ସୁଶ୍ରୀ ଶ୍ରେୟା ମିଶ୍ର

ସେ ୪ ଜାନୁଆରୀ ୧୯୯୧ରେ ଓଡ଼ିଶାର ସମ୍ବଲପୁରରେ ଜନ୍ମ ହୋଇଥିଲେ । ସୈନ୍ୟ ପରିବାରରେ ଜନ୍ମ ହେତୁ ତାଙ୍କୁ ବ‌ହୁତ ବିଦ୍ୟାଳୟରେ ପଢିବାକୁ ପଡ଼ିଥିଲା, ତେବେ ମୁଖ୍ୟତଃ ସେ ସେଣ୍ଟ୍ ଜୋସେଫ୍ ଉଚ୍ଚ ମାଧ୍ୟମିକ ବିଦ୍ୟାଳୟରେ ପଢ଼ିଥିଲେ, ପରେ ଶ୍ୟାମ ପ୍ରସାଦ ମୁଖାର୍ଜୀ ମହାବିଦ୍ୟାଳୟ, ଦିଲ୍ଲୀ ବିଶ୍ୱବିଦ୍ୟାଳୟରେ ପଢ଼ିଥିଲେ । ସେ ୨୦୦୫ ଓ ୨୦୦୭ ଦୁଇଥର ସମ୍ମାନ‌ଜନ‌କ ଦିଲ୍ଲୀରେ ଅନୁଷ୍ଠିତ ଏନ୍‌ସିସି ଆର୍‌ଡ଼ିସି (ସାଧାରଣତନ୍ତ୍ର ଦିବସ କ୍ୟାମ୍ପ)ରେ ଯୋଗ ଦେଇଥିଲେ । ସେ ଘୋଡ଼ାଚଢିବା ଓ ଓଡ଼ିଶୀ ନୃତ୍ୟରେ ସ୍ୱର୍ଣ୍ଣ ପଦକ ଜିତିଥିଲେ । ସେ ଓଡ଼ିଶୀରେ ବିଶାରଦ କରିଛନ୍ତି ।

୨୦୧୦ ମସିହାରେ ସେ ଏସିଆନ୍ ସୁପର୍ ମଡ଼େଲ୍, ଚାଇନାରେ ଭାରତକୁ ପ୍ରତିନିଧିତ୍ୱ କରିଥିଲେ । ସେହି ପ୍ରତିଯୋଗିତାରେ ସେ ମିସ୍ ଫ୍ରେଣ୍ଡସିପ୍ ଇଣ୍ଟର୍‌ନ୍ୟାସ୍‌ନାଲ୍ ଘୋଷିତ ହୋଇଥିଲେ । ସେ ଆଇ ଆମ୍ ସି ୨୦୧୦ ପ୍ରତିଯୋଗିତାରେ ମଧ୍ୟ ଭାଗନେଇଥିଲେ ଓ ଆଇ ଆମ୍ ପପୁଲାର ସ୍ୱତନ୍ତ୍ର ପୁରସ୍କାର ଜିତିଥିଲେ ।

୨୦୧୩ରେ ସେ ମିସ୍ ଦିଭାର ପ୍ରଥମ ସଂସ୍କରଣରେ ଭାଗନେଇଥିଲେ ଓ ସେମିଫାଇନାଲ୍‌ର ପ୍ରଥମ ୭ ଜଣଙ୍କ ମଧ୍ୟରେ ଥଲେ । ସେ ସ୍ୱତନ୍ତ୍ର ପୁରସ୍କାର ମିସ୍ ଡିଜିଟାଲ୍ ଜିତିଥିଲେ ।^[୧]

ପରେ ୨୦୧୫ରେ ସେ ଫେମିନା ମିସ୍ ଇଣ୍ଡିଆ ୨୦୧୫ରେ ଭାଗନେଇଥିଲେ ଓ ଭାରତକୁ ମିସ୍ ୟୁନାଇଟେଡ୍ କଣ୍ଟିନେଣ୍ଟ୍ ୨୦୧୫ରେ ପ୍ରତିନିଧିନ୍ୱ କରିଥିଲେ । ସେ ଫେମିନା ମିସ୍ ଇଣ୍ଡିଆ ୨୦୧୫ ପୁରସ୍କାର ସ‌ହ ଦୁଇଟି ସ୍ୱତନ୍ତ୍ର ପୁରସ୍କାର ମିସ୍ ରାମ୍ପ‌ୱାକ୍ ଓ ମସ୍ ଭିଭାସିଅସ୍ ଜିତିଥିଲେ ।^[୨][୩]

ମଡ଼େଲିଂ ଜୀବନ ପରେ ସେ ବର୍ତ୍ତମାନ ଅଭିନୟ କରୁଛନ୍ତି । ସେ କିଙ୍ଗଫିଶର୍ କ୍ୟାଲେଣ୍ଡର୍ ୨୦୧୬, ଭାରତୀୟ ମାଗାଜିନ୍ ଗାଜିଆରେ ଅଭିନୟ କରିଛନ୍ତି । ସେ ମଧ୍ୟ ଗାର୍‌ନିଅର୍, ଭିନି ପ୍ରଭୃତି ପାଇଁ ବିଜ୍ଞାପନ କରିଛନ୍ତି ।