ဒီစီ ရုပ်စုံ
ဒီစီ ရုပ်စုံ အင်ကော်ပိုရေးရှင်း (DC Comics, Inc. သို့မဟုတ် DC) သည် အမေရိကန် ကာတွန်းရုပ်ပြစာအုပ်ကုမ္ပဏီတစ်ခုဖြစ်သည်။ ၎င်းသည် Warner Bros. Discovery. ၏ လက်အောက်ခံလုပ်ငန်းဖြစ်သော DC Entertainment ၏ ဖြန့်ချိရေး အစိတ်အပိုင်းဖြစ်ပြီး Time Warner ကုမ္ပဏီမှပင် ပိုင်ဆိုင်သည်။[၄][၅][၆][၇] ၎င်း၏ ပထမဆုံး လူသိများသော ကာတွန်းရုပ်ပြစာအုပ်များမှာ Action Comics ၊ Detective Comics ၊ All Star Comics နှင့် Sensation Comics တို့ဖြစ်သည်။ ၎င်းတို့သည် စူပါမင်း (1938)၊ Batman (1939) နှင့် Wonder Woman (1941) စသည့် ရုပ်စုံစာစောင်တို့ကို မိတ်ဆက်ပေးရန် မရှိမဖြစ်လိုအပ်သည်။ DC Comics သည် "စူပါဟီးရိုး" ရုပ်ပြစာအုပ်များ ဖန်တီးခြင်းကြောင့် လူသိအများဆုံး၊ အကြီးဆုံးနှင့် ရှေးအကျဆုံး အမေရိကန် ကာတွန်းရုပ်ပြစာအုပ်ကုမ္ပဏီများထဲမှ တစ်ခုဖြစ်သည်။ ဒီစီ (DC) ဟူသော အမည်အောက်တွင် ၎င်းတို့၏ ပထမဆုံး ကာတွန်းရုပ်ပြစာအုပ်ကို ၁၉၃၇ ခုနှစ်တွင် ထုတ်ဝေခဲ့ပြီး ခေတ်သစ်အနုပညာဘာသာရပ်ဖြစ်သော ဂရပ်ဖစ်ပညာတွင် အလွန်ကျော်ကြားသည်။[၈]
ဒီစီ ရုပ်စုံ၏ လက်ရှိ လိုဂိုအမှတ်တံဆိပ် (၂၀၁၆ ခုနှစ်တွင် ပြန်လည်မိတ်ဆက်ခဲ့သည်။) | |
မိခင် ကုမ္ပဏီ | ဒီစီ ဖျော်ဖြေရေး |
---|---|
အခြေနေ | Active |
တည်ထောင်ခဲ့ | ၁၉၃၄[၁] (as National Comics Publications) ၁၉၆၁ (as DC Comics) |
တည်ထောင်သူ | Malcolm Wheeler-Nicholson |
မူလနိုင်ငံ | အမေရိကန်ပြည်ထောင်စု |
ရုံးချုပ် တည်နေရာ | 4000 Warner Blvd., Burbank, California |
ဖြန့်ဝေခြင်း |
|
အရေးပါ ပုဂ္ဂိုလ် | |
ပုံနှိပ်ထုတ်ဝေမှု အမျိုးစား | ထုတ်ဝေမှုများ စာရင်း |
Fiction genres |
|
Imprints | List of imprints |
ပိုင်ဆိုင်သူ | Warner Bros. Discovery |
No. of employees | ~230[၃] |
တရားဝင် ဝဘ်ဆိုဒ် | www.dc.com |
၎င်း၏ထုတ်ဝေမှုအများစုတွင် ဒီစီ စိတ်ကူးယဉ် ဇာတ်လမ်းကမ္ဘာမှ ဇာတ်ကောင်များဖြစ်သော စူပါမင်း၊ လင်းနို့လူသား၊ ဝမ်းဒါး ဝွန်းမင်း၊ ဖလက်ရှ်၊ အက်ကွာမင်း၊ ဂရင်း လန်တန် နှင့် ဆိုက်ဘော့ တို့ကဲ့သို့ ကျော်ကြားပြီး အထင်ကရရှိသော စူပါဟီးရိုးများစွာကို ဖော်ပြထားသည်။ ၎င်းသည် Justice League ၊ the Justice Society of America ၊ Justice League Dark ၊ Doom Patrol နှင့် Teen Titans တို့ အပါအဝင် ထင်ရှားသော စူပါဟီးရိုးအဖွဲ့များကိုလည်း ဖွဲ့စည်းထားသည်။ ထိုမျှမက Lex Luthor ၊ Joker ၊ Cheetah ၊ Reverse-Flash ၊ Black Manta ၊ Sinestro နှင့် Darkseid စသည့် နာမည်ကြီး စူပါဗီလိန် မျိုးစုံကိုလည်း ထည့်သွင်းပါရှိသည်။ ကုမ္ပဏီသည် Watchmen ၊ V for Vendetta ၊ Fables အပါအဝင် ဒီစီ စိတ်ကူးယဉ် ဇာတ်လမ်းကမ္ဘာနှင့်သက်ဆိုင်မှု-မရှိသော အကြောင်းအရာများကို Vertigo နှင့် ယခု ဒီစီ အနက်ရောင်စာတမ်းတံဆိပ် အောက်မှ ထုတ်ဝေခဲ့သည်။
သမိုင်း
Pulp စာရေးဆရာ Malcolm Wheeler-Nicholson သည် အမျိုးသားမဟာမိတ်ဖြန့်ချိရေးလုပ်ငန်းများ (National Allied Publications) ကို ၁၉၃၄ ခုနှစ်တွင် တည်ထောင်ခဲ့သည်။ နောက်တစ်နှစ်တွင် ကုမ္ပဏီသည် သတင်းစာတွင် ကာတွန်းအကွက်များကို ပြန်လည်ပုံနှိပ်ခြင်းထက် လုံး၀အသစ်သော ရုပ်ပြ စာအုပ်ကို ပထမဆုံးထုတ်ပြခဲ့သည်။ ငွေကြေးလိုအပ်နေသည့်အတွက် Wheeler-Nicholson သည် မဂ္ဂဇင်းထုတ်ဝေသူများ Harry Donenfeld နှင့် Jack Liebowitz တို့နှင့် ပူးပေါင်းကာ Detective Comics, Inc. ကို ၁၉၃၇ ခုနှစ်တွင် တည်ထောင်ခဲ့သည်။ Wheeler-Nicholson သည် Donenfeld နှင့် Liebowitz တို့အား အကြွေးများကို ပြန်မဆပ်နိုင်ခဲ့သဖြင့် ကုမ္ပဏီမှ ထုတ်ပယ်ခံခဲ့ရသည်။ ၁၉၄၀ ခုနှစ်များအတွင်း ပေါင်းစပ်မှုများ ဆက်တိုက်ပြုလုပ်ခြင်းဖြင့် National Periodical Publications (NPP) ဟုခေါ်သော ကုမ္ပဏီအသစ်ကို တည်ထောင်ခဲ့သည်။ ၁၉၆၉ ခုနှစ်တွင် NPP ကို Kinney National Company မှ ဝယ်ယူခဲ့ပြီး ၎င်းကိုလည်း Warner Brothers-Seven Arts မှ ဝယ်ယူခဲ့သည်။ ၎င်း၏သမိုင်းကြောင်းများစွာအတွက် ကုမ္ပဏီကို DC Comics ဟု လူသိများသော်လည်း ၁၉၇၇ ခုနှစ်အထိ အဆိုပါအမည်ကို တရားဝင်ခံယူခဲ့ခြင်း-မရှိပေ။[၁][၉][၁၀]
ဒီစီ ရုပ်စုံ၏ အထူးထုတ် မီဒီယာ ထုတ်ခွင့်ရ ထုတ်ကုန်များ
စူပါမင်း
- Action Comics
- Superman
လင်းနို့လူသား
- Detective Comics
- Batman
Wonder Woman
- All Star Comics
- Sensation Comics
- Wonder Woman