The Hooters
The Hooters – amerykańsko skupina rokowo ze Filadelfiji, fungujůnco we lotach 1980-1995, reaktywowano we 2001. Znůmo ze szlagrůw takich kej "All You Zombies", "Johnny B", "And We Danced", "500 Miles" i "Satellite".
| The Hooters | |
 The Hooters we 2007 | |
| Data zołożyńo | 1980 |
| Pochodzyńe |  USA (Los Angeles) |
| Gatůnek muzyczny | rock, folk rock |
| Skłod | |
| Terozki skłod | Eric Bazilian Rob Hyman David Uosikkinen John Lilley Fran Smith Jr. |
| Dowńij grali tyż | Bobby Woods John Kuzma Rob Miller Andy King Mindy Jostyn |
 Galeryjo zdjyńć a grafik | |
 Neczajta | |
_jm76663.jpg)
Pora rokůw ze anfanga fůnkcjůnowańo skupiny uograniczoły śe do wystympůw we klubach a radyjowych sztacyjach. We 1983 The Hooters wydali swůj pjyrszy albům Amore, ze uoryginalnům wersyjům "All You Zombies", kery przedoł śe we ůng. 100 000 ygzymplorzy. Skupina spůłpracowoła ńyskorzi ze Cyndi Lauper przi nagrańu singla "Time After Time".
Drugo halba lot 80. to uokres nojwjynkszych sukcesůw skupiny sztartńynty platynowym sztatusym jeich drugij platy Nervous Night. We 1995 The Hooters zawjeśili swoja dźołalność na nastympne szyść lot. We 2001 doszło do reaktywacyji skupiny. 21 listopada tygo samygo roku skupina zagroła jedyn kůncyrt we Filadelfiji na 20-leće lokalnego radyja WMMR ze Pynsylwańiji. We 2003 uodbyła liczůnco 17 wystympůw trasa kůncyrtowo na teryńe Mjymcůw, ńyskorzi we 2004 i 2005 nastympne dwje trasy po Mjymcach, Szwajcaryji a Szwecyji. We czyrwcu 2006 uodbyło śe pjyrsze po reaktywacyji tournée sskupinyy we Zjednoczůnych Sztatach.
We drugij halbje 2006 skupina sztartła nagrywać nowy materjoł, pjyrszy uod wydańo we 1993 platy Out of Body. Nowy albům, Time Stand Still, ukozoł śe 14 wrześńa 2007.
Skłod
Teroźni skłod skupiny
- Eric Bazilian – wokal, gitary, harmonijka, saksofůn, mandolina (uod 1980 do 1995 i uod 2001)
- Rob Hyman – śpjyw, klawjyry, cyjo (uod 1980 do 1995 i uod 2001)
- David Uosikkinen – perkusyjo (od 1980 do 1995 i od 2001)
- John Lilley – gitara, mandolina, klawjyry, śpjyw (uod 1980 do 1995 i uod 2001)
- Fran Smith, Jr. – basgitara, śpjyw (od 1980 do 1995 i od 2001)
Downe człůnki skupiny
- Bobby Woods – basgitara (uod 1980 do 1983)
- John Kuzma – gitara (uod 1980 do 1983)
- Andy King – basgitara (uod 1984 do 1987)
- Rob Miller – basgitara (uod 1983 do 1984)
- Mindy Jostyn – krzipce, harmonijka (uod 1992 do 1994)
Dyskografijo
Albůmy
| Rok | Titel | US Chart za rajům | RIAA Certyfikacyjo |
|---|---|---|---|
| Sztudyjne albůmy | |||
| 1983 | Amore | — | — |
| 1985 | Nervous Night | 12 | 2 x Multi-Platinum |
| 1987 | One Way Home | 27 | Gold |
| 1989 | Zig Zag | 115 | — |
| 1993 | Out of Body | — | — |
| 2007 | Time Stand Still | — | — |
| Kůncertowe albůmy | |||
| 1994 | The Hooters Live | — | — |
| 2008 | Both Sides Live | — | — |
| Kuplůngi | |||
| 1996 | Hooterization: A Retrospective | — | — |
Single
| Rok | Śpjywka | Billboard Hot 100 | Mainstream Rock Tracks | UK Singles Chart | Album |
|---|---|---|---|---|---|
| 1985 | "And We Danced" | 21 | 3 | — | Nervous Night |
| 1985 | "All You Zombies" | 58 | 11 | — | Nervous Night |
| 1986 | "Where Do the Children Go" | 38 | 34 | — | Nervous Night |
| 1986 | "Day by Day" | 18 | 3 | — | Nervous Night |
| 1987 | "Satellite" | 61 | 13 | 22 | One Way Home |
| 1987 | "Johnny B" | 61 | 3 | — | One Way Home |
| 1988 | "Karla with a K" | — | — | — | One Way Home |
| 1989 | "500 Miles" | 97 | 20 | — | Zig Zag |
| 1990 | "Brother, Don't You Walk Away" | — | 37 | — | Zig Zag |
Filmografijo
- 1986: Nervous Night
- 2004: The Ultimate Clip Collection
