पाटणा मेट्रो (हिंदी : पटना मेट्रो ) भारतातील बिहारमधील पाटणा शहरात सध्या निर्माणाधीन असलेली एक जलद परिवहन व्यवस्था आहे. [२][३] ही प्राणी राज्य मालकीच्या पाटणा मेट्रो रेल कॉर्पोरेशनच्या मालकी आहे आणि या महामंडळाद्वारेच संचालित असेल. [४] ही प्रणाली सार्वजनिक खाजगी भागीदारी मोड अंतर्गत बांधले जात आहे आणि यासाठी ₹१३,४११.७७ कोटी खर्च अपेक्षित आहे. [५][६] २०२४ पर्यंत, पाटणा मेट्रो तीन मार्गांवर चालणे अपेक्षित आहे. [५] पहिला टप्प्यात पूर्व-पश्चिम मार्गिका आणि उत्तर-दक्षिण मार्गिका - म्हणजे, दानापूर ते मीठापूर आणि पाटणा रेल्वे स्थानक ते पाटलीपुत्र बस टर्मिनल ISBT,असेल ज्यात २३.३० किलोमीटर (१४.४८ मैल) उन्नत ट्रॅक आणि १६.३० किलोमीटर (१०.१३ मैल) भूमिगत ट्रॅक असेल. [७][८]
दुसऱ्या टप्प्यात, बायपास चौक मीठापूर ते दीदरगंज पर्यंत ट्रान्सपोर्ट नगर मार्गे, राष्ट्रीय महामार्ग ३० बायपासला लागून १६.७५ किलोमीटर (१०.४१ मैल) ; ते बायपास रोडच्या बाजूने उंचावलेला मेट्रो मार्ग असेल. तिसरा टप्पा, बायपास चौक मीठापूर ते फुलवारी शरीफ एम्स पर्यंत अनीसाबाद राष्ट्रीय महामार्ग ३० बायपास रोडच्या बाजूने १८.७५ किलोमीटर (११.६५ मैल), उन्नत केले जाईल. [९] चौथा टप्पा दिदरगंग ते फतुहा जंक्शन पर्यंत आहे.
भारत