დელი

დელი (ჰინდი: दिल्ली, ურდუ: دہلی or دلّی‎, პენჯაბური: ਦਿੱਲੀ) — ონოღე აგლომერაცია ოორუე ინდოეთის. ქიანაშ ნანანოღა. თაშნეშე თე ჯოხოთ რე შინელი ერუანული ნანანოღაშ ტერიტორია, ნამუთ სპეციალური გოართოიანაფილი ტერიტორია რე ცენტრალური თარობაშ ადმინისტრაციაშ გიმე, ნამუშათ სუმი მუნუციპალიტეტი მიშმურსჷნ. დელიშ მეტროპოლია დო დელიშ ერუანული ნანანოღაშ ტეროტორია ართ ბირთვის აკმოქიმინუნს დო პრაქტიკულო ართ ერთულო იკოროცხუ. ნიუ-დელი — ნოღალური დოხორალ, დელიშ მეტროპოლიაშ ნორთიე დო ინდოეთიშ თარობაშ ორენს წჷმარინუანს.

ერუანული ნანანოღაშ ოლქი დელი ჰინ. दिल्ली პენჯაბ. ਦਿੱਲੀ ურდუ: دِلّی‎‎ ინგლ. Delhi ქიანა  ინდოეთიინდოეთი მორსხუე ტერიტორია დელი კოორდ. 28.61,77.2328°36′36″ ოორ. გ. 77°13′48″ ელ. გ. /  მერი ქანვარ საინი ფართობი 1483 კმ² ზუღაშ დონეშე 0–300 მ მახორობა 11 007 835 კოჩი (2011) მეჭედალა 3 886 კოჩი/კმ² აგლომერაცია 16 314 838 ეთნოქორონიმი დელარი, დელარეფი ბორჯიშ ორტყაფუ UTC+5:30 ტელ. კოდი +91 11 ოფოსტე ინდექსი 110 xxx ოავტომობილე კოდი DL-xx ოფიციალური ვებ-ხასჷლა delhi.gov.in დელი დელი ვიკიოწკარუეს

დელი სიდიდათ მაჟირა აგლომერაცია რე ინდოეთის დო მოსოფელს მაბრუო მახორობაშ მუდანობათ, ნამუშ მუდანობა 2011 წანაშ ეჭარუაშ მეჯინათ 11,007,835-ის აკმადგინანს. ოორუე ინდოეთის წყარმალუ იამუნაშ წყარპიჯის მადვალუ ნოღაშ არქეოლოგიური გონთხორუეფი მოწამენს, ნამ-და დელი ირო დოხორელი აკანი ჸოფე გვალო მორჩილი ჯვ. წ. VI ოშწანურაშე. 1639 წანას, მოგოლეფიშ იმპერატორქ შაჰ-ჯაჰანქ თაქ აკაგჷ ახალი ჯიხა-გალუანი დო იმპერიაშ ნანანოღათ გეგმაცხადჷ (1649-1857).

ახალი ნანანოღა ნიუ-დელი 1920-იან წანეფს აკაგეს. 1947 წანას, მუჟანსჷთ ინდოეთიქ ბრიტანეთიშე ზოხორინალა გჷმაცხადჷნ, ნიუ-დელიქ თიში ნანანოღათ გჷნირთჷ. ნთელი ქიანაშე მახორობაშ მიგრაციაშ გეშა დელიქ კოსმოპოლიტ ნოღათ გჷნირთჷ. მალასიანი გოვითარაფაქ დო ურბანიზაციაქ, თიში მახორობაშ ელაზჷმაფათ მაღალი მიშნაველიშ დონეთ, ნოღაქ შანულამო გეგნიქჷმინჷ. ასე დელი ინდოეთიშ შანულამი კულტურული, პოლიტიკური დო კომერციული ცენტრიე.