ପୌରୁଷ ଅସାମର୍ଥ୍ୟ
ପୌରୁଷ ଅସାମର୍ଥ୍ୟ, (ଇରେକ୍ଟାଇଲ୍ ଡିସଫଙ୍କସନ ( ଇଡି )), ହେଉଛି ଯୌନ ଅସୁବିଧା ଯେଉଁଥିରେ ସନ୍ତୋଷଜନକ ଲିଙ୍ଗ ଉତ୍ଥାନ ହୁଏନାହିଁ ।[୧] ଏହା ଏକ ସ୍ୱଳ୍ପ କିମ୍ବା ଦୀର୍ଘକାଳୀନ ପ୍ରସଙ୍ଗ ହୋଇପାରେ ।[୧] ଏହା ଜୀବନର ଗୁଣବତ୍ତା ଉପରେ ପ୍ରଭାବ ପକାଇପାରେ ଏବଂ ଉଦାସୀନତା, ଉଦ୍ବେଗ କିମ୍ବା ଅନୁର୍ବରତା ସୃଷ୍ଟି କରିପାରେ ।[୧]
| Erectile dysfunction | |
|---|---|
| Impotence | |
 Cross-section of a flaccid penis | |
| ବିଭାଗ | Urology |
| ଲକ୍ଷଣ | Inability to gain or maintain an erection[୧] |
| ବିପଦ କାରକ | Diabetes, heart disease, being overweight, kidney problems, smoking, alcohol,, anxiety, certain medications[୨] |
| ରୋଗ ନିର୍ଣ୍ଣୟ ପଦ୍ଧତି | Based on symptoms and examination[୩] |
| ଔଷଧ | Sildenafil, alprostadil[୪] |
| ଚିକିତ୍ସା | Lifestyle changes, counselling, medication, surgery[୪] |
| Prognosis | Depends on the cause[୫] |
| ପୁନଃପୌନିକ | Very common (>150 million people globally)[୧][୫] |
ମଧୁମେହ, ହୃଦ ରୋଗ, ଅଧିକ ଓଜନ, ବୃକ୍କ ସମସ୍ୟା, ଧୂମପାନ, ମଦ୍ୟପାନ, ଚିନ୍ତା ଏବଂ କେତେକ ଔଷଧ ମଧ୍ୟ ଏହି ବିପଦ ସୃଷ୍ଟି କରିପାରେ ।[୨] ଏଥିରେ ଅନ୍ତର୍ଭୁକ୍ତ ଔଷଧଗୁଡ଼ିକର ନାମ ମଧ୍ୟରେ ରକ୍ତଚାପ ନିମିତ୍ତ ଔଷଧ, ଆଣ୍ଟିଆଣ୍ଡ୍ରୋଜେନ୍, ବେଞ୍ଜୋଡାଏଜେପିନ୍ ଏବଂ ଆଣ୍ଟିଡିପ୍ରେସାଣ୍ଟ ଉଲ୍ଲେଖନୀୟ ।[୨] ପ୍ରୋଷ୍ଟେଟ ଅସ୍ତ୍ରୋପଚାର ଭଳି କେତେକ ପ୍ରକ୍ରିୟା ପରେ ଏହା ମଧ୍ୟ ହୋଇପାରେ ।[୨] ଲକ୍ଷଣ ଏବଂ ପରୀକ୍ଷା ଉପରେ ଏହା ନିର୍ଣ୍ଣୟ କରାଯାଏ ।[୩]
ଏହାର ଚିକିତ୍ସାରେ ଅନ୍ତର୍ନିହିତ କାରଣର ଦୂରୀକରଣ, ଜୀବନ ଶୈଳୀ ପରିବର୍ତ୍ତନ, ଏବଂ ପରାମର୍ଶ ଅନ୍ତର୍ଭୁକ୍ତ ହୋଇଥାଏ ।[୪] ସିଲଡେନାଫିଲ ( ପିଡିଇଏଫ ଇନହିବିଟର ) ଭଳି ଔଷଧ ବ୍ୟବହାର କରାଯାଇପାରେ ।[୪] ଅନ୍ୟ ବିକଳ୍ପଗୁଡ଼ିକରେ ଆଲପ୍ରୋଷ୍ଟାଡିଲ୍ କିମ୍ବା ଲିଙ୍ଗ ପମ୍ପ ବ୍ୟବହାର କରାଯାଇପାରେ । ଯଦି ଏହି ପଦକ୍ଷେପଗୁଡିକ ପ୍ରଭାବଶାଳୀ ନ ହେଲେ ଏକ ଲିଙ୍ଗ ପ୍ରତିରୋପଣ କିମ୍ବା ଭାସ୍କୁଲାର ପୁନର୍ନିମାଣ ଏକ ବିକଳ୍ପ ହୋଇପାରେ ।[୪] କାରଣ ଉପରେ ଫଳାଫଳନିର୍ଭର କରେ ।[୫]
ଯୁକ୍ତରାଷ୍ଟ୍ରରେ ପୌରୁଷ ଅସାମର୍ଥ୍ୟ ଅତି ସାଧାରଣ କଥା ଯେଉଁଥିରେ ପ୍ରାୟ ୩୦ ନିୟୁତ ପୁରୁଷ ପ୍ରଭାବିତ ହୋଇଥାଆନ୍ତି ।[୧] ବୟସ ବୃଦ୍ଧି ସହିତ ଏହା ଅଧିକ ସାଧାରଣ ହେଲେ ମଧ୍ୟ ଏହା ବୃଦ୍ଧାବସ୍ଥାର ଏକ ସାଧାରଣ ଅଂଶ ନୁହେଁ ।[୧] ୪୦ ବର୍ଷରୁ ଅଧିକ ପୁରୁଷଙ୍କ ମଧ୍ୟରୁ ଅର୍ଦ୍ଧେକ ଲୋକ ପ୍ରଭାବିତ ହୋଇପାରନ୍ତି ।[୫] ସମଗ୍ର ବିଶ୍ୱରେ ଲୋକମାନେ ପ୍ରଭାବିତ ହୁଅନ୍ତି ।[୫]