സെന്റ് തോമസ് എക്യുമെനിക്കൽ പള്ളി, നിലയ്ക്കൽ
കേരളത്തിലെ വിവിധ എപ്പിസ്കോപ്പൽ സഭാവിഭാഗങ്ങളുടെ മേൽനോട്ടത്തിൽ പരിപാലിക്കപ്പെടുന്ന ഒരു എക്യുമെനിക്കൽ ദേവാലയമാണ് സെന്റ് തോമസ് എക്യുമെനിക്കൽ പള്ളി അഥവാ നിലയ്ക്കൽ പള്ളി. വനപ്രദേശമായ നിലയ്ക്കലിലാണ് ഈ ദേവാലയം സ്ഥിതി ചെയ്യുന്നത്. [1] യേശുവിന്റെ ശിഷ്യനായ തോമാശ്ലീഹ ഈ സ്ഥലത്ത് എത്തിയിരുന്നതായി ക്രൈസ്തവർ വിശ്വസിക്കുന്നു.[2] അദ്ദേഹം സ്ഥാപിച്ചതായി വിശ്വസിക്കപ്പെടുന്ന ഏഴരപ്പള്ളികളിൽ ഒന്നാണിത്.[3] ക്രി.വ. 54-ലാണ് ഇവിടെ പള്ളി സ്ഥാപിക്കപ്പെട്ടതായി വിശ്വസിക്കപ്പെടുന്നത്. എന്നാൽ ഇതിന് ആധികാരികമായ തെളിവൊന്നും ലഭ്യമല്ല. വിവിധ ക്രിസ്തീയ സഭകൾ തമ്മിലുള്ള സൗഹാർദ്ദത്തിന്റെ സൂചികയായി കരുതുപ്പോരുന്ന[4][5] ഈ പള്ളി ലോകത്തിലെ ആദ്യത്തെ എക്യുമെനിക്കൽ (സഭൈക്യ) ദേവാലയമാണ്.[6] നിലക്കൽ എക്യുമെനിക്കൽ ട്രസ്റ്റിനു കീഴിലുള്ള ഈ ദേവാലയത്തിൽ[7][8]കത്തോലിക്ക, ക്നാനായ, യക്കോബായ, മാർത്തോമാ, ഓർത്തഡോക്സ്, സി.എസ്. ഐ[9]സഭകളിൽ പെട്ട പുരോഹിതന്മാർ വിവിധ ദിനങ്ങളിൽ പ്രാർത്ഥന നടത്തുന്നു. 1984-ൽ പണിത ഇപ്പോഴുള്ള പള്ളി 2020-ൽ പുനരുദ്ധാരണം ചെയ്യപ്പെട്ടിട്ടുണ്ട്.[10][11]
| സെന്റ് തോമസ് എക്യുമെനിക്കൽ പള്ളി, നിലയ്ക്കൽ | |
|---|---|
 പള്ളിയുടെ മുൻഭാഗം | |
| അടിസ്ഥാന വിവരങ്ങൾ | |
| സ്ഥലം |  Angamoozhy, Kerala, India. |
| നിർദ്ദേശാങ്കം | (9°22′27″N 77°00′07″E / 9.3741321°N 77.00182470°E) |
| ജില്ല | പത്തനംതിട്ട |
| സംസ്ഥാനം | കേരളം |
| രാജ്യം | ഇന്ത്യ |
| പ്രതിഷ്ഠയുടെ വർഷം | A.D 54 |
| സംഘടനാ സ്ഥിതി | വിവിധ സഭാവിഭാഗങ്ങളുടെ ഏകോപനത്തിൽ |
| വാസ്തുവിദ്യാ വിവരങ്ങൾ | |
| വാസ്തുവിദ്യാ തരം | Mix of Kerala and Persian |
| പൂർത്തിയാക്കിയ വർഷം | A.D 54 |
സ്ഥാനം
വനപ്രദേശമായ നിലയ്ക്കലിൽ ആങ്ങമ്മൂഴിക്കും പ്ലാപ്പിള്ളിക്കും ഇടക്കായി മാർത്തോമാഗിരി എന്ന കുന്നിലാണ് ഈ ദേവാലയം സ്ഥിതി ചെയ്യുന്നത്. പത്തനംതിട്ട ജില്ലയുടെ കിഴക്കൻ മേഖലയിൽ ശബരിമലയ്ക്ക് സമീപം സ്ഥിതി ചെയ്യുന്ന സ്ഥലമാണ് നിലയ്ക്കൽ. ദേവാലയത്തിലേക്ക് പ്രവേശിക്കുന്ന വഴിയിൽ സമീപകാലത്തായി ഒരു കൂറ്റൻ കൽക്കുരിശ് സ്ഥാപിക്കപ്പെട്ടിട്ടുണ്ട്.
പെരുന്നാളുകൾ
രണ്ട് പ്രധാനപ്പെട്ട ദിവസങ്ങൾ ആണ് ആഘോഷമായി കൊണ്ടാടാറുള്ളത്.
- ജൂലൈ മാസം 3 നു തോമാശ്ലീഹയുടേ ദുഖ്‌റാനാ പെരുന്നാൾ[12]
- ജനുവരി 30 നു നിലക്കൽ ദിവസം എന്നറിയപ്പെടുന്ന ദിനം.