აგრა

აგრა (ჰინ. आगरा; ურდუ آ گرہ) — ნოღა ინდოეთის, წყარმალუ ჯამუნაშ წყარპიჯეფს, უტარ-პრადეშიშ შტატიშ ოორუე ნორთის, შტატიშ ნანანოღა ლაქნაუშე 363 კმ-ით ბჟადალშე დო ქიანაშ ნანანოღა დელიშე 200 კმ-ით ობჟათეშე. ნოღა ართ ბორჯის წჷმარინუანდჷ ინდოსტანიშ ნანანოღას. 1,746,467 მახორობათ (2011 წ.), ნოღა უტარ-პრადეშიშ ართ-ართი არძოშე დოხორელი დო ქიანას სიკაბეტათ მა-19 არძოშე მიარეკათამი ნოღა რე.^[2] დინმაკათინე წყარეფიშ 80% წყარმალუ იამუნას დინმაკათუ დო აგრა ინდოეთიშ მა-20 არძოშე დოწინდარაფილი ნოღა რე.^[3]

ნოღა აგრა ინგლ. Agra ჰინ. आगरा თაჯ-მაჰალი ქიანა  ინდოეთიინდოეთი შტატი უტარ-პრადეშიუტარ-პრადეში კოორდ. 27.183333,78.01666727°11′00″ ოორ. გ. 78°01′00″ ელ. გ. /  ფართობი 188,4 კმ² ცენტრიშ სიმაღალა 171 მ ოფიციალური ნინა [[ჰინდი]] მახორობა 1,746,467[1] კოჩი (2011) მეჭედალა 8,954 კოჩი/კმ² აგლომერაცია 1, 747,275 ბორჯიშ ორტყაფუ UTC+5:30 ტელ. კოდი +91(562) ოფოსტე ინდექსი 282 X ოავტომობილე კოდი UP-80 ოფიციალური ვებ-ხასჷლა agra.nic.in აგრა აგრა აგრა ვიკიოწკარუეს

ნოღა იშინუაფუ ეპიკურ პოემა მაჰაბჰარატას, აგრევანაშ ჯოხოთ, მუთ „ტყაშ ხურგას“ შანენს.^[4] ლეგენდა ნოღაშ დორსხუაფას სიკვარ-რაჯპუტიშ მაფას — რაჯა ბადალ სინგჰის მიოჭარანს (დოხოლ. 1475), ნამუშ ჯიხა ბადალგარჰი ხოლო ასეიანი ჯიხაშ არხოს გედგჷდჷ. მარა, XI ოშწანურას, სპარსი პოეტი მასუდ სად სალმანი ეთმეჭარუნს კონწარ ლჷმას აგრაშ ჯიხაშა, ნამუთ სულთან მაჰმუდ გაზნევქ ეჭოფუნ.^[5] 1506 წანას, სულთან სიკანდარ ლოდიქ მუში ნანანოღა მაართათ გეგნიღჷ დელიშე აგრაშა. 1517 წანას, სულთანქ დოღურჷ დო მუმალ ჩხორო წანაშ გოძვენას ხვისტა თიშ სქუას, იბრაჰიმ ლოდის უკებუდჷ, ნამუქჷთ 1526 წანას, პანიპატიშ ლჷმას დემარცხჷნ.^[6] 1526 - 1658 წანეფს, ნოღა მოგოლი იმპერატორეფიშ ნანანოღა რდჷ. ზუსტას თე პერიოდშე დასქიდჷ აგრას მოგოლეფიშ არქიტექტურულ მინუშეფქ დო ასე თარი ტურისტული ოქინაფუეფი რე, ნამუთ შქას არძოშე გიშაგორილი რე თაჯ-მაჰალი, აგრაშ ჯიხა დო ფატეჰპურ-სიკრი — სუმხოლო მიშმურს იუნესკოშ მოსოფელიშ მონძალაშ ძეგლეფიშ ერკებულშა.