Exoplaneta

Un exoplaneta o planeta extrasolar es un planeta situat en defòra del Sistèma Solar. La primièra pròva d'un exoplaneta foguèt notada en 1917, mas foguèt pas reconeguda coma tala. Pasmens, la primièra deteccion scientifica d'un exoplaneta se faguèt en 1988, e mai que foguèsse pas confirmats coma essent un exoplaneta abans 2012. En 2018, i a aperaquí 3900 exoplanetas confirmats dins 2900 sistèmas planetaris descobèrts.Existisson mai d'un metòdes de deteccion dels exoplanetas. Lo Cercador de Planetas per Velocitat Radiala de Nauta Precision o HARPS (acronim en anglés) descobriguèt aperaquí cent exoplanetas dempuèi 2004, mentre que lo telescòpi espacial Kepler, dempuèi 2009, ne trobèt mai de dos mila. Kepler detectèt tanben mantun milièrs^[1][2] de planetas candidats,^[3] que mai de 40% son benlèu de falsas positivas.^[4]Sovent, de multiples planetas son estat observats a l'entorn d'una estela.^[5]Aperaquí 1 sus 5 estelas de tipe solar^[6] ten un planeta de talha terrèstra^[7] dins sa zona abitabla.^[8][9][10] Considerant que i a 200 miliard d'estelas dins la Via Lactèa,^[11] pòt i aver ipoteticament 11 miliard de planetas de talha terrèstra potencialament abitables dins la Via Lactèa, e fins a 40 miliard si òm inclutz los nombroses planetas qu'orbitan a l'entorn de las nanas rojas.