Газпром
ОАО «Газпро́м» — Арассыыйа гааһы уонна ниэби разведкатынан, хостооһунунан, транспортировкатынан, переработкатынан, батарыынан дьарыктанар энергия хампаанньата, ону тэҥэ сылааһы уонна энергияны оҥорор уонна батарар. Россия ордук бөдөҥ хампаанньата, [1], аан дойду гаас хампаанньаларыттан саамай улаханнара, саамай уһун гаһы транспордыыр системанынан бас билэр. [2]. Аан дойдуга отрасль лидера [3]. Форбс испиэһэгэр, Газпром аан дойду хампаанньаларыттан харчы эргиэнинэн 17 миэстэни тутар[4] уонна 2011 сыл түмүгүнэн ордук улахан барыстаах хампаанньа буолбута.[5].
Көрүҥэ | аһаҕас акционернай хампаанньа |
---|---|
Тэриллибитэ | 1989 |
Штаб-квартира | Арассыыйа: Москва |
Тутаах дьоно | Миллер Алексей (правление бэрэсэдээтэлэ) Зубков Виктор (директордар сэбиэттэрин бэрэсэдээтэлэ) |
Индустрията | Ниэп уонна гааһы хостооһун, транспорт уонна батарыы |
Барыhа | ▲ 4,764 трлн солкуобай. (2012 год, МСФО) |
Үлэhиттэрэ | ▲ 404,4 тыһ. (2012 сыл) |
Толору аата — «Газпром» аһаҕас акциялаах уопсыстыба. Төбө офиһа Москва куоракка баар.
Салалта
Директордар сэбиэттэригэр маннык дьон киирэр: [6]:
- Зубков Виктор Алексеевич — Арассыыйа правительствотын бэрэсэдээтэлин бастакы солбуйааччыта, дириэктэрдэр сэбиэттэрин бэрэсэдээтэлэ
- Миллер Алексей Борисович — дириэктэрдэр сэбиэттэрин бэрэсэдээтэлин солбуйааччыта
- Андрей Игоревич Акимов
- Газизуллин Фарит Рафикович
- Карпель Елена Евгеньевна
- Кулибаев Тимур Аскарович
- Маркелов Виталий Анатольевич
- Мау Владимир Александрович
- Мусин Валерий Абрамович
- Середа Михаил Леонидович
- Юсуфов Игорь Ханукович
Үлэтэ
Саппаастара
DeGolyer & MacNaughton суоттааһынын түмүгүнэн 2005 сыл бүтүүтүгэр дакаастаммыт гаас саппааһа 20,7 трлн м³, гаас конденсаата — 690,5 млн т, ниэп)— 299,5 млн т. баар этэ. 2011 сылга «Газпром» хампаанньата аан дойду гаас саппааһыныттан 18,3 % тутан олороро. 2007 сыллаххха 16.5% этэ. [7] 2011 сыл түмүгүнэн гаас разведка үлэлэрин түмүгүнэн 720 млрд кубометр улааппыта.[8]
Хостооһун
2011 сыллаахха «Газпром» 513 млрд кубометр гааһы хостообут, онтон 2010 сыллаахха — 508,6 млрд м3, 2009 сыллаахха — 461,5 млрд м3, 2008 сыллаахха — 549,7 млрд м3. Гаас конденсаатын хостооһун 2010 сыллаахха 11,3 млн т эбит, 2009 сыллаахха — 10,1 млн т, 2008 сыллаахха — 10,9 млн т[9][10].
Транспорт инфраструктурата
«Газпром» Россия биир курдук гаас хааччыйар систематын тутан олорор, онно: 156,9 тыһ км магистрал газопровод уонна отвод, 6,1 тыһ км конденсатопродуктопроводтар, 268 компрессорнай станциялар, 24 сир анныгар гааһы харайар объектар уонна 6 гааһы уонна гаас конденсаатын кубулутар комплекстар бааллар.[11].