فاکس نیوز

د ۱۹۸۵ زکال په مۍ میاشت کې اسټرالیايي خپرندوی روپرت مرداک اعلان وکړ چې له امریکايي صنعتګر او بشرپالونکي ماروین ډیویس سره یوځای هوډ لري «د بازاریابۍ د څلورمې قوې په توګه یوه خپلواکه شبکه» رامنځته کړي چې وکولای شي په مستقیمه توګه له سي بي اس (CBS)، ان بي سي (NBC) او اې بي سي (ABC) تلویزیونو سره سیالي وکړي او د دغه چارې لپاره به د میټرومېډیا (Metromedia) شپږ تلویزیوني سټېشنونه وپېري. د ۱۹۸۵ زکال د جولای په میاشت کې د ۲۰مې پېړۍ فاکس (20th Century Fox) اعلان وکړ چې مرداک د فاکس فلم کارپورېشن د مخکښ شرکت فاکس فلم اینټرټینمېنټ (Fox Filmed Entertainment) ۵۰٪ اسهام پېرلي. ^[۳۵][۳۶]

وړاندې له دې چې فاکس نیوز تاسیس شي مرداک د ۲۴ ساعته خبرونو د خپرولو په برخه کې کافي تجربه خپله کړې وه ځکه چې د ۱۹۸۹ زکال پر مهال یې په بریتیا کې د سکای نیوز په نامه د اروپا لومړنی ۲۴ ساعته خبری چینل جوړ کړ. مرداک د هغو تجربو پر مټ چې له سکای نیوز او د ۲۰مې پېړۍ د فاکس په نامه شرکت د نشراتي ډولونو د بدلون له امله یې ترلاسه کړې وې، په متحده ایالاتو کې یې د یوې تلویزیوني شبکې په توګه د فاکس د تاسیس کولو په موخه د هڅو په بریالي کېدو د ۱۹۹۶ زکال د جنوري په ۳۰مه نېټه اعلان وکړ چې نیوز کورپ به په متحده ایالاتو کې د کېبل او سټلایټ پر مټ د فاکس پروګرامېنګ لپاره د نیوز کورپ د «نړیوال پلټفارم» د برخې په توګه ۲۴ ساعته خبري چینل پیل کړي.^{[۳۷][۳۸][۳۹][۴۰]}

وروسته له هغه چې د ۱۹۹۶ زکال په فبروری میاشت کې د متحده ایالاتو د جمهوري غوښتونکي ګوند پخواني سیاسي ستراتیژي جوړونکي او د ان بي سي تلویزیون اجرایوي مدیر راجر ایلز د امریکا ټاکېنګ (America's Talking؛ اوس مهال MSNBC) په نامه کیبلي تلویزیوني چینل پرېښود، مرداک له هغه وغوښتل څو فاکس نیوز خبري چینل پیل کړي. ایلز وړاندیز وکړ، وړاندې له دې چې د ۱۹۹۶ زکال د اکتوبر په ۷مه دغه نوی چینل خپلې اصلي خپرونې پیل کړي د ۵ میاشتو لپاره به د ورځې ۱۴ ساعته ازمایښتي خپرونې وړاندې کړي. ^[۴۱]

۱۷ میلیونه کورنیو وشو کولای د دغه تلویزیون لومړنۍ خپرونې وګوري، خو له دې سره هم په نیویارک او لاس انجلس کې د متحده ایالاتو په لوی رسنیز بازار کې دغه چینل غایب و. د ورځې پر مهال په خبري پوښښ کې یې ۲۰ دقیقه یي یو موضوعي خپرونو لکه جرایمو او سیاست ته اړوندو خپرونو (Fox on Crime؛ Fox on Politics) چې خبري عناوین یې لرل شتون درلود. د مرکې مهم ټکي او د میلمه اړوند معلومات به د صفحې په لاندې کې لیکل کېدل. ^[۴۲]

د لا زیاتو لیدونکو د موندنې په موخه فاکس نیوز کیبلي شرکتونو ته د هر لیدونکی پر سر تر ۱۱ ډالرو ورکول. دغه چاره د معمولې کړنلارې پرخلاف وه ځکه چې کیبلي شرکتونو به تلویزیوني چینلونو ته د هغو له نشراتو څخه د ګټنې فیس ورکاوه. هغه مهال چې ټایم وارنر، ټېډ ټرنر ته اړوند د ټرنر خپرندویه سیسټم وپېره، د انحصار ضد یو فدرال حکم ټایمر وارنر مکلف وباله چې د خپل سي ان ان چینل سربېره باید یو بل خبري چینل هم په خپل کېبلي سیسټم کې اضافه کړي. ټایم وارنر د فاکس نیوز پر ځای د ام اس ان بی سي (MSNBC) خبري چینل په خپل کیبلي سیسټم کې اضافه کړ. فاکس نیوز ادعا وکړه چې دغه چاره د فاکس نیوز د خپرولو اړوند هوکړه نقض کوي. نیوز کارپورېشن پر خپلې هوکړې باندې په استناد هڅه وکړه چې خپل مرکزي دفتر په متحده ایالاتو او خپلې لویې سټوډیو ګانې په نیویارک ښار کې وساتي، یاد شرکت د ښاروال روډولف جولیاني د ادارې پر مټ په ټایم وارنر کیبلي شرکت (په ښار کې د دوه کیبلي شرکتونو څخه یو و) فشار راووړ چې فاکس نیوز په خپلو کیبلي نشراتو کې ورګډ کړي. چارواکو ګواښ وکړ چې که داسې ونکړي د ټایم وارنر پر ضد به یو لړ اغېزمن ګامونه اوچت کړي. ^{[۴۳][۴۴][۴۵]}

د ۲۰۱۱ زکال د سپټمبر د ۱۱مې نېټې د بریدونو پر مهال، فاکس نیوز لومړنی خبری چینل و چې د خپلې صفحې په پای کې یې د تازه معلوماتو په موخه یوه کرښه زیاته کړه. دغه کرښه پاتې شوه او لیدونکو ته یې هغه اضافي معلومات وړاندې کول چې د خبریالانو له خوا به نه تکرار کېدل او همدارنګه به یې د ورځې نور مهم خبرونه هم په کې لیکل؛ چې په دې سره یې د لیدونکو ترمنځ خپل محبوبیت زیات کړ. د ۲۰۰۲ زکال په جنوري میاشت کې فاکس نیوز د لومړي ځل لپاره د خبر رسونې په برخه کې له سي ان ان څخه مخکښ وګڼل شو. ^[۴۶][۴۷]

فاکس نیوز د جمهوري غوښتونکي ګوند، د جورج ډبلیو بوش او ډونالډ ټرمپ د ادارو او همدارنګه د محافظه کارو اهدافو په ګټه د ګوندي راپورونو د خپرونکي په توګه توصیف شوی دی، په داسې حال کې چې دیموکرات ګوند منفي انځوروي. منتقدین یې استدلال کوي چې دغه خبري چینل په ټولیزه بڼه د خبرونو سموالي ته زیان اړوي. فاکس نیوز په خپلو خبرونو کې پلویتوب رد کوي او رسمي دریځ یې دا دی چې له ژورنالېزم څخه د خپل لیدلوري له مخې په خپلواکه بڼه راپورونه خپاره کړي. د دغه چینل څښتن روپرټ مرداک اعتراف کړی چې د فاکس چلوونکو د ټاکنو اړوند د محافظه کارانه توطئو له نظریاتو څخه ګټنه کړې. ^{[۴۸][۴۹][۵۰][۵۱][۵۲][۵۳]}

په ۲۰۰۴ زکال کې د اوټ فاکسډ (Outfoxed) په نامه یو مستند کې څلور تنه د فاکس نیوز د پخوانیو خبریالانو په توګه معرفي شول او څرګنده یې کړه چې فاکس نیوز هغوی اړ کړي و چې «د محافظه کارانو په ګټه خبرونه جوړ کړي». فاکس نیوز بیا څرګنده کړه چې په دغه مستند کې د دغو کارکوونکو استخدام په ناسمه توګه بیان شوی. ^[۵۴][۵۵]