Unibersidad ng Tokyo
Ang Unibersidad ng Tokyo (東京大学 Tōkyō daigaku) (東京大学 Tōkyō daigaku?) (Ingles: University of Tokyo) na dinadaglat bilang Todai (東大 Tōdai) (東大 Tōdai?)[3] o UTokyo, ay isang pamantasan sa pananaliksik na matatagpuan sa Bunkyo, lungsod-prepektura ng Tokyo, Hapon. Ang unibersidad ay may 10 fakultad na may kabuuang populasyong 30,000 mag-aaral, kung saan halos 2,000 ay mga banyaga. Ang limang kampus ng UTokyo ay nasa Hongō, Komaba, Kashiwa, Shirokane at Nakano. Ito ay ang pinakaprestihiyosong unibersidad sa Hapon at miyembro ng National Seven Universities.[4][5]
| Unibersidad ng Tokyo | |
|---|---|
| 東京大学 | |
 | |
| Latin: Universitas Tociensis | |
| Itinatag noong | 1877 |
| Uri | Publiko (Pambansa) |
| Pangulo | Makoto Gonokami (五神真) |
| Academikong kawani | 2,429 full-time 175 part-time[1] |
| Administratibong kawani | 5,779 |
| Mag-aaral | 28,697[2] |
| Mga undergradweyt | 14,274 |
| Posgradwayt | 13,732 |
| Mga mag-aaral na doktorado | 6,022 |
| Ibang mga mag-aaral | 747 research students |
| Lokasyon | , |
| Kampus | Urban |
| Kulay | Mapusyaw na bughaw |
| Palakasan | 46 varsity teams |
| Apilasyon | IARU, APRU, AEARU, AGS, BESETOHA |
| Websayt | u-tokyo.ac.jp |
Kasaysayan
Ang unibersidad ay binigyan ng tsarter ng pamahalaang Meiji noong 1877 sa pamamagitan ng pagsasanib ng mas lumang mga paaralan ng medisina at pag-aaral Kanluranin. Noong Setyembre 1923, sinira ng isang lindol ang 700,000 bolyum ng koleksyon ng libro sa aklatan ng unibersidad.[6] Ang mga libro ay dating pagmamay-ari ni Hoshino Hisashi bago maging bahagi ng aklatan ng unibersidad at karamihan dito ay tungkol sa pilosopiya at kasaysayang Tsino.
Noong Palarong Olimpiko sa Tag-init 1964, ang unibersidad ay naghost ng bahaging pagtakbo sa kaganapan ng makabagong pentatlon.[7]
Noong taglagas ng 2012, sa unang pagkakataon ay nagsimulang maghain ang Unibersidad ng Tokyo ng dalawang andergradweyt na mga programa na ganap na tinuturo sa ingles at nakatuon sa mga internasyonal na mag-aaral — ang Programs in English at Komaba (PEAK) — ang International Program on Japan in East Asia at International Program on Environmental Sciences.[8][9]
Gusali ng Paaralan ng Batas ng Unibersidad ng Tokyo
Aklatan ng Komaba
Pangunahing Gusali ng Institute for Solid State Physics
Koishikawa Botanikal Na Hardin
Kampus ng Komaba
Ang pangunahing kampus
Samahan
Mga Fakultad
- Batas
- Panggagamot
- Inhenyeriya
- Literatura
- Agham
- Agrikultura
- Ekonomiks
- Sining at Agham
- Edukasyon
- Parmasiya
Gradwadong paaralan
- Humanidades at Sosyolohiya
- Edukasyon
- Batas at Politika
- Ekonomiks
- Sining at Agham
- Agham
- Inhinyeriya
- Agham Pang-agrikultura at Biyolohiya
- Panggagamot
- Parmasiya
- Agham Pangmatematika
- Frontier Sciences
- Impormatika at Teknolohiya
- Interdisiplinaryong Impormatika
- Pampublikong Patakaran