Ак Челән Кирмәне
Һимеҗи Кирмәне яки Ак Челән Кирмәне (японча 姫路城 Химэҗи җө:) — Япония иң борынгы кирмәннәренең берсе, туристлар арасында иң популяр кальга.
| Ак Челән Кирмәне Һимеҗи Кирмәне | |
|---|---|
 | |
Һимэҗи җө | |
| Урнашуы | Япония, Һимэҗи |
| Нигезләнгән | 1346 |
| Төзелгән | 1333-1346 |
| ЮНЕСКО мирасы | 1993 елдан |
| Нигез салучы | Акамацу Нонимура |
1993 елда ЮНЕСКО Бөтендөнья Мирас исемлегенә кертелгән. Кирмән комплексына 83 агач бина керә.
Кирмән итәгендә Һимеҗи шәһәре урнашкан.
Тарих
XIV гасырда Япониянең Һиого префектурасы Һарима өлкәсендә Химэ тау итәгендә кирмән төзелә башлый.
Кирмәннең биек таш фундаменты, ак буялган диварлары, ату өчен тишекләре япон мигъмарияте нигезләренә кергән.
1467-1477 еллар ватандашлар сугышы вакытында кирмән бер самурай төркеме икенче самурай төркеменә берничә тапкыр күчә. Нәтиҗәдә кирмән зур зыян күрә.
1601-1609 елларда сугышлардан соң кирмән төзәтелә, җиде катлы төп манарасы төзелә.
Гаскәр башлыгы Тойөтоми Һидэйөси кирмәнне төзәтә һәм киңәйтә, 1618 елга кадәр өстәмә манаралар төзелә.
Кирмән тирәсендәге бакча спираль лабиринты төрендә урнаштырылган. Һөҗүмчеләр адашып йөрсен өчен бакчада күп тыкрыклар ясалган. Ләкин зур сугыш булмаганга күрә әлеге хәрби хәйлә кулланылмаган.
Соңрак кирмән янында Һимеҗи шәһәре үскән.
1871 елда Ак Челән Кирмәне хуҗалардан алынган һәм 23 йенадан сатылган.
Икенче бөтендөнья сугышында АКШ хәрби-һава көчләре кирмән тирәсендәге биналарга зур зыян китерә.
Мәдәнияттә
Ак Челән кирмәнендә күп кинофильмнар төшерелгән: "Джеймс Бонд", "Соңгы самурай", Акиро Куросаваның "Гаскәри күләгәсе", "Ран" фильмнары.
Күренешләре
Сылтамалар
- Замок Химэдзи в русскоязычной версии журнала «Ниппония», № 17, 2001 г.
Викиҗыентыкта [[Commons:Category:
Himeji castle Викиҗыентыкта|Ак Челән Кирмәне]] темасына медиафайллар бар
