Pagdurugo ng ilong

Ang pagdurugo ng ilong o balinguyngoy^[1] na kilala din bilang nosebleed sa Ingles at epistaxis, ay instansiya ng pagdurugo mula sa ilong.^[2] Maaring dumaloy ang dugo sa tiyan, at magdulot ng pagduduwal at pagsusuka.^[3] Sa mas malalang mga kaso, maaring lumabas sa parehong butas ng ilong ang dugo.^[4] Sa bihirang pagkakataon, maaring maraming ang dumadaloy na dugo na nagdudulot ng mababang presyon ng dugo.^[2] Maari din na umakyat ang dugo tungo sa maliit na tubong nasolagrimal palabas ng mata.^[5]

Kabilang sa mga kadahilanan ng panganib ang trauma, kabilang ang paglalagay ng daliri sa ilong, pampanipis ng dugo, altapresyon, alkoholismo, alerhiya dahil sa panahon, tuyong panahon, at mga nalanghap na mga corticosteroid.^[6] May dalawang uri: anteryor, na mas karaniwan; at posteryor, na di gaanong karaniwan subalit mas seryoso.^[6] Nangyayari sa pangkalahatan ang anteryor na pagdurugo ng ilong mula sa plekso ni Kiesselbach habang nangyayari sa pangkalahatan ang pagdurugong posteryor mula sa arteryang sphenopalatine.^[6] Ang diyagnosis ay sa pamamagitan ng direktang pagmamasid.^[2]

Para maiwasan ang pagdurugo ang ilong maaring gumamit ng petroleum jelly sa ilong.^[7] Sa simula, ang paggamot ay ang pangkalahatang paglapat ng presyon na hindi bababa sa limang minuto sa mababang kalahati ng ilong.^[8] Kung hindi ito sapat, maaring gamitin ang nasal packing.^[8] Maari din makatulong ang asido traneksamiko.^[9] Kung patuloy pa rin ang mga episodyo ng pagdurugo, nirerekomenda ang endoskopya.^[8]