巴尔干半岛

巴尔干半岛（Balkans）是一个地理学搭人文地理概念。

立在地理层面，是指包括南斯拉夫地区搭保加利亚、希腊在内个东南欧国家地区。立在文化高头，还要加入罗马尼亚之类个国家。此地从历史浪就处于天主教、东正教搭回教争夺个场化。到近古，大部分畀奥地利哈布斯堡王朝搭奥斯曼帝国瓜分。19世纪民族主义兴起，此地开始逐步自立，並立在迭个过程当中成为人口清洗搭冲突个火药桶。乃朝，巴尔干地区经济弗灵光，但政治、军事斗争氛围还是浓郁，交关国家相互之间有仇恨关系。不过西面个斯洛文尼亚、克罗地亚之类，基本摆脱迭个循环，进入欧洲主流。