ଇନୋଟୁଜୁମାବ ଓଜୋଗାମିସିନ
ଇନୋଟୁଜୁମାବ ଓଜୋଗାମିସିନ (ଇଂରାଜୀ ଭାଷାରେ Inotuzumab ozogamicin), ବେସପୋନସା ଏକ ବେପାର ନାମ, ହେଉଛି ଏକ ଔଷଧ ଯାହାକି ବି-ସେଲ୍ ପୂର୍ବବର୍ତ୍ତୀ ତୀବ୍ର ଲିମ୍ଫୋବ୍ଲାଷ୍ଟିକ୍ ଲିଉକେମିଆ (ALL) ରୋଗର ଚିକିତ୍ସା ପାଇଁ ବ୍ୟବହୃତ ହୁଏ ।[୨] କର୍କଟ କୋଷଗୁଡ଼ିକ ସିଡି୨୨ ଯୁକ୍ତାତ୍ମକ ( CD22 ପଜିଟିଭ୍) ଥିଲେ ଏବଂ ଅନ୍ୟାନ୍ୟ ଚିକିତ୍ସା ବିଫଳ ହେଲେ ଏହା ବ୍ୟବହୃତ ହୁଏ ।[୨] [୩] ଏହା ଏକ ଶିରାରେ ଧୀରେ ଧୀରେ ଇଞ୍ଜେକସନ ଆକାରରେ ଦିଆଯାଏ ।[୪]
| Monoclonal antibody | |
|---|---|
| Type | Whole antibody |
| Source | Humanized (from mouse) |
| Target | CD22 |
| Clinical data | |
| Trade names | Besponsa |
| Synonyms | CMC-544 |
| AHFS/Drugs.com | monograph |
| MedlinePlus | a617041 |
| data |
|
| Pregnancy category |
|
| Routes of administration | Intravenous |
| Legal status | |
| Legal status | |
| Pharmacokinetic data | |
| Protein binding | 97% (cytotoxic agent) |
| Elimination half-life | 12.3 days |
| Chemical and physical data | |
| Formula | C6518H10002N1738O2036S42 |
| Molar mass | ୧,୪୬,୬୩୪.୩୬ g·mol−1 |
| (verify) | |
ସାଧାରଣ ପାର୍ଶ୍ୱ ପ୍ରତିକ୍ରିୟାରେ କମ୍ ପ୍ଲାଟେଲେଟ୍, କମ୍ ଶ୍ୱେତ ରକ୍ତ କଣିକା, ସଂକ୍ରମଣ, ସ୍ୱଳ୍ପ ଲୋହିତ ରକ୍ତ କଣିକା, ଥକାପଣ, ରକ୍ତସ୍ରାବ, ଜ୍ୱର, ଅଇ, ମୁଣ୍ଡବିନ୍ଧା ଏବଂ ଯକୃତ ସମସ୍ୟା ଅନ୍ତର୍ଭୁକ୍ତ ହୋଇପାରେ ।[୩] ଯକୃତ ସମସ୍ୟାରେ ହେପାଟିକ ଭେନୋ-ଓକ୍ଲୁସିଭ୍ ରୋଗ ଅନ୍ତର୍ଭୁକ୍ତ ହୋଇପାରେ । [୩] ଅନ୍ୟ ପାର୍ଶ୍ୱ ପ୍ରତିକ୍ରିୟାରେ କ୍ୟୁଟି (QT) ବିସ୍ତାର ଏବଂ ଅନୁର୍ବରତା ହୋଇପାରେ ।[୫] ଗର୍ଭାବସ୍ଥାରେ ବ୍ୟବହାର କଲେ ଶିଶୁର କ୍ଷତି ହୋଇପାରେ ।[୫] ଏହା ଏନ-ଆସେଟିଲ-କାଲିଚିଆମିନ (N-acetyl-cal-γ-calicheamicin) ସହିତ ସଂଯୁକ୍ତ ଏକ ମୋନୋକ୍ଲୋନାଲ ଆଣ୍ଟିବଡି ।[୫] ସସିଡି୨୨କୁ (CD22 ) ପ୍ରକାଶ କରୁଥିବା ଜୀବକୋଷଗୁଡିକ ସହିତ ଆଣ୍ଟିବଡି ସଂଲଗ୍ନ ହେବା ଫଳରେ ସେମାନଙ୍କର ମୃତ୍ୟୁ ହୁଏ । [୪]
୨୦୧୭ ମସିହାରେ ଆମେରିକା ଏବଂ ୟୁରୋପରେ ଚିକିତ୍ସା କ୍ଷେତ୍ରରେ ବ୍ୟବହାର ପାଇଁ ଇନୋଟୁଜୁମାବ ଓଜୋଗାମାଇସିନ୍ ଅନୁମୋଦିତ ହୋଇଥିଲା ।[୫] [୩] ଯୁକ୍ତରାଜ୍ୟରେ ୨୦୨୧ ସୁଦ୍ଧା ପ୍ରତି ୧ ମିଗ୍ରା ମାତ୍ରା ପିଛା ପ୍ରାୟ ୮୦୦୦ ପାଉଣ୍ଡ ଖର୍ଚ୍ଚ ହେଉଥିଲା ।[୪] ଯୁକ୍ତରାଷ୍ଟ୍ରରେ ଏହି ରାଶିର ମୂଲ୍ୟ ପ୍ରାୟ ୨୪,୦୦୦ ଡଲାର ଅଟେ ।[୬]