ინდოსტანიშ ჩქონი

ინდოსტანიშ ჩქონი ჰინ. हिन्दुस्तान Hindustān ურდუ: ہندوستان‎‎ Hindostān
ორენი	აზია
აკვატორია	არაბეთიშ ზუღა, ინდოეთიშ ოკიანე, ბენგალიშ ჸუჯი
კოორდინატეფი	20,7820° ოორ. გ. 78° ელ. გ. / 
ფართობი	2 მლნ კმ²
ქიანა	ინდოეთი,  ბანგლადეში,  პაკისტანი

ინდოსტანი (ჰინ. हिन्दुस्तान Hindustān, ურდუ: ہندوستان‎‎ Hindostān სპარს. Hindū-შე — ინდი + -stān) — ჩქონი აზიაშ ობჟათეშე. ფართობი დოხოლ. 2 მლნ კმ². ჩქონიშ ოორუე ხურგა პიჯალურო გინმურსინდიშ დელტაშე განგიშ დელტაშა^[1]. თაშნეშე, კანკალეშა ინდოსტანს მიორხველუანა ინდი-განგიშ რზენიშ ობჟათეშე მადვალუ გვალეფიშ არძა პლატოს^[2]. ჩქონს იდვალუაფუ ინდოეთიშ შანულამი ნორთი, თაშნეშე პალისტანიშ დო ბანგლადეშიშ ნორთეფი.

ჩქონს ბჟადალშე ომძღჷ არაბეთიშ ზუღა, ბჟაეიოლშე — ბენგალიშ ჸუჯი. ჩქონიშ ობჟათე-ბჟაეიოლი ძგოპის იდვალუაფუ შხუ კოკი შრი-ლანკა. ინდოსტანიშ ჩქონი ინდოეთიშ სუბკონტინენტიშ ობჟათე ნორთიშ წჷმარინუანს, იდვალუაფუ ინდეთიშ ტექტონიკური ფილას.

ჩქონიშ არძაშე ობჟათე ჭურჭული რე — კომორინიშ კოდე.