Ахирнәр
Ахирнәр (гарәп. آخر النهر ахир ән-нәһр — «елганың ахыры»[1]; Эридан α, Эридан альфасы, α Eri) — Эридан йолдызлыгының +0,5 йолдызча зурлыктагы иң якты йолдызы һәм яктырыш буенча күк йөзендә тугызынчы урында тора. Йолдызлыкның көньяк кырыенда урнаша.
Физик хасиятләр
Ахирнәр — якты күк йолдыз, аның массасы 6–8 Кояшныкына тигез. Ул Кояштан меңәр тапкыр яктырак һәм Кояш системасыннан якынча 144 яктылык елы ераклыкта урнашкан. Якты йолдызлардан Ахирнәр — иң аз йомры. Ул үз күчәре тирәсендә бик тиз әйләнә, шуңа күрә аны ямьшәйтә һәм аның экватор диаметры котып диаметрыннан 50 % артыграк.
Тарих
Клавдий Птолемей дәверендә Эридан θ «Елганың» иң ахыргы йолдыз булган, чөнки калган йолдызлар офыктан калкмаганнар һәм грек утрауларында күзәтә алмаганнар. Хәзерге вакытта исә «Елганың ахыры» Эридан α йолдызында урнаша, ә Эридан θ Акамәр (гарәп. آخر النهر ахир ән-нәһр; рус. Акамар) исемене йөртелә.
