بلقان

قدیم یونان یورپی تہذیب کی جائے پیدائش ہے جس کے آثار آج بھی ماضی کی انسانی عظمت کے گواہ ہیں۔

علاوہ ازیں 1990ء کی دہائی کے اوائل تک البانیہ اور بلغاریہ اشتراکی اقتدار کے زیر اثر رہے اور خطے کا بقیہ علاقہ اشتراکی ریاستوں کے اتحاد یوگوسلاویہ کا حصہ تھا جو 1991ء میں خانہ جنگی کے نتیجے میں اب کئی حصوں میں منقسم ہو گیا ہے۔

جنوب مشرقی یورپ کا بیشتر علاقہ پہاڑی ہے جن میں سلسلہ ہائے کوہ جنوب مغرب سے شمال مشرق کی جانب ہیں۔ دینارک الپس ڈیلماٹین ساحل کے ساتھ ساتھ چلتا جاتا ہے جبکہ کوہ پنڈس یونان میں اسی طرح ساحل کے ساتھ پھیلا ہوا ہے۔ بحیرہ ایجیئن میں قدیم پہاڑی سلسلے کے ڈوبنے سے کئی جزائر وجود میں آئے جو بحیرہ ایجیئن کہلاتے ہیں۔

جزیرہ نما بلقان

جزیرہ نما بلقان جنوب مشرقی یورپ کا ایک علاقہ ہے جو تین طرف سے پانی سے گھرا ہوا ہے۔ بحیرہ ایڈریاٹک اس کے مغرب میں، بحیرہ روم (بشمول بحیرہ ایجیئن) اور بحیرہ مرمرہ اس کے جنوب میں اور بحیرہ اسود اس کے مشرق میں واقع ہیں۔

علاقے جن کی سرحدیں جزیرہ نما بلقان میں جزوی یا مکمل طور پر موجود ہیں :

•  البانیا
•  بوسنیا و ہرزیگووینا
•  بلغاریہ
•  یونان
•  کوسووہ
•  جمہوریہ مقدونیہ
•  مونٹینیگرو
•  سربیا

علاقے جو زیادہ تر جزیرہ نما بلقان کے باہر واقع ہیں :

•  کرویئشا
•  اطالیہ
•  رومانیہ
•  سلووینیا
•  ترکیہ

بلقان

بلقان مندرجہ ذیل علاقوں پر مشتمل ہے :^[3]

•  البانیا (28,748 کلومیٹر²)
•  بوسنیا و ہرزیگووینا (51,197 کلومیٹر²)
•  بلغاریہ (110,993 کلومیٹر²)
•  کرویئشا (56,594 کلومیٹر²) - زیادہ تر شامل نہیں ^[4]
•  یونان (131,990 کلومیٹر²)
•  کوسووہ
•  جمہوریہ مقدونیہ (25,713 کلومیٹر²)
•  مونٹینیگرو (13,812 کلومیٹر²)
•  رومانیہ (238,391 کلومیٹر²) – زیادہ تر شامل نہیں
•  سلووینیا (20,273 کلومیٹر²) – زیادہ تر شامل نہیں ^[5][6]
•  سربیا (88,361 کلومیٹر²)
•  ترکیہ (783,562 کلومیٹر²) – زیادہ تر شامل نہیں
• تمام علاقہ جات (1,505,597 کلومیٹر² کروشیا، رومانیہ، سلووینیا اور ترکی سمیت)

یونان کی بیشتر آبادی شہری ہے اور ملک کے 50 فیصد سے زائد باشندے ایتھنز اور سالونیکا میں رہتے ہیں۔ بلغاریہ میں بھی آبادی کی اکثریت شہروں میں رہتی ہے جبکہ البانیہ اور مقدونیہ میں تقریباً نصف آبادی دیہی ہے۔ بوسنیا و ہرزیگووینا، سربیا، مونٹی نیگرو اور کروشیا کے افراد خانہ جنگی کے بعد نسلی بنیادوں پر منقسم ہو کر اب الگ الگ رہتے ہیں۔

علاقہ	کل آبادی	جزیرہ نما میں *	کثافت	متوقع زندگی
البانیا	2,831,741[7]	2,831,741	98.5/کلومیٹر2	77.4 سال
بوسنیا و ہرزیگووینا	3,839,737 [8]	3,839,737	75.0/کلومیٹر2	74.9 سال
بلغاریہ	7,364,570 [9]	7,364,570	66.4/کلومیٹر2	73.0 سال
کرویئشا	4,290,612 [10]	2,700,000	75.8/کلومیٹر2	77.3 سال
یونان	10,815,197 [11]	10,815,197	81.7/کلومیٹر2	81 سال
اطالیہ	علاقے کا حصہ نہیں (دیکھیے [1])	~330,000 [12]	–	–
کوسووہ[a]	1,733,872 [13]	1,733,872	178.7/کلومیٹر2	–
جمہوریہ مقدونیہ	2,057,284 [14]	2,057,284	80.0/کلومیٹر2	74.2 سال
مونٹینیگرو	625,266 [15]	625,266	45.3/کلومیٹر2	–
رومانیہ	19,042,936 [16]	832,141	90.2/کلومیٹر2	72.5 سال
سربیا	7,120,666 [17]	~3,500,000	91.9/کلومیٹر2	73.9 سال
سلووینیا	علاقے کا حصہ نہیں (دیکھیے [1])	~360,000 [18]	–	–
ترکیہ	علاقے کا حصہ نہیں (دیکھیے [1])	10,620,739 [19]	–	–
بلقان **	59,764,374 (بغیر ترکی، سلووینیا اور اطالیہ کے حصے) 70,610,355 (بشمول ترکی، سلووینیا اور اطالیہ کے حصے)	44,888,282 (بغیر شمالی کروشیا اور سربیا)	–	–

یونان اور بحیرہ ایجین میں اس کے جزائر سیاحت کے لیے دنیا بھر میں مشہور ہیں۔ علاوہ ازیں بحیرہ اسود کے ساحلی علاقوں میں بھی سیاحت فروغ پا رہی ہے۔ یوگوسلاویہ کی خانہ جنگی کے باعث وہاں کی دیگر صنعتوں کے ساتھ سیاحت کو بھی شدید دھچکا پہنچا لیکن اب یہ دوبارہ اہم صنعت بنتی جا رہی ہے۔ کیمیائی، مہندسی اور جہاز سازی کی صنعتیں اب بھی بلغاریہ کی آمدنی کا اہم ذریعہ ہیں۔

صنعتی و ذرائع نقل و حمل کے دھوئیں کے باعث ایتھنز اور زغرب شہر کی فضا آلودہ ہو رہی ہے۔ ایتھنز میں آلودگی کا مسئلہ اس قدر شدت اختیار کر گیا ہے کہ وہاں خاص طور پر ایسے دن منائے جاتے ہیں جن دنوں میں گاڑی چلانا منع ہوتا ہے جبکہ اس فضائی آلودگی سے شہر کے آثار قدیمہ کو بھی شدید خطرات لاحق ہیں۔ بلغاریہ، یونان اور مقدونیہ زلزلے کی متحرک پٹی پر واقع ہیں۔ بڑے زلزلے 1953ء میں جزائر آیونین اور 1963ء میں مقدونیہ کے دارالحکومپ اسکوپے کو شدید متاثر کر چکے ہیں۔ بلغاریہ کا کوزلوڈے جوہری توانائی مرکز زلزلے کی اسی پٹی پر واقع ہے۔