Miss World 1968

Ang mga kalahok mula sa limampu't-tatlong mga bansa at teritoryo ay napili upang lumahok sa kompetisyon. Dalawang kandidata ang nailuklok upang kumatawan sa kanilang mga bansa/teritoryo matapos maging runner-up sa kanilang pambansang kompetisyon, o napili sa isang casting process, at dalawang kandidata ang nailuklok matapos bumitiw ang orihinal na kalahok.

Muling pinayagan ang mga ina na sumali sa Miss World sa edisyong ito, bagay na huling pinayagan noong 1951. Dahil sa pagbabago ng patakarang ito sa Miss World, pinayagan si Miss International Bahamas 1968 Rose Helena Simms-Dauchot na lumahok sa edisyong ito bagama't ito ay kasal na at may isang anak.^[4]

Bagama't inanunsyo na ang kandidata ng Pransiya sa edisyong ito ay si Mademoiselle France 1968 Maryvonne Lachaze,^[5] siya ay biglaang pinalitan ng first runner-up ng Miss Cinemonde na si Nelly Gallerne dahil sa hindi isiniwalat na dahilan. Iniluklok ang first runner-up ng Miss Luxembourg 1968 na si Irene Siedler na lumahok sa edisyong ito matapos bumitiw sa kompetisyon ang orihinal na nagwagi na si Lucienne Micheline Krier dahil sa hindi isiniwalat na dahilan.

Lumahok sa unang pagkakataon ang bansang Taylandiya. Bumalik sa edisyong ito ang bansang Nikaragwa na huling sumali noong 1964, Kolombya at Liberya na huling sumali noong 1965, at Bahamas at Indiya na huling sumali noong 1966.

Hindi sumali sa edisyong ito ang mga bansang Czechoslovakia, Gambya, Honduras, Lupangyelo, Libano, Panama, Portugal, at Tansaniya sa edisyong ito. Hindi sumali si Jarmila Teplanová ng Czechoslovakia bunsod ng paglusob ng Unyong Sobyetiko, Polonya, Bulgarya, at Unggarya sa Czechoslovakia noong 20 Agosto 1968.^[6][7] Hindi sumali sina Lillian Carol Heyer ng Honduras at Helga Jonsdóttir ng Lupangyelo dahil sa hindi isiniwalat na dahilan.^[8] Nadiskwalipikado si Lili Bissar ng Libano matapos matuklasan na siya ay labinlimang-taong gulang pa lamang.^[9] Bagama't hindi na kasali sa kompetisyon, pinayagan pa rin si Bissar na lumitaw sa parade of nations.^[10] Hindi pinahintuluang sumali sa Miss World si Zena Suleiman ng Pamahalaan ng Tansaniya dahil hindi ito naaangkop diumano sa kanilang kultura.

Dapat sanang sasali sa edisyong ito si Maria Amparo Rodrigo Lorenzo ng Espanya, na siyang tumungo na sa Londres para lumahok sa Miss World.^[11][12] Gayunpaman, tulad ng kanyang mga hinalinhan, kaagad na bumitiw si Rodrigo sa kompetisyon dahil tutol ito sa paglahok ni Sandra Sanguinetti ng Hibraltar. Matapos ang kanyang pagbitiw sa kompetisyon, kaagad na tumakas sa hotel ng mga kandidata si Lorenzo upang tumungo sa hotel kung nasaan pansamantalang naninirahan ang kanyang siyamnapu't-dalawang kamag-anak.^[10][13]

Tulad noong 1961, labinlimang semi-finalist ang napili sa pamamagitan ng paunang kompetisyon na ginanap sa araw ng pinal na kompetisyon na binubuo ng swimsuit at evening gown competition. Lumahok sa swimsuit competition at evening gown competition ang mga labinlimang semi-finalist, at kalaunan ay napili ang pitong pinalista na sumabak sa final interview.

• Lady Elizabeth Anson, CVO
• Stanley Baker – Ingles na aktor
• Reita Faria – Miss World 1966 mula sa Indiya^[14]
• Peter Dimmock – Isang executive mula sa BBC
• Graham Hill – Ingles na nagwagi sa Formula One^[14]
• John Hore – Ingles na manlalaro ng putbol
• Istvan Kertesz – Unggarong konduktor
• Anthony Seth – High Commissioner ng Gana sa Reyno Unido
• Richard Todd – Irlandes na aktor

Limampu't-tatlong kandidata ang lumahok para sa titulo.^[15]

Bansa/Teritoryo	Kandidata	Edad[a]	Bayan
Alemanya	Margot Schmalzriedt	22	Stuttgart
Arhentina	Viviana Roldán[16]	25	Esperanza
Australya	Penelope Plummer[17]	18	Sydney
Austrya	Brigitte Krüger[18]	24	Viena
Bagong Silandiya	Christine Antunovic[19]	18	Auckland
Bahamas	Rose Helena Simms-Dauchot[20]	25	Nassau
Belhika	Sonja Doumen[21]	20	Dilsen-Stokkem
Beneswela	Cherry Núñez[22]	18	Caracas
Brasil	Ângela Stecca[23]	18	Minas Gerais
Ceylon	Nilanthi Wijesinghe[24]	22	Colombo
Dinamarka	Yet Schaufuss	–	Copenhague
Ekwador	Marcia Virginia Ramos	20	Guayaquil
Estados Unidos	Johnine Avery[25]	22	Olympia
Gana	Lovell Wordie[26]	19	Accra
Gresya	Lia Malta	21	Atenas
Guyana	Adrienne Harris[27]	20	Georgetown
Hamayka	Karlene Waddell[28]	18	Kingston
Hapon	Ryoko Miyoshi[29]	20	Hokkaidō
Hibraltar	Sandra Sanguinetti[30]	18	Hibraltar
Indiya	Jane Coelho	24	New Delhi
Irlanda	June MacMahon	24	Dublin
Israel	Miri Zamir[31]	18	Haifa
Italya	Maria Pia Giamporcaro[32]	18	Palermo
Kanada	Nancy Wilson[33]	19	Chatham
Kenya	Josephine Moikobu[34]	23	Nairobi
Kolombya	Beatriz Sierra González[35]	20	Cartagena
Kosta Rika	Patricia Diers[36]	23	San José
Liberya	Wilhelmina Nadieh Brownell	–	Monrovia
Luksemburgo	Irene Siedler	18	Esch-sur-Alzette
Malta	Ursulina Grech	17	Gozo
Mehiko	Ana María Magaña	17	Lungsod ng Mehiko
Moroko	Zakia Chamouch	17	Casablanca
Niherya	Foluke Ogundipe[37]	21	Lagos
Nikaragwa	Margine Davidson[38]	20	Matagalpa
Noruwega	Hedda Lie	21	Stokke
Olanda	Alida Grootenboer[39]	20	Amersfoort
Peru	Ana Rosa Berninzon	18	Lima
Pilipinas	Arene Cecilia Amabuyok[40]	17	Makati
Pinlandiya	Leena Sipilä	24	Helsinki
Pransiya	Nelly Gallerne[41]	22	Paris
Republikang Dominikano	Ingrid García	17	Santo Domingo
Reyno Unido	Kathleen Winstanley[42]	22	Wigan
Suwesya	Gunilla Friden[43]	19	Estokolmo
Suwisa	Jeanette Biffiger[44]	19	Zürich
Taylandiya	Pinnarut Tananchai[45]	19	Chiang Mai
Timog Aprika	Mitsianna Stander[46]	19	Johannesburg
Timog Korea	Lee Ji-eun[47]	21	Daegu
Tsile	Carmen Smith[48]	–	Santiago
Tsipre	Diana Dimitropoulou[49]	19	Nicosia
Tunisya	Zohra Boufaden	20	Tunis
Turkiya	Mine Kurkcuoglu[50]	17	Istanbul
Uganda	Joy Lehai[51]	22	Kampala
Yugoslavia	Ivona Puhlera[52]	17	Dubrovnik

• Opisyal na website