Zinaida Kupryjanovitsj
Zinaida «Zina» Aljaksandrawna Kupryjanovitsj (fødd 17. september 2002 i Minsk) er ein kviterussisk songar, skodespelar og tv-programleiar. Ho er kjend under artistnamna Zina og ZENA (kviterussisk ЗЕНА) og representerte Kviterussland i Eurovision Song Contest 2019 i Tel Aviv med låten «Like It».[1]
| Zinaida Kupryjanovitsj | |||
.jpg) | |||
| Fødd | 17. september 2002 (21 år) | ||
|---|---|---|---|
| Fødestad | Minsk | ||
| Fødenamn | kviterussisk: Зінаіда "Зіна" Аляксандраўна Купрыяновіч, russisk Зинаида "Зина" Александровна Куприянович, Zinanda «Zina» Aleksandrovna Kuprijanovitsj | ||
| Alias | ZENA | ||
| Opphav | Belarus | ||
| Aktiv | 2013– | ||
| Sjanger | pop, Hiphop, danse-pop, tech house, elektronisk dansemusikk, elektropop | ||
| Instrument | vokal | ||
| Verka som | songar, skodespelar | ||
Bakgrunn
Kupryjanovitsj byrja artistkarrieren som barnesongar i 2013, då ho deltok i songtevlingane New Wave Junior 2013 og juniorutgåva av Slavianski Bazaar i 2014.[2]
Kupryjanovitsj deltok to gonger i den kviterussiske uttakinga før Junior Eurovision Song Contest: i 2015 vart ho nummer fire med songen «Mir», og i 2016 vart ho nummer tre med «Kosmos». I 2017 kom ho på tredjeplass i den tiande sesongen av Fabrika zvjozd, den russiske versjonen av spanske Operación Triunfo. Etter tevlinga innleia Kupryjanovitsj ein karriere som programleiar på tv og var ein av programleiarane under Junior Eurovision Song Contest 2018 i Minsk. Som skodespelar har ho hatt stemma til Vaiana i den russisk-dubba versjonen av Vaiana og Rive-Rolf krasjer internett.[3]
Kupryjanovitsj representerte Kviterussland i Eurovision Song Contest 2019 med songen «Like It».[4][5][6]
Diskografi
| Tittel | År | Album |
|---|---|---|
| «Mir» | 2015 | Ikkje frå album |
| «Kosmos» | 2016 | |
| «Like It» | 2019 |
Filmografi
| År | Tittel | Rolle | Nøter |
|---|---|---|---|
| 2016 | Vaiana | Vaiana | russisk-dubba versjon |
| 2018 | Rive-Rolf krasjer internett |
