ଡଲାର

୧୫ ଜାନୁଆରୀ ୧୫୨୦ରେ ବୋହେମିଆ ରାଜତ୍ୱରେ ଏକ ନୂଆ ପ୍ରକାର ମୁଦ୍ରାର ପ୍ରଚଳନ ହେଲା । ଏଥିଲାଗି ଆବଶ୍ୟକ ରୂପା ଜୋଆଖିମସ୍ଥାଲ ନାମକ ସ୍ଥାନରେ ଥିବା ଖଣିରୁ ମିଳୁଥିଲା । ଏହି ନାମାନୁସାରେ ମୁଦ୍ରାକୁ ସାଧାରଣ ପ୍ରଚଳନରେ ଥାଲର ବା ଟାଲର କୁହାଯାଉଥିଲା । ଚେକ୍ ଭାଷାରୁ ଏହି ଶବ୍ଦ କାଳକ୍ରମେ ଅପଭ୍ରଂଶ ହୋ‍ଇ ଡଚ୍ ଭାଷା ଦେଇ ଇଂରାଜୀରେ ପହଞ୍ଚିବା ବେଳେ ଡଲାରରେ ପରିଣତ ହେଲା । ^[୧]

ଡଲାର ଚିହ୍ନ

୧୭୭୦ ପାଖାପାଖି କିଛି ବ୍ୟାବସାୟିକ ପତ୍ରାଚାରରେ ସଂକ୍ଷେପଣ ରୂପେ ସ୍ପାନିଶ୍-ଆମେରିକାନ ପେସୋ ଲାଗି "p^s" ବ୍ୟବହାର କରାଯାଉଥିଲା ।^[୨][୩] ଏହି ପେସୋକୁ ବ୍ରିଟିଶ ଶାସିତ ଉତ୍ତର ଆମେରିକାରେ ସ୍ପେନୀୟ ଡଲାର ମଧ୍ୟ କୁହାଯାଉଥିଲା । ପରବର୍ତ୍ତୀ ସମୟରେ 's' ଟିକୁ 'p' ଉପରେ ଲେଖାଗଲା ଯେଉଁଥିରୁ "$" ଚିହ୍ନର ଉତ୍ପତ୍ତି ହେଲା । ^{[୪][୫][୬][୭][୮]}