ბიბლიოთეკა
ბიბლიოთეკა (ბერძ. βιβλιοθήκη < βιβλίον — კჷრბი; ბერძ. θήκη — ოჩუაშე) — კულტურულ-ოგონათუე დო დჷმახვარე ომენცარე დჷნაწესებუ, ბეშტური ნაწარმეფიშ ჯარალობური რგებაფაშ ორგანიზატორი. სისტემატურო აკმოშაყარანს ბეშტურ ნაწარმეფს, თხილანს თინეფს, პროპაგანდას ოწიუ დო გინმოჩანს მოკითხირეეფს, თაშნეშე მანჯენს საინფორმაციო-ბიბლიოგრაფიულ მუშობას.
ბიბლიოთეკეფიშ ისტორია საქორთუოს
საქორთუოს ბიბლიოთეკეფიშ ისტორია მერსხილი რე მონასტერეფიშ საქვარუაწკჷმა. ოხვამე-მონასტერეფიშ დორსხუაფაშეხ კჷრიბოჩუაშეშ გოჭყაფაშე იხაზირებუდეს. არძა ოხვამე-მონასტერს მუში კჷრიბოჩუაშე უღუდჷ. ბიბლიოთეკეფს თარო შეწირებული კჷრბეფი აკმადგინანდეს. X ოშწანურას უკვე წკანტილი ჩქჷ კჷრბეფიშ თხილუაშ, რგებაფაშ დო ეკოროცხუა-ეჭარუაშ საქმე. კჷრბით რგებაფა ხვალე ოჩუაშეს შილებედჷ. კაბეტ კულტურულ-ოკჷრბე ცენტრეფს, ნამუეფჷთ გრიგოლ ხანძთელიშ დუდებათ VIII-IX ოშწანურეფს ტაო-კლარჯეთის გიჭყჷნ, მუში ბიბლიოთეკა უღუდჷ.
ლიტერატურა
- გურგენიძე ნ., ლორია ა., ქორთული სხუნუეფიშ ენციკლოპედია, ტ. 2, ხს. 358—359, ქართი, 1977 წანა.
 | ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |