သင်္ချာပညာရှင်

သင်္ချာဘာသာရပ်နှင့် ပတ်သက်ပြီး နှံ့စပ်နက်ရှိုင်းသည့် အသိပညာရှိကာ ၎င်းပညာကို သင်္ချာဆိုင်ရာ ပြဿနာများနှင့် ပုစ္ဆာများ ဖြေရှင်းရန် အသုံးပြုသူကို သင်္ချာပညာရှင်ဟု ခေါ်ဆိုနိုင်သည်။^[၁] သင်္ချာဆိုသည်မှာ ပုံသဏ္ဌာန်များကို လေ့လာသော ပညာရပ်ဖြစ်သည်။ ပုံစံများ ဆိုသည်မှာ အရေအတွက် (ဂဏန်း) တို့နှင့် ၎င်းတို့နှင့် သက်ဆိုင်သော လုပ်ဆောင်ချက်များ၊ ၎င်းတို့ အချင်းချင်း ဆက်နွယ်နေမှုများ၊ ပေါင်းစပ်ခြင်းများနှင့် ၎င်းတို့၏အနှစ်သာရများ စသည်တို့သာ မက ထိုဂဏန်းများ သင်္ချာဆိုင်ရာ ရပ်ဝန်းများတွင် မည်သို့ တည်ရှိနေကြသည်၊ မည်သို့သော ပုံသဏ္ဌာန် ရှိသည်၊ မည်သို့ တိုင်းတာမည်၊ မည်သို့ ပုံစံပြောင်းလဲမည်၊ ယေဘုယျအားဖြင့် မည်သို့ သုံးသပ်မည် စသည်တို့ကို ဆိုလိုခြင်း ဖြစ်သည်။ သင်္ချာဘာသာသည် ရေတွက်ခြင်း၊ တွက်ချက်ခြင်း၊ တိုင်းတာခြင်း၊ နေရာ ဗက်တာ တို့၏ ရွေ့လျားမှုကို စနစ်တကျ လေ့လာခြင်း၊ ပုံဖော်ရန် ခက်ခဲသော ပုံသဏ္ဌာန်တို့၏ ရွေ့လျားမှုကို လေ့လာခြင်း စသည်တို့ မှ တဆင့် ၎င်းတို့နှင့် ဆက်စပ်နေသော အနှစ်သာရများကို ယုတ္တိဆန်ဆန် သုံးသပ်ခြင်းတို့မှ တဆင့် တိုးတက် ပြောင်းလဲလာသည်။ သင်္ချာပညာရှင်တို့သည် ထို ဆိုလိုချက်များကို စူးစမ့်လေ့လာပြီး ထိုမှတဆင့် ယူဆချက် အသစ်များကို ထွက်ပေါ်လာနိုင်ရန် ကြိုးပမ်းကြသည်။

သမိုင်းကြောင်း

ရှေးဦးဆုံးလူသားမျိုးနွယ်တို့သည် မိမိတို့ပိုင်ဆိုင်ရာ တိရစ္ဆာန် အရာဝတ္ထုတို့ကို သစ်ပင် များပေါ်တွင် ခုတ်ထစ်မှတ်သားခြင်း၊ အမှတ်ခြစ်ပြုလုပ်ခြင်းတို့မှ တဆင့် အက္ခရာ ဂဏန်းတို့ ပေါ်ပေါက်ခဲ့သည်။ တရုတ်လူမျိုးနှင့် ဂရိလူမျိုးတို့သည် ရှေးအကျဆုံး သင်္ချာ ပညာရပ်ကို အသုံးပြုသူများဖြစ်ကြသည်။^{[ကိုးကားချက်လိုသည်]}

ထင်ပေါ်ကျော်ကြား သင်္ချာပညာရှင်များ

အောက်ပါတို့မှာ လူ့သမိုင်းတလျောက် ထင်ပေါ်ကျော်ကြားခဲ့သည့် သင်္ချာပညာရှင်များအနက်မှ အချို့ဖြစ်သည်။ ဤစာရင်းတွင် မပါသော်လည်း အရေးပါသည့်၊ ကျော်ကြားသည့် သင်္ချာပညာရှင်များစွာ ကျန်ရှိနေသေး၏။