ହିଲଟନ ହେଡ ଦ୍ୱୀପ, ଦକ୍ଷିଣ କାରୋଲିନା
[[Category:Lua error in package.lua at line 80: module 'Module:Pagetype/setindex' not found. with short description]]
Hilton Head Island | |
---|---|
Official seal of Hilton Head Island | |
Nickname(s): Hilton Head and HHI | |
ହିଲଟନ ହେଡ ଦ୍ୱୀପ (ଇଂରାଜୀ ଭାଷାରେ Hilton Head Island, ବା Hilton Head) ଯୁକ୍ତରାଷ୍ଟ୍ର ଆମେରିକାର ବିଉଟି କାଉଣ୍ଟି, ଦକ୍ଷିଣ କାରୋଲିନାର ଅବରୋଧକାରୀ ଦ୍ୱୀପରେ ଥିବା ଏକ ରେସର୍ଟ ଟାଉନ (Lowcountry resort town) ।[୧] କ୍ୟାପଟେନ ଉଇଲିଅମ ହିଲଟନଙ୍କ ନାମାନୁସାରେ ଏହି ଦ୍ୱୀପର ନାମକରଣ ହୋଇଛି ଯିଏ ସନ ୧୬୬୩ରେ ପୋର୍ଟ ରୟଲ ସାଉଣ୍ଡର ପ୍ରବେଶ ପଥରେ ଏକ ହେଡଲ୍ୟାଣ୍ଡ ଥିବା ଚିହ୍ନଟ କରିଥିଲେ ଯାହାକୁ ମ୍ୟାପ ତିଆରି କରିବା ବ୍ୟକ୍ତିମାନେ "ହିଲଟନସ ହେଡଲ୍ୟାଣ୍ଡ" ନାମକରଣ କରିଥିଲେ । ଆଟଲାଣ୍ଟିକ ସାଗର କୂଳରେ ଏହି ଦ୍ୱୀପ ୧୨ ମାଇଲ ବା ୧୯ କିମି ବ୍ୟାପୀ ରହିଛି ଓ ଏହା ଏକ ଲୋକପ୍ରିୟ ଛୁଟି କାଟିବା ସ୍ଥଳ ରୂପେ ପରିଚିତ ହୋଇଛି । ସନ ୨୦୦୪ରେ ପ୍ରାୟ ୨.୨୫ ନିୟୁତ ଆଗନ୍ତୁକ ଏଠାକୁ ଆସି ପ୍ରାୟ ୧.୫ବିଲିଅନ ଡଲାର ଏଠାରେ ଖର୍ଚ୍ଚ କରିଥିଲେ । [୨] ୨୦୧୦ର ଜନଗଣନା (2010 census) ଅନୁସାରେ ବର୍ଷ ବ୍ୟାପି ଲୋକସଂଖ୍ୟା ୩୭,୦୯୯ ଥିଲା । [୩] ଗ୍ରୀଷ୍ମ ଛୁଟିରେ ଏହାର ଲୋକସଂଖ୍ୟା ପ୍ରାୟ ୧୫୦,୦୦୦ ହୋଇଯାଏ ।[୪] ବିଗତ ଦଶ ବର୍ଷରେ ଏହାର ଲୋକସଂଖ୍ୟା ୩୨% ବଢ଼ିଛି । [୫] ହିଲଟନ ହେଡ ଦ୍ୱୀପ ଏକ ମେଟ୍ରୋପଲିଟାନ ଏରିଆରେ (Hilton Head Island-Bluffton-Beaufort metropolitan area) ଅଛି ଯାହାର ସନ ୨୦୧୫ ଜନସଂଖ୍ୟା ଅନୁସାରେ ପ୍ରାୟ ୨୦୭,୪୧୩ ଥିଲା ଓ ଏହା ମଧ୍ୟରେ ହିଲଟନ ହେଡ ଦ୍ୱୀପ ଏକ ସହର ହୋଇ ତିଷ୍ଠିରହିଛି ।
ଏହି ଦ୍ୱୀପର ସମୃଦ୍ଧଶାଳୀ ଇତିହାସ ଅଛି । ଏଠାରେ ସ୍ଥାନୀୟ ଆମେରୀକିୟ ଅଧିବାସୀମାନେ ଏହି ସ୍ଥାନକୁ ଋତୁ ଭିତ୍ତିରେ ଆସି ବାସ କରୁଥିଲେ ଓ ଏହି ପ୍ରଥା ଅନୁସାରେ ୟୁରୋପୀୟ ଅନ୍ୱେଷଣକାରୀ ଓ ତୁଳା ବେପାରୀମାନେ ଆସି ରହୁଥିଲେ । ଆମେରିକୀୟ ନାଗରିକ ଗୃହଯୁଦ୍ଧ (Civil War) ସମୟରେ ଏହି ସ୍ଥାନରେ ଅନ୍ୟାନ୍ୟ ଦକ୍ଷିଣ ବନ୍ଦର ପଥକୁ ଅବରୋଧ (Union blockade) କରାଯାଉଥିଲା । ୟୁନିଅନ ହାତକୁ ଦ୍ୱୀପ ଆସିବା ପରେ ଶହ ଶହ ପୂର୍ବତନ କ୍ରୀତଦାସମାନେ ଏହି ହିଲଟନ ହେଡକୁ ଆସି ରହିଗଲା । ଏବେ ମଧ୍ୟ ତାଙ୍କର ସେହି ଗୁଲ୍ଲାହ ବା ଗ୍ରୀଚ (Gullah (or Geechee)) ବଂଶଧରମାନେ ଏଠାରେ ରହି ତାଙ୍କର ସଂସ୍କୃତିକୁ ବଜାୟ ରଖିଛନ୍ତି । [୬]
ସନ ୧୯୮୩ରେ ହିଲଟନ ଦ୍ୱୀପରେ ଏକ ମ୍ୟୁନିସିପାଲିଟି ତିଆରି ହେଲା ଓ ଏହି ସ୍ଥାନର ପରିବେଶ-ବନ୍ଧୁତ୍ୱ ବିକାଶରେ ସହାୟକ ହୋଇ ପ୍ରଶଂସନୀୟ ହେଲା । [୭] ଏହି ଟାଉନର ପ୍ରାକୃତିକ ସାଧନ ବିଭାଗ ଏହାର ଭୂମି ଅର୍ଡ଼ିନାନ୍ସ ବଳରେ ପ୍ରାସାଦ ତିଆରି ସ୍ଟାଇଲ ଓ ଉପସ୍ଥିତ ବୃକ୍ଷ ଗହଳ ମଧ୍ୟରେ ରହିବା ପଦ୍ଧତିକୁ ସୀମିତ କରିବା ନିୟମ କରିଛନ୍ତି । [୮] ଏହା ଫଳରେ ହିଲଟନ ହେଡ ଦ୍ୱୀପରେ ଗୃହ ଅନୁପାତରେ ବୃକ୍ଷ ସଂଖ୍ୟା ଅସ୍ୱାଭାବିକ ଭାବରେ ଅଧିକ ରହୁଛି । [୯] ଦ୍ୱୀପର ପ୍ରାୟ ୭୦% ସ୍ଥାନ ଘେର ଓ ଗେଟ (gated communities) ମଧ୍ୟରେ ରହିଛି ଯାହା ମଧ୍ୟରେ ପର୍ଯ୍ୟଟକ ରହିବା ସ୍ଥାନ ମଧ୍ୟ ରହିଛି ।[୧୦] କେତେକ ସମୁଦ୍ରକୁଳର ପରିସ୍ଥିତି ନିୟନ୍ତ୍ରଣ କରଛନ୍ତି ଯାହା ମଧ୍ୟରେ କେବଳ ଟାଉନ ବାସିନ୍ଦା ବ୍ୟବହାର କରିବା ନିମନ୍ତେ ଗୋଟିଏ କୁଳ ସଂରକ୍ଷିତ ଅଛି । ସେହି ବାସିନ୍ଦାମାନେ ଏକ ଭୂମି କିଣିବା ବଣ୍ଡ ରେଫରେଣ୍ଡମ ବଳରେ ଟାଉନର ବ୍ୟବସାୟୀକ ବୃଦ୍ଧିକୁ ନିୟନ୍ତ୍ରଣ କରୁଛନ୍ତି । [୧୧]