Астрахан
ÁСТРАХАН (Аштархон), шаҳр, маркази вилояти Астрахани Федератсияи Русия. Дар Пастии назди Каспий, дар қисми болои резишгоҳи дарёи Волга ба Баҳри Каспий воқеъ аст. Бандари асосии дарёӣ ва баҳрии ҳавзаи Волгаву Каспий. Аҳолиаш 520700 нафар (2010). Қисми асосии шаҳр дар соҳили чапи дарёи Волга ҷойгир аст. Шабакаи роҳи оҳан ва роҳҳои автомобилгард, аэропорти байналмилалӣ дорад.
| Маҳалли аҳолинишин | |
| русӣ: Астрахань | |
 | |
| Кишвар |  [[|]] |
| Роҳбар | Oleg Polumordvinov[d] |
| Таърих ва ҷуғрофиё | |
| Таъсис | 1558 |
| Масоҳат |
|
| Баландии марказ | −25 м |
| Минтақаи замонӣ | UTC+4, UTC+03:00, MSD[d][1] ва SAMT[d][1] |
| Аҳолӣ | |
| Аҳолӣ | |
| Шиносаҳои ададӣ | |
| Пешшумораи телефон | 8512 (851) |
| Нишонаи почта | 414000–414999 |
| astrgorod.ru(рус.) | |
 Парвандаҳо дар Викианбор | |
Таърих
Аввалин бор дар мадракҳои хаттӣ дар садаи XIII бо номи Аштархон ва Ҳоҷӣ Тархон қайд шудааст. Аз шаҳрҳои маъруфи Ӯрдаи Тилоӣ буда, соли 1395 ба дасти Темур хароб гардид. Солҳои 1460–1556 (то ба ҳайати Давлати Рус ворид шуданаш) пойтахти Хонигарии Аштархониён буд. Соли 1580 дар он Кремл сохтанд, соли 1630 атрофаш бо девори сангӣ қалъабандӣ шуда, он Шаҳри Сафед ном гирифт. Асрҳои 16–17 қалъаи бузурги сарҳадди ҷанубии Давлати Рус, қароргоҳи флоти ҳарбии он, аз соли 1802 маркази губернияи Астрахан, садаҳои XVII–XIX маркази асосии тиҷорат бо Эрон, Ҳиндустон, Қафқоз ва Осиёи Миёна буд.
Иқтисодиёт
Астрахани имрӯза шаҳри калони саноатӣ ва маркази фарҳангӣ, мавзеи ҳамлу нақли бор (асосан нафту чӯб) мебошад. Дар Астрахан саноати мошинсозӣ, кимиё, киштисозӣ ва таъмири киштиҳо, коркарди филиззот, хӯрокворӣ, дастгоҳу таҷҳизотсозӣ, зироаткорӣ (махсусан «тарбузи астраханӣ» маъруф аст), инчунин моҳидорӣ ва коркарди он тараққӣ кардааст.
Илм
Дар Астрахан академияи тиббӣ, донишгоҳҳои педагогӣ ва техникӣ, консерватория, шуъбаи Академияи давлатии хоҷагии оби Волга, 4 театр, филармония, осорхона-мамнӯъгоҳи муттаҳидаи таърихию меъморӣ, нигористони мусаввараҳо фаъолият доранд. Аз осори таърихӣ Кремли Астрахан (бо калисоҳо ва бурҷҳо, маъбадҳо), бошишгоҳҳои тоҷирон, аз ҷумла, корвонсарою масҷид, урдугоҳи казакҳои Астрахан ва ғайра боқӣ мондаанд.
Эзоҳ
Адабиёт
- Асос — Боз. — Д. : СИЭМТ, 2013. — 664 с. — (Энсиклопедияи Миллии Тоҷик : [тахм. 25 ҷ.] / сармуҳаррир Н. Амиршоҳӣ ; 2011—2023, ҷ. 2). — ISBN 978-99947-33-52-4.
- Новая российская энциклопедия. Т. 2. Москва, 2005.
 | Ин мақолаи хурд дар бораи вилояти Архангелск аст. Бо густариши он ба Википедия кӯмак кунед. |