ଡେସିକେଟେଡ ଥାଇରଏଡ ଏକ୍ସଟ୍ରାକ୍ଟ

ଡେସିକେଟେଡ ଥାଇରଏଡ ଏକ୍ସଟ୍ରାକ୍ଟ, ଅନ୍ୟ ନାମ ଥାଇରଏଡ୍ ଏକ୍ସଟ୍ରାକ୍ଟ, କୁହାଯାଏ ଯେତେବେଳେ ଥାଇରଏଡ୍ ଗ୍ରନ୍ଥିକୁ ଶୁଖାଯିବା ପରେ ପାଉଡର କରି ଚିକିତ୍ସା ନିମନ୍ତେ ବ୍ୟବ‌ହାର କରାଯାଇଥାଏ ।^[୧] ଏହା ହାଇପୋଥାଇରଏଡିଜିମ୍ ଚିକିତ୍ସା ପାଇଁ ବ୍ୟବହୃତ ହୁଏ ।^[୨] ଲିଭୋଥାଇରକ୍ସିନ ଅପେକ୍ଷା ଏହା କମ୍ ପସନ୍ଦ କରାଯାଏ । ^[୨] ଏହା ପାଟିରେ ଦିଆଯାଏ । ^[୨] ସର୍ବାଧିକ ପ୍ରଭାବ ଘଟିବାକୁ ୩ ସପ୍ତାହ ପର୍ଯ୍ୟନ୍ତ ସମୟ ଲାଗିପାରେ ।^[୨]

ଅତ୍ୟଧିକ ମାତ୍ରା ବ୍ୟବ‌ହାର କଲେ ପାର୍ଶ୍ୱ ପ୍ରତିକ୍ରିୟା ହୋଇପାରେ । ^[୧] ଏଥିରେ ଓଜନ ହ୍ରାସ, ଜ୍ୱର, ମୁଣ୍ଡବିନ୍ଧା, ଚିନ୍ତା, ଶୋଇବାରେ ଅସୁବିଧା, ଅନିୟମିତ ହୃତ୍ ସ୍ପନ୍ଦନ ଏବଂ ହୃଦ୍‌ପାତ ହୋଇପାରେ । ^[୨] ଆଲର୍ଜି ପ୍ରତିକ୍ରିୟା ମଧ୍ୟ ହୋଇପାରେ । ^[୨] ଗର୍ଭାବସ୍ଥାରେ ଏବଂ ସ୍ତନ୍ୟପାନ କରାଇବା ସମୟରେ ଏହାର ବ୍ୟବହାର ସାଧାରଣତଃ ନିରାପଦ ଅଟେ । ^[୩] ଉପଯୁକ୍ତ ମାତ୍ରା ସ୍ଥିର କରିବାକୁ ନିୟମିତ ରକ୍ତ ପରୀକ୍ଷା ନିମନ୍ତେ ପରାମର୍ଶ ଦିଆଯାଏ ।^[୨] ଥାଇରଏଡ ଏକ୍ସଟ୍ରାକ୍ଟରେ ଥାଇରକ୍ସିନ (T4) ଏବଂ ଟ୍ରାଇଆୟୋଡୋ ଥାଇରୋନିନର (T3)ର ମିଶ୍ରଣ ଥାଏ ।^[୨]

୧୮୦୦ ଶତାବ୍ଦୀର ଶେଷ ଆଡ଼କୁ ଡେସିକେଟେଡ୍ ଥାଇରଏଡ୍ ବ୍ୟବ‌ହାର ଆରମ୍ଭ ହୋଇଛି । ^[୪] ଏହା ସାଧାରଣତ ଘୁଷୁରି, ମେଣ୍ଢା କିମ୍ବା ଗାଈରୁ ତିଆରି ହୋଇଥାଏ । ^[୫] ଏହା ଏକ ସାଧାରଣ ଔଷଧ ଭାବରେ ଉପଲବ୍ଧ । ^[୧] ଯୁକ୍ତରାଷ୍ଟ୍ରରେ ଏକ ମାସର ଔଷଧ ପାଇଁ ହୋଲସେଲ ମୂଲ୍ୟ ପ୍ରାୟ ୧୫.୩୦ ଆମେରିକୀୟ ଡଲାର ଅଟେ । ^[୬] ୨୦୧୭ରେ ଯୁକ୍ତରାଷ୍ଟ୍ରରେ ଏହା ୧୩୦ତମ ସାଧାରଣ ପ୍ରେସକ୍ରିପସନ ଔଷଧ ଥିଲା, ଯେଉଁଥିରେ ପାଞ୍ଚ ଲକ୍ଷରୁ ଅଧିକ ପ୍ରେସକ୍ରିପସନ୍ ରହିଥିଲା। ^{[୭] [୮]} ୧୯୬୦ ଦଶକରୁ ଏହାର ବ୍ୟବହାର ହ୍ରାସ ପାଇଛି ।^[୯]