Batalha de Kerbala (680)

La batalha de Kerbala se debanèt lo 10 d'octòbre de 680. Opausèt Al-Hussayn ibn Ali e quauquei desenaus de companhons a una armada de plusors milièrs de combatents fidèus au Califat Omeia (entre 5 000 e 100 000 segon lei racòntes). Lo combat s'acabèt per la desfacha d'Al-Hussayn ibn Ali e de sei companhons que foguèron exterminats.

En causa de la mòrt d'Al-Hussayn ibn Ali considerat coma lo successor legitim de Maomet per lei chiitas, Kerbala es vengut un luòc de pelegrinatge important per l'islam chiita. Un sanctuari important protegís sa tomba e una fèsta importanta es organizada cada annada per commemorar la mòrt de Hussayn.