آبادی دے حساب نال بولیاں دی لسٹ

بولݨہاراں دی تعداد دے لحاظ نال بولیاں دی درجہ بندی درج ذیل اے۔ بولیاں دیاں درجہ بندیاں نوں احتیاط نال دیکھݨا چاہیدا اے کیونکہ ایہ ممکن نئیں کہ اک پڑبولی دے تسلسل وچ بولیاں دی تمیز لئی لسانی معیارات دا ایک مربوط طریقہ وضع کیتا جاوے۔ مثال دے طور تے اک بولی نوں اکثر باہمی طور تے قابل فہم قِسماں دے مجموعے دے طور تے بیان کیتا جاندا اے پَر معیاری بولیاں نوں الگ الگ بولیاں وچ شمار کیتا جا سکدا اے، حالانکہ اوہ بڑی حد تک باہمی طور تے قابل فہم نیں۔ جِداں کہ ڈینش تے نارویجین دے معاملے وچ اے۔ ایہدے برعکس بہت ساریاں عام طور پر قبول شدہ بولیاں، جیہناں وچ جرمن، اطالوی تے حتا کہ انگریزی وی شامل نیں، جو کہ باہمی طور تے قابل فہم نئیں۔ اگرچہ عربی نوں بعض دفعہ جدید معیاری عربی اُتے مرکوز اک واحد بولی سمجھیا جاندا اے، دوسرے لکھاری ایہدیاں باہمی طور تے ناقابل فہم قِسماں نوں الگ الگ بولیاں غور کردے نیں۔ ایسے طرحاں چینی نوں بعض دفعہ اک سانجھی رہتل تے سانجھی ادبی بولی دی وجہ توں اک بولی دے طور تے دیکھیا جاندا اے۔ چینی بولی دے مختلف گروہاں، جِداں مینڈارن، وو تے یو نوں الگ بولیاں دے طور تے بیان کرنا وی عام اے۔.^[۱]

بولݨہاراں دی مستند تعداد حاصل کرن وچ وی مشکلات نیں، جو آبادی دی تبدیلی تے بولی دی تبدیلی دی وجہ توں وقت دے نال نال مختلف ہُندیاں نیں۔ کچھ علاقےآں وچ، مردم شماری دا کوئی مستند ڈیٹا نئیں یا مردم شماری وچ بولیاں نوں صحیح طرحاں درج نئیں کیتا جاندا۔ دنیا دے مُختلف حِصےآں وچ بولیاں دے صحیح تے واضح اعداد و شمار اکٹھے کرن دے عمل وچ شفافیت دا معیار مختلف اے۔