Kim Hee-sun

Kim Hee-sun (gumelar di Daegu, Koréa Kidul, 25 Pébruari 1977; umur 47 taun) nyaéta saurang aktris Koréa Kidul anu geus lila akting dina sérial drama sarta sejumlahing pilem.^[1][2] Hee mangrupa mahasiswa lulusan Universitas Chung-Ang.^[2] Hee-sun mangrupa istri ti Park Ju-young anu geus boga saurang anak awéwé.^[1] Kiwari Hee-sun dumuk di Seoul sarta kasohor minangka saurang modél jeung présénter.^[2] Hee-sun mimiti bijil di tipi nalika umurna sabelas taun kénéh.^[1] Hee-sun ngamimitian karirna di dunya perpileman taun 1997 dina pilem nu judulna Repechage bareng jeung Jang Dong-gun minangka lawan maénna.^[1] Sanggeus suksés dina pilem munggaranna, sutradara Lee Kwang-hoon kataji sarta ngajak pikeun maén dina hiji pilem taun 1999 nu judulna Ghost in Love.^[1] Akting panghadéna Kim Hee-sun nyaéta dina hiji pilem nu digarap di Tiongkok judulna Bichunmoo sarta dipedal dina usum halodo taun 2000.^[1] Alatan pilem éta Hee-sun jadi aktris kasohor di nagara séjén, kayaning Tiongkok, Hong Kong, Taiwan, sarta sakuliah Asia Tenggara.^[1]