവർത്തനങ്ങൾ സംഘടിപ്പിച്ചു. അദ്ദേഹം നബാതി കവിതയ്ക്ക് ഒരു മാതൃക നൽകുന്നു , അത് അതിന്റെ പ്രത്യേക വാക്കുകളാലും രൂപീകരണങ്ങളാലും താളത്താലും വേറിട്ടുനിൽക്കുകയും ഉന്നതമായ മനുഷ്യനെ വെളിപ്പെടുത്തുകയും ചെയ്യുന്നു എന്ന് പുസ്തകത്തിന്റെ ആമുഖത്തിൽ പറയുന്നു. ^[60]

• സായ്ദ് സർവ്വകലാശാല -സർക്കാർ കീഴിലുള്ള ഉന്നത വിദ്യാഭ്യാസത്തിനു വേണ്ടിയുള്ള സർവ്വകലാശാല. അബുദാബിയിലും ദുബൈയിലും പ്രവർത്തിക്കുന്നു. ^[61]

• ഷേഖ് സായ്ദ് സർവ്വകലാശാല. അഫ്ഗാനിസ്ഥാനിലെ ദക്ഷിണപൂർവ്വമേഖലയിലെ ഖോസ്റ്റിൽ പ്രവർത്തിക്കുന്നു. സ്ഥാപനം നടത്തിയത് ഷേഖ് സായ്ദ് ആണ്. ^[62]
• ഈജിപ്തിലെ ഗിസ പ്രവിശ്യയിലെ ഗ്രേറ്റർ കെയ്‌റോയിലെ ഷെയ്ഖ് സായിദ് സിറ്റി, ഷെയ്ഖ് സായിദിന്റെ നിർദ്ദേശപ്രകാരം, വികസനത്തിനായുള്ള അബുദാബി ഫണ്ടിൽ നിന്നുള്ള സംഭാവനയെ ആശ്രയിച്ച് നിർമ്മിച്ചതാണ്.^[47]
• സായിദ് ഇന്റർനാഷണൽ പ്രൈസ് ഫോർ ദി എൻവയോൺമെന്റ്,
• സായിദ് ഫ്യൂച്ചർ എനർജി പ്രൈസ് എന്നിവ അദ്ദേഹത്തിന്റെ പേരിലാണ് അറിയപ്പെടുന്നത്.
• അൽബേനിയയിലെ വടക്കൻ നഗരമായ കുക്കസിലെ കുക്കീസ് ​​അന്താരാഷ്ട്ര വിമാനത്താവളം "സായിദ്-ഫ്ലാട്രാറ്റ് ഇ വെരിയട്ട്" അദ്ദേഹത്തിന്റെ പേരിലാണ് അറിയപ്പെടുന്നത്.
• പാക്കിസ്ഥാനിലെ പഞ്ചാബിലെ റഹീം യാർ ഖാനിൽ സ്ഥിതി ചെയ്യുന്ന ഷെയ്ഖ് സായിദ് അന്താരാഷ്ട്ര വിമാനത്താവളം (റഹീം യാർ ഖാൻ) അദ്ദേഹത്തിന്റെ ബഹുമാനാർത്ഥം നാമകരണം ചെയ്യപ്പെട്ടിരിക്കുന്നു.^[63]
• പാക്കിസ്ഥാനിലെ പഞ്ചാബിലെ റഹീം യാർ ഖാനിൽ സ്ഥിതി ചെയ്യുന്ന ഷെയ്ഖ് സായിദ് മെഡിക്കൽ കോളേജ് ആൻഡ് ഹോസ്പിറ്റലിന് അദ്ദേഹത്തിന്റെ ബഹുമാനാർത്ഥം പേര് നൽകി.
• സ്വീഡനിലെ സ്റ്റോക്ക്ഹോമിലുള്ള സായിദ് ബിൻ സുൽത്താൻ അൽ നഹ്യാന്റെ മസ്ജിദ്, സ്റ്റോക്ക്ഹോം മോസ്ക്ക് എന്നും അറിയപ്പെടുന്നു.
• ലണ്ടൻ സ്കൂൾ ഓഫ് ഇക്കണോമിക്സിൽ അദ്ദേഹത്തിന്റെ ബഹുമാനാർത്ഥം ഒരു ലക്ചർ തിയേറ്ററിന് പേര് നൽകി.
• ചെചെൻ റിപ്പബ്ലിക്കിലെ ഗുഡെർമെസിലെ ഒരു ഹാഫിസ് സ്കൂളിന് ഷെയ്ഖിന്റെ ബഹുമാനാർത്ഥം നാമകരണം ചെയ്തു
• ഷെയ്ഖ് സായിദിന്റെ മകൻ ഷെയ്ഖ് മുഹമ്മദ് ബിൻ സായിദിന്റെ സംഭാവനയിലൂടെ ഐഡഹോയിലെ ബോയ്‌സിലെ വേൾഡ് സെന്റർ ഓഫ് ബേർഡ്‌സ് ഓഫ് പ്രെയിലെ ഷെയ്ഖ് സായിദ് അറബ് ഫാൽക്കൺറി ഹെറിറ്റേജ് വിംഗ് സ്ഥാപിച്ചു.

  

• യെമനിലെ മാരിബിലെ നിലവിലെ അണക്കെട്ടിനെ "സായിദ് ഡാം" എന്നും വിളിക്കുന്നു. ^[48]
• സെൻട്രൽ ബഹ്‌റൈനിൽ സ്ഥിതി ചെയ്യുന്ന സായിദ് ടൗൺ, ശൈഖ് സായിദ് ബിൻ സുൽത്താൻ അൽ നഹ്യാൻ ധനസഹായം നൽകി, അദ്ദേഹത്തിന്റെ ബഹുമാനാർത്ഥം ഈ പേര് നൽകി. 2001ലാണ് ഈ ടൗൺഷിപ്പ് പദ്ധതിയുടെ ആദ്യഘട്ടം ഉദ്ഘാടനം ചെയ്തത്.
• മോണ്ടിനെഗ്രോയിലെ ഒരു തെരുവിന് 2013 ൽ അദ്ദേഹത്തിന്റെ ഓർമ്മയ്ക്കായി പേര് നൽകി.^[64]
• കുട്ടികൾക്കായുള്ള ഷെയ്ഖ് സായിദ് ഹോസ്പിറ്റൽ, ലർക്കാന സിന്ധ് പാകിസ്ഥാനിൽ സ്ത്രീകൾക്ക് മറ്റൊന്ന്.
• ഷെയ്ഖ് സായിദ് ഹോസ്പിറ്റൽ ലാഹോർ പഞ്ചാബ് പാകിസ്ഥാൻ, ഷെയ്ഖ് സായിദ് മെഡിക്കൽ കോംപ്ലക്സ് ലാഹോർ.
• ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ ബഹുമാനാർത്ഥം കുവൈറ്റിലെ അഞ്ചാമത്തെ റിംഗ് റോഡിന് ഇപ്പോൾ പേര് നൽകിയിരിക്കുന്നു. ജോൺസ് ഹോപ്കിൻസ് ഹോസ്പിറ്റലിലെ ഷെയ്ഖ് സായിദ് ടവർ അദ്ദേഹത്തിന്റെ ബഹുമാനാർത്ഥം നാമകരണം ചെയ്യപ്പെട്ടു.
• കൊസോവോയിലെ Vučitrn-ൽ സ്ഥിതി ചെയ്യുന്ന ഷെയ്ഖ് സായിദ് ഹോസ്പിറ്റലിന് അദ്ദേഹത്തിന്റെ ബഹുമാനാർത്ഥം പേര് നൽകി.
• ടുണിസിലെ ബെർഗെസ് ഡു ലാക് അയൽപക്കത്തെ പ്രധാന തെരുവുകളിലൊന്ന് അദ്ദേഹത്തിന്റെ ബഹുമാനാർത്ഥം നാമകരണം ചെയ്യപ്പെട്ടു.
• ഷെയ്ഖ് സായിദ് ഇൻസ്റ്റിറ്റ്യൂട്ട് ഫോർ പീഡിയാട്രിക് സർജിക്കൽ ഇന്നൊവേഷൻ, ചിൽഡ്രൻസ് നാഷണൽ മെഡിക്കൽ സെന്റർ, വാഷിംഗ്ടൺ, ഡിസി..^[65][66]
• ഷെയ്ഖ് സായിദ് മയോ ക്ലിനിക്കിലെ ഹൃദയ സംബന്ധമായ അസുഖങ്ങളുടെ പ്രൊഫസർഷിപ്പ് അമേരിക്കയിൽ.
• ഷെയ്ഖ് സായിദ് ചിൽഡ്രൻ വെൽഫെയർ സെന്റർ, കെനിയയിലെ മൊംബാസയിൽ സ്ഥിതി ചെയ്യുന്ന അനാഥരായ കുട്ടികൾക്കുള്ള ഒരു കേന്ദ്രം.
• 2018, ദുബായ് ലൈറ്റ് ഷോ സമയത്ത്, ആ വർഷത്തെ "സായിദിന്റെ വർഷം" എന്ന് വിളിക്കുന്നു, അദ്ദേഹത്തിന്റെ ജനനത്തിനു ശേഷമുള്ള 100 വർഷം ആഘോഷിക്കമായിരുന്നു ഇത്.^[67]

• ഷെയ്ഖ് സായിദ് ബുക്ക് അവാർഡ്
• ശൈഖ് സായിദ് ഇന്റർനാഷണൽ പ്രൈസ് ഫോർ ദി എൻവയോൺമെന്റ്
• ഷെയ്ഖ് സായിദ് ഭവന പദ്ധതി
• സായിദ് ഫൗണ്ടേഷൻ ഫോർ ചാരിറ്റബിൾ ആൻഡ് ഹ്യുമാനിറ്റേറിയൻ വർക്കുകൾ
• ഷെയ്ഖ് സായിദ് മസ്ജിദ്
• സായിദ് യൂണിവേഴ്സിറ്റി
• കുവൈറ്റിലെ ഏഴ് പ്രധാന റിംഗ് റോഡുകളിലൊന്നായ ഷെയ്ഖ് സായിദ് ബിൻ സുൽത്താൻ അൽ നഹ്യാൻ റോഡ് .
• ഈജിപ്തിലെ ഷെയ്ഖ് സായിദ് സിറ്റി .
• സായിദ് സ്റ്റേറ്റ് സ്ഥാപകൻ

• ചാമ്പ്യൻസ് ഓഫ് ദ എർത്ത് - യുണൈറ്റഡ് നേഷൻസ് എൻവയോൺമെന്റ് പ്രോഗ്രാം 2005 പ്രകാരം
• ഗോൾഡൻ ഡോക്യുമെന്റ്: 1985 ൽ ജനീവയിലെ വിദേശികൾക്കായുള്ള അന്താരാഷ്ട്ര സംഘടന
• മാൻ ഓഫ് ദ ഇയർ: 1988- ൽ പാരീസിലെ അസോസിയേഷൻ (മാൻ ഓഫ് ദ വേൾഡ്) .
• അറബ് രാജ്യങ്ങളുടെ സ്കാർഫ് : 1993 - വികസനത്തിന്റെയും വികസനത്തിന്റെയും മനുഷ്യൻ.
• അറബ് ചരിത്രത്തിനുള്ള ഗോൾഡൻ മെഡൽ: മൊറോക്കൻ ഹിസ്റ്റോറിയൻസ് അസോസിയേഷൻ 1995 .
• വികസന വ്യക്തിത്വം: 1995 - മിഡിൽ ഈസ്റ്റ് സെന്റർ ഫോർ റിസർച്ച് ആൻഡ് മീഡിയ സ്റ്റഡീസിന്റെ ഒരു സർവേ - ജിദ്ദ .
• ലേബർ ഷീൽഡ്: 1996- ൽ അറബ് ലേബർ ഓർഗനൈസേഷൻ.
• ഗൾഫ് ബിസിനസ് അവാർഡുകൾ: 1996
• ഗോൾഡൻ പാണ്ട സർട്ടിഫിക്കറ്റ്: 1997- ൽ WWF.
• പാകിസ്ഥാൻ പരിസ്ഥിതി സംരക്ഷണ മെഡൽ: 1997- ൽ അന്തരിച്ച പ്രസിഡന്റ് ഫാറൂഖ് ലെഗാരി .
• സായിദ് പരിസ്ഥിതി അഭിഭാഷകൻ: അറബ് ടൗൺസ് ഓർഗനൈസേഷന്റെ 1998 - ആറാമത്തെ സെഷൻ ദോഹയിൽ .
• 1998 ലെ ഏറ്റവും പ്രമുഖ അന്താരാഷ്ട്ര വ്യക്തി  : (മാൻ ഓഫ് ദ ഇയർ) - പാരീസ് .
• സായിദ്, ഇസ്ലാമിക് പേഴ്സണാലിറ്റി ഓഫ് ദ ഇയർ 1999 : ദുബായ് ഇന്റർനാഷണൽ ഹോളി ഖുർആൻ അവാർഡ് കമ്മിറ്റി .
• സായിദ്, 2000 വർഷത്തെ പരിസ്ഥിതി മനുഷ്യൻ  : ലോക പരിസ്ഥിതി ദിനം, മെയ് 5 , 2000 - ലെബനീസ് ക്വാളിറ്റി ഇൻസ്റ്റിറ്റ്യൂട്ട്.
• വേൾഡ് ഫുഡ് ഡേ മെഡൽ : ഫുഡ് ആൻഡ് അഗ്രികൾച്ചർ ഓർഗനൈസേഷൻ (എഫ്എഒ) - 2001 .
• കാൻസ് ഗ്രാൻഡ് പ്രിക്സ് ഫോർ വാട്ടർ: 2001 - യുനെസ്കോയുടെ മെഡിറ്ററേനിയൻ നെറ്റ്‌വർക്ക് ഫോർ എൻവയോൺമെന്റൽ റിസോഴ്‌സ്, സുസ്ഥിര വികസനം, സമാധാനം

സയ്ദ് ബിൻ സുൽത്താൻ എഴു വിവാഹം ചെയ്തു. അതിൽ 19 ആൺ മക്കൾ ഉണ്ട്.

• ഹെസ്സ ബിൻത് മുഹമ്മദ് ബിൻ ഖലീഫ ബിൻ സായിദ് ഒന്നാം അൽ നഹ്യാൻ, 2018 ജനുവരി 28-ന് അവർ അന്തരിച്ചു.
• ഫാത്തിമ ബിൻത് മുബാറക് അൽ കെത്ബി
• മോസ ബിൻത് സുഹൈൽ അൽ ഖൈലി
• ശൈഖ ബിൻത് മുആദ് അൽ മഷ്ഗുനി
• ഐഷ ബിൻത് അലി അൽ ദർമാക്കി
• അംന ബിൻത് സാലിഹ് അൽ ദർമാക്കി
• ഫാത്തിമ ബിൻത് ഉബൈദ് അൽ മുഹൈരി - (മരിച്ചു)
• ആലിയ ബിൻത് മുഹമ്മദ് ബിൻ അൽ ഷംസി - (മരിച്ചു)

യുണൈറ്റഡ് അറബ് എമിറേറ്റ്സിന്റെ സ്ഥാപകൻ ഷെയ്ഖ് സായിദ് ബിൻ സുൽത്താൻ അൽ നഹ്യാന്റെ മക്കൾ , ആണും പെണ്ണും.  19 പുരുഷന്മാരും 11 സ്ത്രീകളും യു.എ.ഇ.യിൽ നിരവധി പ്രധാന സ്ഥാനങ്ങൾ വഹിക്കുന്നവരും താഴെ കാണുന്ന നാമാവലിയിൽ.

2004 നവംബർ 2 നു 86 വയസ്സുള്ളപ്പോൾ അദ്ദേഹം കാലം ചെയ്തു. വൃക്കാരോഗങ്ങളും പ്രമേഹവും മൂലമായിരുന്നു മരണം. ഷേഖ് സായ്ദ് ഗ്രാൻസ് മോസ്കിന്റെ മുറ്റത്ത് അദ്ദേഹത്തിന്റെ കബർ അടക്കി. അദ്ദേഹത്തിന്റെ മൂത്ത മകനായ ഷേഖ് ഖലീഫ ^[68][69] അന്നു മുതൽ ഭരണാധികാരിയായി. 1980 മുതല്ക്കേ തന്നെ അദ്ദേഹം ഭരണ കാര്യങ്ങളിൽ ഏർപ്പെട്ട്രുന്നു. സായ്ദിന്റെ മരണ ശേഷം ഖലീഫയാണ് അറേബ്യൻ ഐക്യനാടിന്റെ പ്രസിഡന്റായി തിരഞ്ഞെടൂക്കപ്പെട്ടത്.

സാദതെരുവിലെ കവലയിൽ നിന്ന് ശൈഖ് സായിദ് മസ്ജിദിലേക്ക് മൃതദേഹം ഘോഷയാത്ര കടന്നുപോയി. ലെബനൻ, ലിബിയ, അൾജീരിയ, യെമൻ എന്നീ രാജ്യങ്ങൾ മൂന്നു ദിവസത്തെ ദുഃഖാചരണം പ്രഖ്യാപിച്ചു, ഐക്യരാഷ്ട്രസഭയും അതിന്റെ സംഘടനകളും അവരുടെ പതാകകൾ താഴ്ത്തി. ശ്രീലങ്ക, പാകിസ്ഥാൻ, ഇന്ത്യ, നേപ്പാൾ, ബംഗ്ളാദേശ്, ഫിലിപ്പീൻസ്, അമേരിക്ക, ബ്രിട്ടൻ, ഫ്രാൻസ്, ജർമ്മനി എന്നിവയുടെ തലവന്മാർ അനുശോചനം അറിയിച്ചു.

"സായിദിന്റെ വർഷം " എന്ന മുദ്രാവാക്യം ഷേഖ് ഖലീഫ ബിൻ സായിദ് അൽ നഹ്യാൻ പ്രഖ്യാപിച്ച ഒരു സംരംഭമാണ് സായിദിന്റെ വർഷം. യുഎഇ, ഷെയ്ഖ് സായിദ് ബിൻ സുൽത്താൻ അൽ നഹ്യാൻ എന്ന സ്ഥാപക നേതാവിന്റെ പങ്ക്, ഗുണങ്ങൾ, പാരമ്പര്യം എന്നിവ ഉയർത്തിക്കാട്ടുകയായുരുന്നു ലക്ഷ്യം.

• Champions of the Earth, 2005 award by United Nations Environment Programme

• Media related to Sheikh Zayed bin Sultan Al Nahyan at Wikimedia Commons
• Farewell Arabia (1968) – Zayed and the Oil Industry in Abu Dhabi
• Sheikh Zayed's website
• CooperativeResearch – Zayid bin Sultan Al Nahyan
• Official UAE tribute to Sheikh Zayed Archived 2011-07-06 at the Wayback Machine.
• Sheikh Zayed lecture theatre, in the London School of Economics