मोटोरोला

मोटोरोला इन्कॉ. (इंग्लिश: Motorola, Inc.) ही एक शॉमबर्ग, इलिनॉय येथे मुख्यालय असलेली अमेरिकन दूरसंचार-इलेक्ट्रॉनिकी कंपनी होती. जानेवारी ४, इ.स. २०११ रोजी या कंपनीचे मोटोरोला मोबिलिटी व मोटोरोला सोल्यूशन्स नावाच्या दोन कंपन्यांमध्ये विभाजन करण्यात आले. विभाजनाअगोदर मोटोरोला इन्कॉ. मोबाइल फोन, बिनतारी दूरध्वनी, तसेच वायरलेस नेटवर्क क्षेत्रातील पायाभूत सुविधांचे उत्पादन करत होती. याशिवाय मोटोरोला सेटटॉप बॉक्स, डिजिटल व्हिडिओ रेकॉर्डर, हाय-डेफिनिशन टेलिव्हिजन इत्यादी ग्राहकोपयोगी उत्पादनेदेखील बनवत असे.