You're My Best Friend
| You're My Best Friend Singel av Queen frå albumet A Night at the Opera | ||
| B-side | ||
|---|---|---|
| Utgjeve | 18. mai 1976 | |
| Innspelt | 1975 | |
| Sjanger | Poprock[1] | |
| Lengd | 2:52 | |
| Selskap | EMI (UK), Elektra (US) | |
| Komponist | John Deacon | |
| Tekstforfattar | John Deacon | |
| Låtskrivar(ar) | John Deacon | |
| Produsent | Roy Thomas Baker og Queen | |
| Queen-kronologi | ||
| «Bohemian Rhapsody» (1975) | You're My Best Friend | «Somebody to Love» (1976)
|
«You're My Best Friend» er ein song av det britiske rockebandet Queen, skriven av bassgitaristen John Deacon. Han var opphavleg gjeven ut på A Night at the Opera i 1975, og seinare som ein eigen singel. I USA klatra «You're My Best Friend» til ein sekstande plass på singellista.[2] Songen finst òg på konsertalbumet Live Killers (1979) og på samlealbuma Greatest Hits (1981), Absolute Greatest (2009) og Queen Forever (2014).
Historie
Deacon skreiv songen for kona si, Veronica Tetzlaff. I songen spelar han eit Wurlitzer elektrisk piano i tillegg til å spele bass.[3] Det karakteristiske «bjeffet» frå bassnotane til wurlitzeren er markant i songen. Under konsertversjonane av songen spelte Freddie Mercury flygel i staden for elektrisk piano på songen, medan Deacon berre spelte bassgitar.
Songen vart nytta som bakgrunnsmusikk i fleire fjernsynsseriar, som Hot in Cleveland, EastEnders, My Name is Earl, The King of Queens og The Simpsons.[4] Han vart òg nytta under rulleteksten til komedien Shaun of the Dead i 2004.
Musikkvideo
Musikkvideoen var regissert av Bruce Gowers, og syner bandet i ein enorm ballsal omgjeve av over tusen stearinlys, inkludert i ei enorm lysekrone.[5] Videoen vart filma i april 1976[5] i Elstree Studios i London. Her kan ein sjå Deacon spele flygel i staden for det elektriske pianoet han brukte på innspelinga.[6]
Lister
Vekeslister
| Årslister
|
Medverkande
- Freddie Mercury - solo- og korvokal, handklapp
- Brian May - elektrisk gitar, handklapp, korvokal
- Roger Taylor - trommer, handklapp, korvokal
- John Deacon - bassgitar, Wurlitzer elektrisk piano, handklapp
Andre versjonar
- The Supernaturals, Come Again (samlealbum, 1997)
- Giuliano Palma & the Bluebeaters, Long Playing (2005)
- Rock4, A Night at the Opera (2006), ein acappellaversjon av Queen-albumet.
- Straight No Chaser, With a Twist (2010)
- Melvins, Everybody Loves Sausages (2013), som «Best Friend»
- Stevie Ann, singel (2014)
- The Once, Row Upon Row of the People They Know (2011)
