ମ୍ୟାଲେରିଆ ଟିକା
ମ୍ୟାଲେରିଆ ଟିକା ହେଉଛି ମ୍ୟାଲେରିଆ ରୋଗରୁ ରକ୍ଷା ପାଇବା ନିମନ୍ତେ ବ୍ୟବହୃତ ଏକ ଟିକା ।[୨] ୨୦୨୨ ସୁଦ୍ଧା ଆରଟିଏସ,ଏସ ନାମକ ଗୋଟିଏ ମ୍ୟାଲେରିଆ ଟିକା (ବ୍ରାଣ୍ଡ ନାମ ମସ୍କିରିକ୍ସ) ଅନୁମୋଦିତ ହୋଇଛି ଏବଂ ସବ୍-ସାହାରା ଆଫ୍ରିକାର ତିନୋଟି ଦେଶରେ ଏହା ବ୍ୟବହାର କରାଯାଉଛି ।[୨] ଏହା ଚାରୋଟି ଇଞ୍ଜେକସନ ଆବଶ୍ୟକ କରେ ।[୧] ଏହି ଟିକା ଯାତ୍ରୀମାନଙ୍କ ପାଇଁ ଉପଯୋଗୀ ହେବାର ସମ୍ଭାବନା ନାହିଁ ।[୨]
 Malaria vaccine clinical trial poster | |
| Vaccine description | |
|---|---|
| Target disease | Malaria |
| Type | Protein subunit |
| Clinical data | |
| Trade names | Mosquirix |
| Routes of administration | Intramuscular[୧] |
| Legal status | |
| Legal status |
|
ଆରଟିଏସ,ଏସ ଟିକା ୬ ସପ୍ତାହରୁ ୧୭ ମାସ ବୟସ୍କ ପିଲାମାନଙ୍କ ନିମନ୍ତେ ବ୍ୟବହୃତ ହୁଏ ଯେଉଁଠାରେ ପ୍ଲାଜମୋଡିଅମ ଫାଲସିପାରମ ଅଧିକ ସାଧାରଣ ଦେଖାଯାଏ ।[୧] ତୃତୀୟ ମାତ୍ରା ଔଷଧ ଦିଆଯିବା ପରେ ପରବର୍ତ୍ତୀ ବର୍ଷରେ ମ୍ୟାଲେରିଆର ଆଶଙ୍କା ୨୪ରୁ ୪୩% କମିଯାଏ ।[୧] ସାଧାରଣ ପାର୍ଶ୍ୱ ପ୍ରତିକ୍ରିୟାରେ ଇଞ୍ଜେକ୍ସନ ସ୍ଥାନରେ ଜ୍ୱର, ଚିଡ଼ଚିଡ଼ା ଏବଂ ଯନ୍ତ୍ରଣା ହୁଏ ।[୧] ଟିକା ନେଇଥିବା ଲୋକଙ୍କ ମଧ୍ୟରୁ ପ୍ରାୟ ୧% ପିଲାଙ୍କର ଜ୍ୱରଜାତ ଅଙ୍ଗବିକ୍ଷେପ ହୁଏ ।[୧] ଚିନ୍ତା ଜନକ କଥା ଏହି ଯେ, ଯଦି ଚତୁର୍ଥ ମାତ୍ରା ନ ନିଆଯାଏ, ତେବେ ମ୍ୟାଲେରିଆ ସମ୍ବନ୍ଧୀୟ ମୃତ୍ୟୁ ପୁଣି ବଢ଼ିପାରେ ।[୨]
୨୦୧୫ ମସିହାରେ ସିଏଚଏମପିଦ୍ୱାରା (CHMP) ଆରଟିଏସ,ଏସକୁ ଏକ ସକରାତ୍ମକ ମତ ଦିଆଯାଇଥିଲା ଏବଂ ୨୦୨୧ରେ ବିଶ୍ୱ ସ୍ୱାସ୍ଥ୍ୟ ସଂଗଠନଦ୍ୱାରା (WHO) ଏହା ଅନୁମୋଦିତ ହୋଇଥିଲା ।[୧] [୩] ଏହାର ମୂଲ୍ୟ ୨୦୨୧ ସୁଦ୍ଧା ସ୍ଥିର ହୋଇନାହିଁ ।[୪] ଗାଭି (GAVI) ଏହାର ବିକ୍ରୟ/ବ୍ୟବହାର ନିମନ୍ତେ ୨୦୨୨ରୁ ୨୦୨୫ ମସିହା ମଧ୍ୟରେ ଆମେରିକୀୟ ୧୬୦ ନିୟୁତ ଡଲାର ପ୍ରଦାନ କରିଛି ।[୫] ୨୦୨୧ ସୁଦ୍ଧା ସବୁଠାରୁ ପ୍ରଭାବଶାଳୀ ମ୍ୟାଲେରିଆ ଟିକା ହେଉଛି ଆର୨୧/ମାଟ୍ରିକ୍ସ-ଏମ (R21/Matrix-M) ଯାହାର ପ୍ରାରମ୍ଭିକ ପରୀକ୍ଷଣରେ ୭୭% ଉପକାର ମିଳିଛି ।[୬] ଅତିକମରେ ୭୫% ସଫଳତା ସହ ବିଶ୍ୱ ସ୍ୱାସ୍ଥ୍ୟ ସଂଗଠନର ଲକ୍ଷ୍ୟ ପୂରଣ କରିବାରେ ଏହା ହେଉଛି ପ୍ରଥମ ଟିକା ।[୬][୭]
.jpg){kind=link}