پرتگالی

پرتگالی

جتھے بولی جاندی اے	انگولا، برازیل، کیپ ورڈے، چڑھدا تیمور، گنی بساؤ، مکاؤ، موزمبیق، پرتگال، ساؤ ٹومے تے پرنسیپی، یوراگوۓ تے ہور
بولن آلے	32 کروڑ لوکاں دی ماں بولی
رینکنگ	6
بولی ٹبر	ہند یورپی بولیاں
رسم الخط	لاطینی
سرکاری حیثیت
سرکاری بولی	20 دیس جناں چ امریکہ، یورپی یونین، لاطینی یونین تے امریکی ریاستاں دی آرگنائیزیشن شامل نیں
بولی دا کوڈ
ISO 639-1	pt
ISO 639-2	por
ISO 639-3	por
بولن آلیاں دیاں تھاواں دا نقشہ

پرتگیزی بولی ہند-یورپی بولیاں دے ٹکر دی اک بولی اے۔ اصل وچ ایہ پرتگال دی قومی بولی اے پر پرتگال دیاں کئی پرانیاں کالونیاں جاں مل مارے علاقاےآں چ وی ایہ بولی جاندی اے جنہاں چ برازیل، موزمبیق، انگولا، کیپ ورڈے، گنی بساؤ تے ساؤ ٹومے تے پرنسیپی شامل نیں۔ٰ ایہ مکاؤ (چین)، چڑھدا تیمور ، استوائی گنی چ وی دفتری بولی اے۔ٰ

ایہ دنیا چ بولے جان آلی پنجویں وڈی بولی اے۔ ایہ لاطینی امریکہ چ بولے جان آلی سبتوں وڈی بولی اے۔ ایہ یورپی یونین دی دفتری بولی منی گئی اے۔

مارچ 2006 چ پرتگالی بولی دا عجائب گھر ساؤ پاؤلو، برازیل چ کھولا گیا۔

تریخ

جدوں رومی جزیرہ نما آئبیریا چ 216 قبل مسیح چ داخل ہوے تو اوہ لاطینی بولیا کردے سن۔ انہاں نے ایہ بولی ایتھے وی رائج کیتی۔ پرتگالی اک پرانی بولی توں نکلی اے جسنوں تریخ دان پرانی پرتگیزی آکھدے نیں ۔

جغرافیائی کھلار

پرتگالی برازیل دی وڈی گنتی دی بولی اے ۔^[۱] تے پرتگال دے لوکاں دی اکثریت وی پرتگالی بولدی اے,^[۲]

ساؤ ٹومے تے پرنسیپی دی 1991 دی جنگننا مطابق ایتھے دی 99.8% لوک گنتی پرتگالی بولدی اے ۔

انگولا دی 75% آبادی پرتگالی نوں ماں بولی طور بولدی ^[۳] تے 85% روانی نال بولدی اے.^[۴] 2007 دی موزمبیق دی جنگننا مطابق 40% توں ودھ موزمبیق دے لوک پرتگالی بولی نوں ماں بولی طور بولدے نیں تے 60% لوک اسنوں روانی نال بولدے نیں^[۵] گنی بساؤ دی 30% لوک گنتی پرتگالی نوں ماں بولی طور بولدی اے تے ساری آبادی پرتگالی مڈھ دی کیرول بولی سمجھدے نیں^[۶] کیپ ورڈے دی بوہتی لوک گنتی وی پرتگالی بول سکدی اے ۔

سرکاری بولی

پرتگالی بولی انگولا، برازیل، کیپ ورڈے، چڑھدا تیمور، گنی بساؤ ، موزمبیق، پرتگال، ساؤ ٹومے تے پرنسیپی تے یوراگوۓ دی سرکاری بولی اے

بولن آلے

پرتگالی بولن آلے دیس تے لوک گنتی اینج اے :

دیس	لوک گنتی (2014 آنکڑا)[۷]
برازیل	202,656,788
موزمبیق	24,692,144
انگولا	24,383,301
پرتگال	10,813,834
گنی بساؤ	1,693,398
مشرقی تیمور	1,201,542
مکاؤ	587,914
کیپ وردی	538,535
ساؤٹوم	190,428
کل	262,184,943

پرتگالی دے لہجے

برازیل ، پرتگال تے دوجے پرتگالی بولن آلے دیساں چ پرتگالی بولی دے کئی وکھ وکھ لہجے بولے جاندے نیں ، کلے پرتگال چ اس بولی دے کئی لہجے نیں ۔

ہور دیساں چ

پرتگالی بولن آلے دیساں توں اڈ دنیا دے کئی علاقے جہڑے پہلے [[پرتگال دے مل ہیٹھ سن اوتھے حالے وی پرتگالی دے مقامی لہجے بولے جاندے نیں ۔

اینہاں دا ویروا اینچ اے :

•  کیپ وردی— Português cabo-verdiano Archived 2014-10-10 at the وے بیک مشین (کیپ ورڈی پرتگالی)
•  گنی بساؤ— Guineense Archived 2014-10-10 at the وے بیک مشین (گنی پرتگالی)
•  بھارت — (گوا پرتگالی تے دمنی پرتگالی)
•  مکاؤ— Macaense Archived 2014-10-10 at the وے بیک مشین (مکاؤ پرتگالی)
•  موزمبیق— Moçambicano Archived 2014-10-17 at the وے بیک مشین (موزمبیق پرتگالی)
•  ساؤٹوم— Santomense Archived 2014-10-10 at the وے بیک مشین (ساؤ ٹومی پرتگالی)
•  سپین— (آلنٹیئن پرتگالی تے ہور جنہاں نوں کدی کدی وکھ بولی وی سمجھیا جاندا اے جداں گلیشی تے فالا بولی )
•  یوراگوئے—(یوراگوئی پرتگالی بولی)
•  مشرقی تیمور— Timorense Archived 2014-10-10 at the وے بیک مشین (چڑھداتیمور پرتگالی)

نالدیاں بولیاں

پرتگالی بولی رومانی بولیاں دی لہندیاں آئبیری بولیاں شاخ نال تعلق رکھدی اے ۔اس گروپ دیاں تھلویاں بولیاں نال اسدے خاص تعلق نیں:

• گلیشی بولی ، فالا بولی تے ریورنسے پورتونہال بولی ، پرتگالی بولی دیاں سبتوں نیڑلیاں رشتےدار بولیاں نیں ۔
• میراندی بولی ، لیونی بولی ،استوری بولی ،ایکستریمادوری بولی تے کانتابری بولی (استور لیونی بولیاں) ۔میراندی بولی اکو کلی بولی اے جسنوں پرتگال چ پرتگالی دے نال مقامی تسلیم شدہ بولی اے
• ہسپانوی (سپینی بولی) تے کالو بولی پرتگیزی نال ملدیاں نیں ۔

پرتگالی دوجیاں رومانی بولیاں ،فرانسیسی تے اطالوی نال بولن سمجھن چ اوکھی اے ، حالانکہ اینہان بولیاں چ گرائمر تے ووکیلبلری کافی ملدی جلدی اے ۔

پرتگالی تے گلیشی بولی بولن آلے اک دوجے نال سوکھیائی نال بول تے سمجھ سکدے نیں ۔ ہسپانوی بولن آلے پرتگالی نوں کجھ حد تک ای سمجھ تے بول سکدے نیں بھانویں اینہاں دونہاں وچکار 89% گرائمر تے بناوٹ اک جیسی اے ۔

ہور ویکھو

• پرتگال
• برازیل
• پرتگیزی

Lua error in package.lua at line 80: module 'Module:Portal/images/c' not found.

حوالے

باہرلے جوڑ

Find more about پرتگالی at Wikipedia's sister projects
	Definitions from Wiktionary
	Media from Commons
	Textbooks from Wikibooks
	Travel guide from Wikivoyage
	Learning resources from Wikiversity
	Data from Wikidata

• پرتگالی at DMOZ