କୁମ୍ଭାଟୁଆ

କୁମ୍ଭାଟୁଆ ( ଇଂରାଜୀରେ Greater Coucal ବା Crow pheasant, ଜୀବ ବିଜ୍ଞାନ ନାମ Centropus sinensis^[୩]) ହେଉଛି କୋଇଲି ପ୍ରଜାତିର ଏକ ସ୍ୱଜୀବି ବିହଂଗ । ଭାରତୀୟ ଉପମଦେଶ ତଥା ଦକ୍ଷିଣ ପୂର୍ବ ଏସିଆରେ ପରିବ୍ୟାପ୍ତ ଏହି ଚଢେ‍ଇକୁ କେତେ ଗୁଡିଏ ଉପ ପ୍ରଜାତିରେ ବିଭାଗୀକରଣ କରାଯାଇଥାଏ, ଯେଉଁଥିରୁ କିଛିଂକୁ ସମ୍ପୁର୍ଣ୍ଣ ପ୍ରଜାତିରେ ବିବେଚନା କରାଯାଏ । ସେମାନେ ଦେଖିବାକୁ ବଡ଼ କାଉ ଭଳି କିଂତୁ ଲମ୍ବା ଲାଂଜ, ତମ୍ବା ମାଟିଆ ରଂଗର ଡେଣା ଏବଂ ସେମାନେ ଜଂଗଲଠାରୁ ଆରମ୍ଭ କରି, ଚାଷ ଜମି ଓ ସହରୀ ଉଦ୍ୟାନ ଭଳି ବ୍ୟାପ୍ତ ପରିବେଶରେ ଦେଖାଯାଆଂତି ।

କୁମ୍ଭାଟୁଆ
Conservation status
Least Concern  (IUCN 3.1)[୧]
ବିଜ୍ଞାନଭିତ୍ତିକ ଶ୍ରେଣୀବିଭାଗ
ଜଗତ:	Animalia
ସଙ୍ଘ:	Chordata
ବର୍ଗ:	Aves
ଗଣ:	Cuculiformes
କୁଳ:	Cuculidae
ପ୍ରଜାତି:	Centropus
ଜାତି:	C. sinensis
ବାଇନୋମିଆଲ ନାମ
Centropus sinensis (Stephens, 1815)[୨]

ଏମାନେ ଭଲ ଭାବରେ ଉଡିପାରଂତି ନାହିଁ, ଖଣ୍ଡିଉଡା ଦେ‍ଇ ଏମାନେ ଚଳ ପ୍ରଚଳ ହୁଅଂତି । ଅଧିକାଂଶ ସମୟ ସେମାନଂକୁ ମାଟି ଉପରେ ଚାଲି ଖାଦ୍ୟ ଅନ୍ୱେଷଣ କରୁଥିବା ଦେଖାଯାଏ । ଏମାନେ ବିଭିନ୍ନ ପୋକ ଜୋକ, ଅଣ୍ଡା ଆଦି ଖାଇ ଥାଆଂତି ।