کیتھرین ہیپبرن

ہالی ووڈ کی مشہور اداکارہ۔ کیتھرین ہیپبرن کنیکٹیکٹ کے ایک دولت مند خاندان میں پیدا ہوئی۔ اپنے بہن بھائیوں میں اُن کا دوسرا نمبر تھا۔ وہ اپنے غیر روایتی طرزعمل کی بنا پر مشہور رہیں۔ نصف صدی سے زیادہ عرصے پر محیط اپنے فلمی کیرئیر میں انھوں نے نہ صرف تینتالیس فلموں میں کام کیا بلکہ چار مرتبہ بہترین اداکارہ کا آسکر انعام بھی حاصل کیا جو اب تک ایک ناقابل تسخیر ریکارڈ ہے۔

انھوں نے اسٹیج پر اداکاری کے بعد سن 1932ء میں فلمی دنیا میں قدم رکھا۔ ابتدا میں ان کی خاص شکل و صورت اور آواز کی بنا پر وہ زیادہ مقبولیت حاصل نہ کرسکیں لیکن اگلے ہی برس انھوں نے اپنی شاندار اداکاری پر پہلا آسکر اکیڈمی ایوارڈ حاصل کیا۔

انھوں نے ہالی ووڈ کے بیسویں صدی کے بعض عظیم اداکاروں اور ہدایتکاروں کے ساتھ بھی کام کیا جن میں اسپنسر ٹریسی بھی شامل تھے جن کے ساتھ انھوں نے نہ صرف فلموں میں کام کیا بلکہ غیر فلمی زندگی میں دونوں کے درمیان میں طویل عرصے تک تعلق بھی رہا۔

خود کیتھرین ہیپبرن اپنے آپ کو پاگل کردینے کی حد تک پریشان کرنے والی شخصیت قرار دیتی رہیں لیکن ساتھ ہی ان کا یہ بھی کہنا تھا کہ موت کے بعد انھوں یاد ضرور کیا جائے گا گویا وہ ایک بھولا بسرا لمحہ ہیں۔