گردن توڑ بخار

گردن توڑ بخار دماغ اور ریڑھ کی ہڈی کو ڈھانپنے والی حفاظتی جھلیوں کی شدید سوزش ہے، جسے اجتماعی طور پر مینن جز کے نام سے جانا جاتا ہے۔ ^[2] اس کی عام علامات بخار ، سر درد اور گردن کی اکڑن ہیں۔ ^[1] دیگر علامات میں الجھن یا بدلا ہوا شعور ،قے اور روشنی یا تیز آواز کا ناقابل برداشت ہونا شامل ہیں۔ ^[1] چھوٹے بچے اکثر غیر مخصوص علامات ظاہر کرتے ہیں، جیسے چڑچڑاپن، غنودگی یا کم خوراکی۔ ^[1] اگر ددورا موجود ہوں تو یہ گردن توڑ بخار کی کسی خاص وجہ کی نشانی ہے۔ میننگوکوکل بیکٹیریا کی وجہ سے ہونے والے گردن توڑ بخار کے ساتھ ایک خصوصی قسم کے دانے بھی ہو سکتے ہیں۔ ^{[2] [3]}

گردن توڑ بخار
نظام مرکزی اعصابی کی مینن جز : ڈورا میٹر جالا نما میٹر,اورپیا میٹر.
تخصص	متعدی بیماری (طبی خصوصیت) , نیورولوجی
علامات	[بخار]], [سردرد]], گردان میں اکڑن[1]
طبی پیچیدگیاں	بہرا پن, مرگی, ہائیڈروسیفالس, کوگنیٹیوخرابیs[2][3]
سبب	وائرل،بیکٹیرل دیگر[4]
تشخیصی طریقہ	ریڑھ کی ہڈی میں پنکچر[1]
تفریقی تشخیص	دماغ کی سوزش, دماغ کی رسولی, لوپس, لیم کی بیماری, دورے, نیورولیپٹک سنڈروم,[5] naegleriasis[6]
تدارک	ویکسینیشن[2]
علاج	اینٹی بائیوٹکس, اینٹی وائرل, سٹیرائڈز[1][7][8]
تعدد	8.7ملین (2015)[9]
اموات	379,000 (2015)[10]

سوزش وائرس بیکٹیریا یا دیگر مائکروجنزموں کے انفیکشن کی وجہ سے ہوتی ہے اور کبھی کبھار بعض منشیات کے ذریعہ بھی ہو سکتی ہے ۔ ^[4] دماغ اور ریڑھ کی ہڈی سے سوزش کی قربت کی وجہ سے گردن توڑ بخا ر جان لیوا بھی ہو سکتا ہے، اس لیے اس حالت کو طبی ایمرجنسی کے طور پر درجہ بند کیا گیا ہے۔ ^[8] اریڑھ کی ہڈی کے پنکچر کے ذریعے دماغی اسپائنل سیال کا نمونہ کمر میں ایک سوئی ڈال کر حاصل کیا جاتا ہے ، (سی ایس ایف) کا ٹسٹ مینن جائٹس کے ہونے یا نہ ہونے کی تشخیص کر تا ہے۔ ^{[1] [8]}

گردن توڑ بخار کی کچھ شکلیں میننگوکوکل ، ممپس ، نیوموکوکل اور Hib ویکسین کے حفاظتی ٹیکوں کے ذریعے روکی جا سکتی ہیں۔ ان لوگوں کو اینٹی بائیوٹک دینا بھی مفید ہو سکتا ہے جن کو گردن توڑ بخار کی کچھ خاص قسموں کا سامنا ہوتا ہے۔ ^[1] شدید گردن توڑ بخار کا پہلا علاج فوری طور پر اینٹی بائیوٹکس اور بعض اوقات اینٹی وائرل ادویات پر مشتمل ہوتا ہے۔ ^{[1] [7]} کورٹیکوسٹیرائڈز کو ضرورت سے زیادہ سوزش سے پیدا ہونے والی پیچیدگیوں کو روکنے کے لیے بھی استعمال کیا جا سکتا ہے۔ گردن توڑ بخار سنگین طویل مدتی نتائج کا باعث بن سکتا ہے جیسے کہ بہرا پن ، مرگی ، ہائیڈروسیفالس یا کوگنیٹیو خرابیاں ، خاص طور پر اگر فوری طور پر علاج نہ کیا جائے۔ ^{[2] [3]}

2015 میں، دنیا بھر میں تقریباً 8.7 ملین افراد میں گردن توڑ بخار ہوا۔ اس کے نتیجے میں 379,000 اموات ہوئیں جو 1990 میں 464,000 اموات سے کم ہیں مناسب علاج کے ساتھ بیکٹیریل گردن توڑ بخار میں موت کا خطرہ 15 فیصد سے کم ہے۔ ^[1] بیکٹیریل مینن جائٹس کا پھیلنا ہر سال دسمبر اور جون کے درمیان سب صحارا افریقہ کے ایک علاقے میں ہوتا ہے جسے میننجائٹس بیلٹ کہا جاتا ہے۔ ^[11] دنیا کے دیگر علاقوں میں بھی چھوٹے پھیلاؤ ہو سکتے ہیں۔ ^[11] میننجائٹس کا لفظ یونانی μῆνιγξ meninx ، "membrane" اور طبی لاحقہ -itis ، "سوزش" سے آیا ہے۔ ^{[12] [13]}