டைதயோனிக் அமிலம்

டைதயோனிக் அமிலம் இரட்டைப் புரோட்டான் வழங்கியாகும். இதனால் உருவாகும் உப்புகள் டைதயோனேட்டுகள் எனப்படுகின்றன. ஒரு புரோட்டான் இழந்து உருவாகும் அமில உப்புகள் ஏதும் அறியப்படவில்லை. டைதயோனேட்டு உப்புகள் அனைத்தும் நீரில் நன்கு கரைகின்றன ^[2]. இவ்வகை உப்புகள் மிதமான ஆக்சிசனேற்றிகளாகவும் மிதமான ஒடுக்கிகளாகவும் செயல்படுகின்றன. டைதயோனேட்டு அயனி ஈத்தேன் போன்ற வடிவத்தைக் கொண்டுள்ளது. ஆனால் இரண்டு SO3 குழுக்கள் கிட்டத்தட்ட மற்றைக்கப்பட்ட இணக்கத்தையே ஏற்றுள்ளன. S—S பிணைப்புகள் 2.15 Å நீளம் கொண்டுள்ளன. S—O பிணைப்புகள் 1.43 Å.நீளத்துடன் குறைவான நீளம் கொண்டுள்ளன.

ஒரு சல்பைட்டை ஆக்சிசனேற்றம் செய்வதன் மூலமாக டைதயோனேட்டு தயாரிக்கப்படுகிறது. (அதாவது +4 என்ற ஆக்சிசனேற்ற நிலையிலிருந்து அவை +5 ஆக்சிசனேற்ற நிலைக்கு மாறுகின்றன) ஆனால் கந்தக டை ஆக்சைடின் குளிர்ந்த நீர்த்த கரைசலை மாங்கனீசு டை ஆக்சைடுடன் சேர்த்து ஆக்சிசனேற்றம் செய்து பேரளவில் டைதயோனேட்டு தயாரிக்கப்படுகிறது.

2MnO₂ + 3SO₂ → MnS₂O₆ + MnSO₄

உருவாகும் மாங்கனீசு டைதயோனேட்டு கரைசல் பின்னர் இரட்டை இடப்பெயர்ச்சி வினை மூலம் டைதயோனேட்டு உப்புகளாக மாற்றப்படுகின்றன.

Ba²⁺(aq) + MnS₂O₆(aq) + MnSO₄(aq) → BaSO₄(s)↓ + BaS₂O₆•2H₂O(aq)

பேரியம் டைதயோனேட்டு கரைசலுடன் கந்தக அமிலத்தைச் சேர்த்து சூடுபடுத்துவதால் அடர்த்தியான டைதயோனிக் அமிலக் கரைசல் கிடைக்கிறது:

BaS₂O₆(aq) + H₂SO₄(aq) → H₂S₂O₆(aq) + BaSO₄(s)↓