Serat Kanayagan
Serat kanayagan nyaéta sistim nuliskeun karawitan, boh sekar, boh gending, dina paélmuan musik umum disebut notasi.[1] Anapon serat kanayagan dipikawanoh ogé minangka titi laras.[1] Serat ngandung harti tulisan, dina hal ieu tulisan seni swara, mangrupa titi laras sagemblengna.[2] Kanayagan, jangkar kecapna nayaga ngandung harti nabeuh/ ngagending.[2] Parabot ngagending disebutna waditra.[2]
Fungsi Serat Kanayagan
- Dokuméntasi dina wangun tinulis boh lagu boh gending;[1]
- Sangkan leuwih gampang dina prosés diajar-ngajar karawitan;[1]
- Sangkan gampang dina prosés nyiptakeun atawa nyusun karya karawitan;[1]
- Mangrupa obyék panalungtikan anu aya hubunganana jeung karya karawitan, bohkarya-karya jaman baheula, boh karya-karya kiwari.[1]
Purwaswara jeung Murdaswara
purwa swara ngandung harti asal swara atawa anu mibanda sora asal/ mimiti, maksudna sora jelema.[2] Murdaswara teu mibanda sora, ukur mangrupa lambang swara anu bisa pindah-pindah.[2] Purwaswara ditulis ku aksara Latén kapital, sedengkeun murdaswara ditulis ku angka ti angka 1 tepi ka 5.[2]
Serat Kanayagan Da-Mi-Na-Ti-La
Serat Kanayagan da-mi-na-ti-la diciptakeun ku R. Mahyar Angga Kusumadinata dina taun 1924.[1] Da-mi-na-ti-la téh wancahan tina “Ada minangka pranataning laras” nu hartina gunakeun ieu saméméh aya nu anyar.[1]Lambang nada serat kanayagan da-mi-na-ti-la nyaéta
| Angka | Dibaca | Surupan | ||||
|---|---|---|---|---|---|---|
| Saléndro 1=Tugu | Wisaya, Madenda 1=Tugu | Degung 1=Tugu | Madenda 1=Galimer | Mandalungan, Degung 1=Galimer | ||
| 1 | Da | G | G | G | C | C |
| 2 | Mi | E+ | F# | F# | B | B |
| 3- | Ni | - | (E) | (E) | (A) | (A) |
| 3 | Na | D | D | D | G | G |
| 4 | Ti | C | C# | C | F# | F |
| 5 | La | A+ | B | B | E | E |
| 5+ | Leu | - | (A) | (A) | (D) | (D) |
Nada-nada seselan aya dina laras pélog/degung jeung sorog/madenda.[1] Aya deui lambang nada pikeun nuduhkeun nada poko, dicokot tina istilah buhun (heubeul)[1]:
| Ngaran Nada | Diwancah | Pelog surupan 56 dina notasi kulon | Saléndro surupan 56 dina notasi kulon |
|---|---|---|---|
| Barang/Tugu | T[1] | G | G |
| Kenong/Loloran | L[1] | F# | ≈E |
| Panelu | P[1] | D | D |
| Bem/Galimer | G[1] | C | C |
| Singgul | S[1] | B | ≈A |
Lian ti lambang nada, aya tanda titik (.), tanda enol (0), garis nada, garis matra, tanda rajék (ulang), jeung tanda ligatura.[1]
Catetan
 | Artikel ieu mangrupa taratas, perlu disampurnakeun. Upami sadérék uninga langkung paos perkawis ieu, dihaturan kanggo ngalengkepan. |
_2020.svg){kind=link}
