ജീൻ ഹാൽബ്വാച്ച്സ്
ജീൻ ഹാൽബ്വാച്ച്സ് (വിവാഹാനന്തരം, അലക്സാണ്ട്രെ; ഫെബ്രുവരി 14, 1890 - നവംബർ 14, 1980), ഒരു ഫ്രഞ്ച് സമാധാനവാദിയും സ്ത്രീസമത്വവാദിയും സോഷ്യലിസ്റ്റും ആയിരുന്നു. 1930 കളിലെ[1] സമഗ്ര സമാധാന രംഗത്തെ പ്രധാന വ്യക്തിത്വങ്ങളിൽ ഒരാളായി ഓർമ്മിക്കപ്പെടുന്ന അവർ, വിമൻസ് ഇന്റർനാഷണൽ ലീഗ് ഫോർ പീസ് ആൻഡ് ഫ്രീഡത്തിന്റെ (WILPF) [2]ഫ്രഞ്ച് ശാഖയുടെ നേതാവായിരുന്നു. അവർ ഒരു വിദ്യാഭ്യാസ വിചക്ഷണയും സാഹിത്യ നിരൂപകയും കൂടിയായിരുന്നു.
ജീൻ ഹാൽബ്വാച്ച്സ് അലക്സാണ്ട്രെ | |
|---|---|
 | |
| ജനനം | ജീൻ ഹാൽബ്വാച്ച്സ് ഫെബ്രുവരി 14, 1890 പാരീസ്, ഫ്രാൻസ് |
| മരണം | നവംബർ 14, 1980 ഫോണ്ടെയ്ൻബ്ലൂ, സീൻ എറ്റ് മാർനെ, ഫ്രാൻസ് |
| തൊഴിൽ |
|
| ജീവിതപങ്കാളി(കൾ) | മൈക്കൽ അലക്സാണ്ട്രെ (m. 1916–52) |
ആദ്യകാല ജീവിതം
1890 ഫെബ്രുവരി 14-ന് പാരീസിലാണ് ജീൻ ഹാൽബ്വാച്ച്സ് ജനിച്ചത്. അൽസേഷ്യൻ ബുദ്ധിജീവികളുടെ[3] പശ്ചാത്തലത്തിൽ നിന്ന് വന്ന അവളുടെ പിതാവ് ഗുസ്താവ് ഹാൽബ്വാച്ച്സ്, 1870-ലെ ഫ്രാങ്കോ-പ്രഷ്യൻ യുദ്ധത്തിന് ശേഷം ഫ്രാൻസ് തട്ടകമായി തിരഞ്ഞെടുത്ത ജർമ്മൻ ഭാഷയിലെ ബിരുദധാരിയും പ്രൊഫസറുമായിരുന്നു. അവളുടെ മാതാവ് ഒരു ഫിലോസഫി വിദ്യാർത്ഥിനിയായിരുന്നു.[4] സോഷ്യോളജിസ്റ്റ് മൗറീസ് ഹാൽബ്വാച്ച്സ് ആയിരുന്നു ജീനിൻറെ സഹോദരൻ.[5]