بیل ګیټ

بیل ګیټس د ۱۹۵۵ ز کال د اکتوبر په ۲۸ نیټه د واشنګټن په سیټل ښار کې زیږیدلی دی. هغه د‌ ويليم ايچ ګيټس  (۱۹۲۵ ز کال-۲۰۲۰ ز کال) او ماری مکسويل ګيټس (۱۹۲۹ ز کال-۱۹۹۴ ز کال) زوی دی. ګيټس په ​​نسب انګلیسی، المانی او آیرش/سکاټ-آیرلینډی دی. د هغه پلار یو مشهور وکیل و، او مور یې د فرسټ انټرسټیټ بنک سیسټم او د متحده ایالاتو د مديره پلاوي برخه کې دنده ترسره کوله. د ګېټس نيکه جې ډبليو مکسوېل د یو ملي بانک مشر و. ګیټس یوه مشره خور کریسټي (کرستیان) او کوچنۍ خور لیبي لري. د هغه نوم په کورنۍ کې څلورم دی، مګر د "ټري" (یعنې درې) يا د دریم ويليم ګيټس په نوم پیژندل کیږي. ځکه چی پلار یې د دوهم ګيټس لقب لري. کله چی ګيټس اوه کلن وه نو دا کورنۍ د سیټل په سانډ پوينټ سیمه کې په یوه کور کې اوسېده،  چې د نادر طوفان له امله زیانمن شوی و.^{[۴۹][۵۰][۵۱][۵۲][۵۳][۵۴]}

ګيټس د ژوند په پیل کې ولیدل چې مور او پلار یې غواړي چې هغه د حقوق (قانون) مسلک تعقیب کړي. کله چې هغه ځوان و، د هغه کورنۍ په منظمه توګه د کانګریګیشنل مسیحي کلیساګانو په کلیسا کې ګډون کاوه، چې د پروټیسټنټ اصلاح شوی مذهب دی. ګیټس د خپل عمر په پرتله کوچنۍ و، او د ماشوم په توګه ځورول شوی و. کورنۍ یې سیالۍ  وهڅوله؛ یو لیدونکي راپور ورکړ چې "دا مهمه نه ده چې دا د زړه جرات، سخته توپ وهنه یا لامبو وهل وي؛ د ګټلو لپاره تل انعام و۔۔۔ او د بایللو لپاره تل جريمه شتون درلوده".^{[۵۵][۵۶][۵۷][۵۸][۵۹][۶۰]}

هغه په ۱۳ کلنۍ کې، په خصوصي لیکسایډ پریپ ښوونځي کې شامل شو، چیرته چې ګيټس خپل لومړۍ سافټویر پروګرام ولیکه. کله چې هغه په ​​اتم ټولګي کې و، په ښوونځي کې د مېندو انجمن  د لیکسایډ د ښوونځي له خرڅولو څخه د زده کونکو لپاره د ټيلي ټايپ ۳۳ ماډل ( ای سي ار) ترمينل او د کمپيوټر وخت بلاک یې  په عمومی بریښنایی کمپيوټر کی واخيست. ګيټس د عمومي برېښنايي سیستم برنامه کولو سره علاقه وښوده. هغه د ریاضي له ټولګیو څخه د خپلې علاقې د تعقیب کولو لپاره معاف شو. ګيټس خپل لومړۍ کمپیوټري  پروګرام هم په دې ماشین کې ولیکه، د ټیک-ټیک-ټو پلي کول چې کاروونکو ته اجازه ورکوي چې د کمپیوټر په وړاندې لوبې وکړي. ګیټس ماشین ته او دا چي دا ماشين تل څنګه  د سافټ ویر کوډ په سمه توګه اجرا کوي حيران پاتی کیده. وروسته له هغه چې د مور انجمن بسپنه (پيسې) پای ته ورسیدي, ۔۔ ګیټس او نورو زده کونکو خپل وخت په کوچنيو کمپيوټرونو کي د (ډي يي س) او (پي ډي پي) سيسټمونو کي پلټني ته ورکړی و. د دې سیستومونو له جملې څخه یو هم (پي ډي پي ۱۰) و، چی د کمپيوټر مرکز شرکت پورې اړه لري.  چی ګيټس، پاول الين، ريک ويلنډ او د ګيټس تر ټولو ښه ملګری او د سوداګرې شريک کنت ايوانس وروسته له هغه منع کړل چی دوی د عامل په سیستم کې د پروګرام نويسي له غلطيو څخه ګته پورته کوله تر څو د کمپيوټر وړيا وخت ترلاسه کړي.^{[۶۱][۶۲][۶۳][۶۲][۶۴][۶۵]}

څلورو زده کونکو د پیسو د ګټلو په موخه د لیکسایډ پروګرامرز کلب جوړ کړ. د بنديز په پای کې، دوی په  کی د اضافي کمپيوټر وخت په بدل کی د پروګرام نويسي غلطي  د پيدا کولو وړانديز وکړ. ګيټس د دې پرځای چې د تيلي ټايپ له لارې له لرې سیسټم څخه کار واخلي، د کمپيوټر مرکز شرکت دفترونو ته لاړ او د سرچينی کوډ یې د مختلفو برنامو لپاره چې په سیسیتم کی روان و لکه: فورترن, لسپ او د ماشین ژبه۔۔مطالعه کړ. کله چې شرکت له سوداګرۍ څخه بهر شو۔۔ نو له کمپيوټر مرکز شرکت سره يې توافق تر ۱۹۷۰ز  کال پوری دوام وموند.

راتلونکی کال، د لیکسایډ ښوونکي ګیټس او ایوانس د کمپيوټر وخت او نورو امتيازاتو چمتو کولو په بدل کې د ښوونځي د ټولګي مهالویش سیسټم د اتومات کولو لپاره نوم ليکنه وکړه. دوی په ډیرې لیوالتیا سره کار وکړ، ترڅو برنامه د راتلونکي (څلورم) کال لپاره چمتو کړي. د دوی د دريم کال په پای کې، ایوانس د غره د ختلو په پیښه کې ووژل شو، کومه ورځ چې ګیټس د هغه د ژوند ترټولو غمجنې ورځې په توګه بیان کړې. ګیټس بیا الين ته مخه کړه تر څو د لیکسایډ لپاره د سیسټم په پای ته رسيدو کې ورسره مرسته وکړي. ^[۶۶]

ګيټس په ۱۷ کلنۍ کې له الين سره یو ځای د ټراف-فو-ديتا په نوم یوه اختراع  وکړه،  تر څو د ۸۰۰۸ انټل  پروسسر په اساس د تګ او راتګ شميرونکي (ترافيک کونټر) جوړ کړي. ګيټس  په ۱۹۷۲ کال کې، د استازو په مجلس کې د کانګرس د کارمند په توګه دنده ترسره کوله. کله چې هغه په ​​۱۹۷۳ ز کال کې د لیکسایډ ښوونځي څخه فارغ شو, يو ملي او قدرمن ساينس پو و. ګيټس د علمي استعداد په ازموينه کې له ۱۶۰۰ نمرو څخه یې ۱۵۹۰ نمرې تر لاسه کړې. او په ۱۹۷۳ ز کال د مني په موسم کې د‌ هاردورد په کالج کې یې ثبت نام وکړ. هغه د قانون څخه مخکې مسايلو تخصص  غوره کړ، خو د ریاضیاتو او د کمپیوټر ساینس د فراغت کورسونه یې ونيول. ګيټس په هارورډ کې، خپل ملګری سره سټيف بالمر چی زده کوونکی وه وکتل.  ګیټس دوه کاله وروسته هارورډ پریښود، خو  بالمر پاتې شو او په عالي درجه فارغ شو. کلونه وروسته، بالمر د مایکروسافټ د اجرائيوي رئیس په توګه د ګیټس ځای ناستی شو او له ۲۰۰۰ ز کال څخه تر ۲۰۱۴ ز کال پورې د هغه استعفا تر وخته یې دا موقف ساتلی و.^{[۶۷][۶۸][۶۹][۷۰][۷۱][۷۲][۷۳][۷۴][۷۵][۷۱]}

ګیټس د پینکیک  تنظيم لپاره یو الګوریتم رامنځته کړ، چې د پروفيسور هري ليويس له خوا د رياضياتو ترکيبي ټولګی کې د یو لړ ناحل شوي ستونزو د حل په توګه وړاندې شوی و. او د هغه حل د ۳۰ کلونو لپاره ترټولو ګړندۍ نسخې په توګه ریکارډ درلود، او د هغې ځای ناستی یوازې ۲٪ ګړندی دی. د ګيټس حل رسمي شوی دی. او د هاردوارد کمپيوټر ساينس پوه کرستوس پاپاديميتريو په همکاری سره خپور شوی دی.^{[۷۶][۷۷][۷۸][۷۹]}

ګیټس د پاول الين سره په اړيکه کې پاتې شو، د ۱۹۷۴ ز کال په دوبي کې په هاني ويل کې سره يو ځای شول. په ۱۹۷۵ ز کال کی د ۸۸۰۰ مټس نجم د ۸۰۸۰ انټل پر بنسپ خپور شو. ګيټس او الين دا فرصت وموند چی د خپل کمپيوټر سافټ وير شرکت پيل کړي. ګيټس په همدې کال له هارورد څخه بهر شو. کله چې د ګيټس مور او پلار وليدل چی څومره دی غواړي تر څو خپل شرکت پيل کړي نو د ده ملاتړ يې وکړ. هغه د هارورد د پرېښودو پریکړه داسی  څرګنده کړه: "که هر څه سم مخ ته نه تلۍ، زه به تل بیرته ښوونځي ته تللې وم. خو زه په رسمي توګه رخصت وم." ^{[۸۰][۸۱][۸۲][۸۳]}