تھامس پین

تھامس پین (پیدائش: 9 فروری 1737 - وفات : 8 جون 1809) ^[13] ایک انگریز نژاد امریکی سیاسی کارکن، فلسفی، سیاسی نظریہ ساز اور انقلابی تھے۔ انھوں نے نے کامن سینس (1776) اور دی امریکن کرائسز (1776–1783) تصنیف کیں۔ یہ جو امریکی انقلاب کے آغاز میں دو موثرترین پمفلٹ ثابت ہوئے اور 1776 میں محب وطن لوگوں کو برطانیہ سے آزادی کے حصول کے لیے آمادہ کرنے میں ایک اہم رول اد کیا۔ ^[14] ان کے خیالات بین الاقوامی انسانی حقوق کے روشن خیالی کے دور کے نظریات کی عکاسی کرتے ہیں۔

تھامس پین
معلومات شخصیت
پیدائشی نام	(انگریزی میں: Thomas Paine)
پیدائش	29 جنوری 1737ء [1][2][3]  تھیتفورڈ
وفات	8 جون 1809ء (72 سال)[1][2][3][4][5][6][7]  گرینوچ ویلیج [8]
مدفن	نیو روچیل، نیویارک
شہریت	مملکت برطانیہ عظمی (–1776) ریاستہائے متحدہ امریکا (1776–1787) مملکت برطانیہ عظمی (1787–1790) مملکت فرانس (1790–1791) آئینی مملکت فرانس (1791–1792) فرانس (26 اگست 1792–1802) ریاستہائے متحدہ امریکا (1802–)
مذہب	الٰہیت [9]
رکن	امریکن فلوسوفیکل سوسائٹی
مناصب
رکن فرانسیسی قومی اسمبلی
رکن مدت 6 ستمبر 1792  – 26 اکتوبر 1795
حلقہ انتخاب	پا دے کالے
عملی زندگی
پیشہ	فلسفی ،  سیاست دان ،  مصنف [10]،  کارجو ،  صحافی ،  نثر نگار ،  عوامی صحافی
پیشہ ورانہ زبان	فرانسیسی ،  انگریزی [11][12]
کارہائے نمایاں	انسان کے حقوق (کتاب)
دستخط
	IMDB پر صفحات
درستی - ترمیم

تھیٹ فورڈ، نارفوک میں پیدا ہوئے پین ہجرت کرکے برٹش امریکن کالونی 1774 میں بنجمن فرینکلن کی مدد سے آگئے۔ یہ امریکی انقلاب کا زمانہ تھا جس میں انھوں نے بڑھ چڑھ کر حصہ لیا۔ امریکی آزادی کے تقریباً سبھی متوالوں نے ان کی کتاب 'عقل سلیم ' کو پڑھا یا پڑھواکر سنا۔ یہ کتابچہ ہر زمانے میں امریکا میں مقبول رہا۔ ^[15][16] امریکن کرائسز ایک پرو انقلابی پمفلٹ سیریز تھی۔ پین 1790 کی دہائی کے بیشتر عرصے تک فرانس میں مقیم رہے اور فرانسیسی انقلاب میں فعالیت کے ساتھ شامل ہوئے۔ انھوں نے رائٹس آف مین (1791) لکھا، جو انقلاب فرانس کے دفاع میں ہے۔