დელი
დელი (ჰინდი: दिल्ली, ურდუ: دہلی or دلّی, პენჯაბური: ਦਿੱਲੀ) — ონოღე აგლომერაცია ოორუე ინდოეთის. ქიანაშ ნანანოღა. თაშნეშე თე ჯოხოთ რე შინელი ერუანული ნანანოღაშ ტერიტორია, ნამუთ სპეციალური გოართოიანაფილი ტერიტორია რე ცენტრალური თარობაშ ადმინისტრაციაშ გიმე, ნამუშათ სუმი მუნუციპალიტეტი მიშმურსჷნ. დელიშ მეტროპოლია დო დელიშ ერუანული ნანანოღაშ ტეროტორია ართ ბირთვის აკმოქიმინუნს დო პრაქტიკულო ართ ერთულო იკოროცხუ. ნიუ-დელი — ნოღალური დოხორალ, დელიშ მეტროპოლიაშ ნორთიე დო ინდოეთიშ თარობაშ ორენს წჷმარინუანს.
ერუანული ნანანოღაშ ოლქი
|
დელი სიდიდათ მაჟირა აგლომერაცია რე ინდოეთის დო მოსოფელს მაბრუო მახორობაშ მუდანობათ, ნამუშ მუდანობა 2011 წანაშ ეჭარუაშ მეჯინათ 11,007,835-ის აკმადგინანს. ოორუე ინდოეთის წყარმალუ იამუნაშ წყარპიჯის მადვალუ ნოღაშ არქეოლოგიური გონთხორუეფი მოწამენს, ნამ-და დელი ირო დოხორელი აკანი ჸოფე გვალო მორჩილი ჯვ. წ. VI ოშწანურაშე. 1639 წანას, მოგოლეფიშ იმპერატორქ შაჰ-ჯაჰანქ თაქ აკაგჷ ახალი ჯიხა-გალუანი დო იმპერიაშ ნანანოღათ გეგმაცხადჷ (1649-1857).
ახალი ნანანოღა ნიუ-დელი 1920-იან წანეფს აკაგეს. 1947 წანას, მუჟანსჷთ ინდოეთიქ ბრიტანეთიშე ზოხორინალა გჷმაცხადჷნ, ნიუ-დელიქ თიში ნანანოღათ გჷნირთჷ. ნთელი ქიანაშე მახორობაშ მიგრაციაშ გეშა დელიქ კოსმოპოლიტ ნოღათ გჷნირთჷ. მალასიანი გოვითარაფაქ დო ურბანიზაციაქ, თიში მახორობაშ ელაზჷმაფათ მაღალი მიშნაველიშ დონეთ, ნოღაქ შანულამო გეგნიქჷმინჷ. ასე დელი ინდოეთიშ შანულამი კულტურული, პოლიტიკური დო კომერციული ცენტრიე.
გალერა
- ინდოეთიშ ჭიშკარი
- რჯინაშ კოლონა დელის (IV-V წწ. ჩქ. წ.)
- ჭითა ფორტი, ნამუთ შაჰ-ჯაჰანიქ აკაგუნჷ, — იუნესკოშ მოსოფელიშ მონძალაშ ობიექტი
- მოსოფელიშ არძაშე მაღალი ანგურაშ მინარეთი — ქუთბ-მინარი 72.5 მ. სიმაღალათ
დოჯიმალაფირი ნოღეფი დო რეგიონეფი
დელის ჸუნს გეჸვენჯი დოჯიმალაფირი ნოღეფი:[1]
ნოღა | ქიანა | თარიღი |
---|---|---|
სეული | ობჟათე კორეა | |
ჩიკაგო | ააშ | 2001[2] |
ლონდონი | გოართოიანაფილი ომაფე | 2002[3] |
ლოს-ანჯელესი | ააშ | |
სიდნეი | ავსტრალია | |
კუალა-ლუმპური | მალაიზია | |
მოსკოვი | რუსეთი | 2002[4] |
ტოკიო | იაპონია | |
ულან-ბატორი | მონღოლეთი | 2002[4] |
სანქტ-პეტერბურგი | რუსეთი | 2002[4] |
პარიზი | საფრანგეთი | 2006[5] |
ერევანი | სომხეთი | 2008 |
ფუკუოკაშ პრეფექტურა (დომაჸალაფირი რეგიონი) | იაპონია | 2007 |
ქოძირით თაშნეშე
- ინდოეთიშ მილიონამი ნოღეფიშ ერკებული
- დელიშ მეტროპოლიტენი
ლიტერატურა
- (2002) Lonely Planet Delhi, 3, Lonely Planet Publications. ISBN 1-86450-297-5.
- (2004) Delhi (Great Cities of the World). World Almanac Library. ISBN 0-8368-5197-8.
რესურსეფი ინტერნეტის
- NCT of Delhi Government Website
- Department of Tourism, Government of NCT of Delhi Archived 2018-12-24 ვებ-ხასჷლას Wayback Machine.
- New Delhi / NCR Classified Advertisement Portal Archived 2012-06-17 ვებ-ხასჷლას Wayback Machine.
სქოლიო
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |