मुहम्मद इब्न मूसा अल-ख़्वारिज़्मी
अबू अब्दल्लाह मुहम्मद इब्न मूसा अल-ख़्वारिज़्मी (अरबी: عَبْدَالله مُحَمَّد بِن مُوسَى اَلْخْوَارِزْمِي, अंग्रेजी: Muḥammad ibn Mūsā al-Khwārizmī; बुगु: करिब ७८० ई; मदूगु: करिब ८५० ई), पाश्चात्य देशय् गलतीं अल्गोरित्मी (Algoritmi) व अलगौरिज़िन (Algaurizin) नं धाइगु या, छम्ह इरानी-मूलया गणितज्ञ, खगोलशास्त्री व भूगोलविद् ख।[१] वय्कः व ईया नांजाःगु 'बग़दादया विस्डम हाउस (बुद्धिगृह)' नाप स्वापू दूम्ह मनु ख।
वय्कःया १२गु शताब्दीया भारतीय ल्याखँया छुं कृतित लातिन भाषाय् भाय्हिला जुया भारतीय ल्या व दशमलव प्रणाली पाश्चात्य हलिंइ थ्यन। वय्कःयात युरोपय् बीजगणित (अल्जेब्रा)या जन्मदाता धका नालेगु यासां लिपा लुयावःगु तथ्य कथं वय्कःया च्वखँ वास्तवय् प्राचीन भारतीय व यवन स्रोतं वःगु खनेदु। वय्कलं टोलेमीया भौगोलिक कृतियात विस्तृत याना अरबीइ भाय्हिला छ्वयादिल। अंग्रेजीया कम्प्यूटर-स्वागु 'अल्गोरिदम' (algorithm) खँग्वः वय्कःया हे नामं वःगु खँग्वः ख। थ्व कथं हे वय्कलं थःगु गणितया सफूलि आपालं 'अल-जब्र' (الجبر) खँग्वः च्वइगु यानादिल गुकिया अर्थ 'पूर्व अवस्थाय् यंकिगु' वा 'बहाल यायेगु' ख। थ्व अपभ्रंश जुया 'अल्जेब्रा' (algebra) जुवन गुकिया अंग्रेजीइ अर्थ 'बीजगणित' ख।[२]
स्वयादिसँ
लिधंसा
विकिमिडिया मंका य् थ्व विषय नाप स्वापु दुगु मिडिया दु:Muhammad ibn Musa al-Khwarizmi |