Miss Universe 2011

Lokasyon at petsa ng kompetisyon

Noong 16 Disyembre 2010, inanunsyo nina Donald Trump, noo'y-may-ari ng Miss Universe Organization, at Paula Shugart, noo'y-Pangulo ng Miss Universe Organization, magaganap ang ika-60 anibersaryo ng kompetisyon sa São Paulo, Brazil sa 12 Setyembre 2011.^[2] Nangyari ito ilang buwan matapos makipagtalakayan si Trump sa kalipunang midyang Grupo Bandeirantes de Comunicação upang idaos ang kompetisyon sa São Paulo.^[9]

Pagpili ng mga kalahok

Ang mga kalahok mula sa walumpu't-siyam na mga bansa at teritoryo ay napili upang lumahok sa kompetisyon. Anim na kandidata ang nailuklok upang kumatawan sa kanilang bansa/teritoryo matapos maging isang runner-up sa kanilang kompetisyong pambansa o napili sa isang casting process, at tatlong kandidata ang napili matapos ang pag-urong ng orihinal na kalahok.

Mga pagpalit

Iniluklok si Evalina van Putten bilang kinatawan ng Curaçao sa edisyong ito dahil sa hindi pa nakaabot sa age requirement si Miss Curaçao 2011 Monifa Jansen.^[10] Kalaunan ay lumahok si Jansen sa susunod na edisyon.^[11] Iniluklok ang first runner-up ng Nuestra Belleza El Salvador 2011 na si Mayra Aldana upang kumatawan sa kanyang bansa matapos magkaroon ng chronic respiratory illness ang orihinal na nagwagi na si Alejandra Ochoa.^[12][13] Dapat sanang lalahok sa edisyong ito si Miss Vietnam 2006 Mai Phương Thúy. Gayunpaman, siya ay bumitiw dahil sa mga personal na kadahilanan.^[14] Dahil dito, pinayagan ng Ministry of Culture ng Biyetnam ang first runner-up ng Miss Vietnam 2010 na si Vũ Thị Hoàng My upang kumatawan sa Biyetnam sa edisyong ito.^[15]

Mga pagbalik at mga pag-urong

Bumalik sa edisyong ito ang mga bansang Biyetnam, Estonya, Kapuluang Kayman, Kapuluang Turks at Caicos, Montenegro, Portugal, Santa Lucia, at Tsile. Huling sumali noong 2002 ang Portugal, noong 2006 ang Tsile, noong 2007 ang Santa Lucia, noong 2008 ang Kapuluang Turks at Caicos, at noong 2009 ang Biyetnam, Estonya, Kapuluang Kayman, at Montenegro.

Hindi sumali ang mga bansang Noruwega at Sambia sa edisyong ito.^[16] Kinoronahan si Sara Nicole Andersen ng Noruwega sampung araw bago dumating ang mga kandidata sa São Paulo. Dahil dito, hindi sumali sa edisyong ito si Andersen dahil sa kakulangan sa oras upang maghanda. Kalaunan ay sumali si Andersen sa susunod na edisyon.^[17] Hindi sumali ang Sambia matapos na mabigo ang kanilang organisasyong pambansa na magdaos ng kompetisyong pambansa o magtalaga ng kalahok.

Dapat sanang lalahok si Lisa Morgan ng Simbabwe sa edisyong ito.^[18] Gayunpaman, tinaggihan ng Miss Universe Organization ang kanyang partisipasyon at napagdesisyunang lumahok na lamang siya sa Miss International 2011 sa Chengdu, Tsina.^[19][20]

Mga pagkakalagay

Mga espesyal na parangal

Pormat ng kompetisyon

Ilang mga pagbabago sa pormat ng kompetisyon ang ipinatupad ng Miss Universe. Ang bilang ng mga semi-finalist ay itinaas sa labing-anim kumpara sa labinlima ng mga nagdaang taon. Ang mga resulta ng paunang kompetisyon at ng closed-door interview ang nagpasiya sa napiling labinlimang mga semi-finalist. Sa unang pagkakataon sa kasaysayan ng Miss Universe, isinagawa ang internet voting kung saan ang mga manonood ay maaaring bumoto para sa isa pang kandidata upang umabante sa semi-finals na siya kokompleto sa labing-anim na mga semi-finalist. Bukod pa riyan, maaaring iranggo ng mga manonood ang bawat kandidata sa kasagsagan ng kompetisyon.^[24][25]

Lumahok sa swimsuit competition ang labing-anim na semi-finalist at kalaunan ay pinili ang sampung semi-finalist. Lumahok sa evening gown competition ang sampung semi-finalist at kalaunan ay pinili ang limang pinalista. Lumahok sa question and answer round at final look ang limang pinalista.^[24]

Komite sa pagpili

Paunang kompetisyon

• BJ Coleman – Pangulo at CEO ng Coleman Entertainment Group^[26]
• Francesca Romana Diana – Italyanong taga-disenyo ng alahas^[26]
• Ana Paula Junqueira – Pangulo ng League of Women Voters at United Nations Secretary-General sa Brasil^[26]
• Scott Lazerson – Pilantropo at dating pangulo ng Larry King Foundation^[26]
• Matheus Mazzafera – Amerikanong estilista at reality TV show host^[26]
• Jimmy Nguyen – Entertainment at digital media lawyer, at blogger^[26]
• Lara Spotts – Bise-presidente ng East Coast Development para sa Bravo Network^[26]

Final telecast

• Hélio Castroneves – Brasilenyong auto racing driver^[27][28]
• Connie Chung – Amerikanong mamamahayag at brodkaster^[27][28]
• Isabeli Fontana – Brasilenyang modelo^[27][28]
• Vivica A. Fox – Amerikanang aktres at producer^[27][28]
• Adrienne Maloof-Nassif – Amerikanang negosyante at tanyag na personalidad sa telebisyon^[27][28]
• Lea Salonga – Pilipinang mang-aawit at aktres^[27][28]
• Amelia Vega – Miss Universe 2003 mula sa Republikang Dominikano^[27][28]

Walumpu't-siyam na kandidata ang kumalahok para sa titulo.^[29]

Bansa/Teritoryo	Kandidata	Edad[a]	Bayan
Albanya	Xhesika Berberi[30]	20	Tirana
Alemanya	Valeria Bystritskaia[31]	25	Karlsruhe
Anggola	Leila Lopes[32]	25	Benguela
Arhentina	Natalia Rodríguez[33]	25	Buenos Aires
Aruba	Gillain Berry[34]	24	Oranjestad
Australya	Scherri-Lee Biggs[35]	21	Perth
Bagong Silandiya	Priyani Puketapu[36]	20	Wellington
Bahamas	Anastagia Pierre[37]	22	Nassau
Belhika	Justine De Jonckheere[38]	19	Wevelgem
Beneswela	Vanessa Gonçalves[39]	25	Caracas
Biyetnam	Vũ Hoàng My[40]	20	Đồng Nai
Botswana	Larona Kgabo[41]	25	Gaborone
Bulibya	Olivia Pinheiro[42]	27	Santa Cruz
Brasil	Priscila Machado[43]	25	Canoas
Curaçao	Evalina van Putten[44]	19	Willemstad
Dinamarka	Sandra Amer[45]	21	Copenhague
Ehipto	Sara El-Khouly[46]	23	Alehandriya
Ekwador	Claudia Schiess[47]	21	Santa Cruz
El Salvador	Mayra Aldana	25	San Salvador
Eslobakya	Dagmar Kolesárová[48]	20	Revúca
Eslobenya	Ema Jagodič[49]	21	Liubliana
Estonya	Madli Vilsar[50]	20	Kuressaare
Espanya	Paula Guilló[51]	22	Elche
Estados Unidos	Alyssa Campanella[52]	21	Los Angeles
Gana	Yayra Nego[53]	26	Accra
Gran Britanya	Chloe-Beth Morgan[54]	25	Cwmbran
Gresya	Iliana Papageorgiou[55]	23	Patras
Guam	Shayna Afaisen[56]	24	Inaraian
Guwatemala	Alejandra Barillas[57]	25	Zacapa
Guyana	Kara Lord[58]	23	Georgetown
Hamayka	Shakira Martin[59]	25	Kingston
Hapon	Maria Kamiyama[60]	24	Tokyo
Hayti	Anedie Azael[61]	22	Port-au-Prince
Heorhiya	Eka Gurtskaia	25	Tbilisi
Honduras	Keylin Gómez[62]	23	Cortés
Indiya	Vasuki Sunkavalli[63]	27	Hyderabad
Indonesya	Nadine Alexandra Dewi Ames[64]	20	Jakarta
Irlanda	Aoife Hannon[65]	19	Listowel
Israel	Kim Edri[66]	19	Sderot
Italya	Elisa Torrini[67]	22	Roma
Kanada	Chelsae Durocher[68]	20	Tecumseh
Kapuluang Birheng Britaniko	Sheroma Hodge[69]	26	Tortola
Kapuluang Birhen ng Estados Unidos	Alexandrya Evans[70]	25	Saint Croix
Kapuluang Kayman	Cristin Alexander[71]	24	George Town
Kapuluang Turks at Caicos	Easher Parker[72]	19	Providenciales
Kasakistan	Valeriya Aleinikova[73]	22	Almaty
Kolombya	Catalina Robayo[74]	22	Cali
Kosobo	Afërdita Dreshaj[75]	25	Pristina
Kosta Rika	Johanna Solano[76]	20	Escazu
Kroasya	Natalija Prica[77]	22	Zagreb
Líbano	Yara Khoury Mikhael[78]	19	Beirut
Malaysia	Deborah Priya Henry[79]	26	Kuala Lumpur
Mawrisyo	Laetitia Darche[80]	20	Flic en Flac
Mehiko	Karin Ontiveros[81]	23	Amatitán
Montenegro	Nikolina Lončar[82]	18	Pljevlja
Niherya	Sophie Gemal[83]	22	Abuja
Nikaragwa	Adriana Dorn[84]	24	Managua
Olanda	Kelly Weekers[85]	22	Maastricht
Panama	Sheldry Sáez[86]	19	Chitré
Paragway	Alba Riquelme[87]	20	Asunción
Peru	Natalie Vértiz[88]	19	Lima
Pilipinas	Shamcey Supsup[89]	25	Heneral Santos
Pinlandiya	Pia Pakarinen[90]	20	Vantaa
Polonya	Rozalia Mancewicz[91]	24	Bialystok
Porto Riko	Viviana Ortiz[92]	25	Corozal
Portugal	Laura Gonçalves[93]	22	Lisboa
Pransiya	Laury Thilleman[94]	20	Brest
Republikang Dominikano	Dalia Fernández[95]	21	Santiago
Republikang Tseko	Jitka Nováčková[96]	19	České Budějovice
Rumanya	Larisa Popa[97]	24	Slatina
Rusya	Natalia Gantimurova[98]	20	Mosku
Santa Lucia	Joy-Ann Biscette[99]	25	Castries
Serbya	Anja Šaranović[100]	21	Belgrado
Singapura	Valerie Lim[101]	26	Singapura
Sri Lanka	Stephanie Siriwardhana[102]	23	Colombo
Suwesya	Ronnia Fornstedt[103]	20	Södertälje
Suwisa	Kerstin Cook[104]	22	Kriens
Tansaniya	Nelly Kamwelu[105]	19	Dar es Salaam
Taylandiya	Chanyasorn Sakornchan[106]	21	Chonburi
Timog Aprika	Bokang Montjane[107]	25	Johannesburg
Timog Korea	Jung So-ra[108]	20	Seoul
Trinidad at Tobago	Gabrielle Walcott[109]	27	Port of Spain
Tsile	Vanessa Ceruti[110]	25	Santiago
Tsina	Luo Zilin[111]	24	Shanghai
Tsipre	Andriani Karantoni[106]	18	Larnaca
Turkiya	Melisa Aslı Pamuk[112]	20	Istanbul
Ukranya	Olesya Stefanko[113]	23	Odessa
Unggarya	Betta Lipcsei[114]	23	Szarvas
Urugway	Fernanda Semino	18	Montevideo

• Opisyal na website